Iyoobi 27:2 - Kafa Linguistics Project

² “Dayinnetoon ta waanee wokkiiti beeyechi Yeeri beege! Ta kashoon caammiiti Beshe Hakkechi Yeeri beege!

Iyoobi 27:2 ပူးပေါင်းရင်းမြစ်များ

2 Saameeli 2:27

Yoꞌaabiyoo “Beeyechi Nuggishoo Yeeri beege; ishin ne getaanegaata, ta asheenaꞌo boonoshi maneenaꞌon yaach maadda beddaahaa yoohi dabbeshinaꞌone” iye.

1 Taateenaꞌo 17:1

Arooba Gilaadee showooch beeti, Tishibee asho Eliyaasi Akaabich “Biich ta maddaabeeti, beeyechi Israꞌeelee Nuggishoo Doono Yeeri beege! Amiyo dihemmoyich ta gettemmi wottoon, waabeeti natinaꞌooch amiyo woyee doshoo (caagibano) beetaachemmone” iye.

1 Taateenaꞌo 18:15

Eliyaasiyoo, “Bi aafooch neexaꞌa ta maddaabeeti, Beshe Mawe Doono Yeeri beege! Hanaach Akaabina danemmo taane” iye.

2 Taateenaꞌo 4:27

Aroochee Yeer asho beeti guudi toommooch shaggaa dihiichaa, bi baatoon gaappaa yechahan. Giyaazi biin wokkiiya waahe. Tunebaani Yeer asho biich, “Qaye; bi kashe caammetine. Doono Yeeri ebin taach aachitone. Taachoo getaanoone” iye.

Iyoobi 10:3

Taan ne xuuxiyoo, ne kishee shuunoo tuneti taan ne hoxo, gonde asheenaꞌochi gaboon ne dego, tatoone?

Iyoobi 16:11

Yeeri gonde asheenaꞌoyich taan beshiiꞌi immiye; hukkechinaꞌo kishooch taan duppiye.

Iyoobi 19:6

taan xuqqito, bi dabboona taan kaappito, Yeeri tunoon, ariibote.

Iyoobi 23:16

Yeeri ta mulloon tiichitone; Beshe Hakkechi Yeeri geewi ta beeyemmoyich tuniitone.

Iyoobi 34:5

“Iyoobiyoo ‘Ta, xalloo taane; tunebaani Yeeri dayinnetoon ta waanee wokkiitone.

Iyoobi 35:2

“Iyoobo, ‘Yeeri aafooch xalloo taane’ ne geto, ebi tate mooyone iyaꞌaniye ne gabaabeeto?

Iyoobi 40:8

“Halla ne, ta dayinnetoon qallayinne? Ne qelloon xalliyachaa taan gondiinne?

Iyoobi 9:17

Biyoo yuboo taan yexxemmoyich tuniihe; ikke naboo aalloon ta achoon wodde mayona yexxiye.

Iyoobi 9:18

Taan kachaa kashoon tuushiiꞌi, ta kasho caammemmoyich tuniihe.

Isiyaasi 40:27

Yaaqobo, Israꞌeelo, amoyich “Ta gommo Doono Yeerich aacheetone; ta dayinnetoonoo ta Nuggishoo aaxxiyaache itone” inne?

Erimiyaasi 12:16

Baꞌaaloonaa boonoshi wogemmoyich ta asheenaꞌon boonoshi dojjoommon ‘Beeyechi Doono Yeeri beege!’ iꞌi ta shigoona wogoyich, ta macceenaꞌochi gommon boonoshi doyigaata, ebiyooba ta asheenaꞌo daggooch becheeree aaremminaꞌone.

Erimiyaasi 4:2

‘Beeyechi Doono Yeeri beege’ iyaꞌa iberoona, dayinnetoona, cadiqoonoo ne wogegaata, aageteenaꞌo taanna diireyemminaꞌone; taannoo yebenemminaꞌone” iye.

Erimiyaasi 5:2

‘Beeyechi Doono Yeeri beege’ ii boonoshi wogeebeeto kootooniye” iye.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Haddoo 14:21

Tunebaani, ta beeyecho ta tunetoyich, iberoon showoo bulli Doono Yeeri ta oogee yiiroona ceennito bi tunetoyich,

Ruuti 3:13

And hiniich qebe; yaach ebi are uroyich ta getaa, neen woraashemmo bi tunegaata, woraashibe; bi qayigaata, Doono Yeeri beege, ta neech tunemmo taane. Showoo harimmi wottoon, hiniich tokketebe” iye.

1 Saameeli 14:39

Israꞌeeleenaꞌoyich wudoon immiibeeti, beeyechi Doono Yeeri beege! Ebi axaaxoon shuuneto ta bushoo Yonaataani bi tunegaatoona, qitaanoon echeyaachemmone” iye. Tunebaani asheenaꞌo daggoochee amoonolla biich qaareto aalloone.

1 Saameeli 14:45

Aroochee asheenaꞌo Saaꞌoolich “Israꞌeeleenaꞌoyich ebiyoommi worganikkiti wudoon daniiti Yonaataani iberoon qitiba? Ebi tuneyaache; hanaach ebin bi tuniito, Yeerichi gaachoonane. Ebich beeyechi Doono Yeeri beege! Bi qelli eexoocheenolla ikkee showooch hollaachemmine” iyeete. Ebina asheenaꞌo Yonaataanin qitoochee wodiiheete.

1 Saameeli 20:21

Aroochee ‘Hamiree ebi shangeenaꞌon deebe’ getiree ta naayon wochemmo taane. Tawoo biich ‘Shangeenaꞌo beeto neyee hachiye. Hach taach deebe’ ta getigaata, keyiree wobe. Beeyechi Doono Yeeri beege! Ne toommooch shaggemmi gonde mooyo amolla aalloone.

1 Saameeli 25:26

“Ta doonocho, beeyechi Doono Yeeri beege! Wotta ne kashoona wogehoye. Damoon ne ukkaachemmoyich, wotta ne hajjee kishoona nichoon ne gaacaachemmoyich neen quyeto Doono Yeerine. Andoo ne etteenaꞌonaa ta doono ne toommooch gondoon gabii beetinaꞌona Naabaaliyoommon tunebeete.

1 Saameeli 25:34

Ne toommooch gonde mooyon ta tuniyaachemmoyich Doono Yeeri taan quyetone. Israꞌeelee Nuggishoo beeyechi Doono Yeeri beege; kaataa waaꞌa taanna ne daneyaan gaata, yaach maadda beddaahaa, Naabaalicho tuneti asheenaꞌo daggoochee ikke anaamolla echeyaacheshone” iye.