Iyoobi 24:13 - Kafa Linguistics Project

¹³ “Gonde asheenaꞌo, bekkoon shixxiibeeti, bi boochoonoo ariyaani, bi kaattoochoo neexee yagaani asheenaꞌone.

Iyoobi 24:13 ပူးပေါင်းရင်းမြစ်များ

1 Taateenaꞌo 3:20

Ne gonnee ta, tokketooch ta beetaa, xumoona ta bushoon ta sheenoochee daammaa bi sheenooch tiqqahan; qititi bi bushoon deebaꞌa ta sheenooch tiqqiihan.

Iyoobi 24:12

Katemee daggoochaa qitiya ii beetinaꞌo, koqqii beetinaꞌone; mayeti asheenaꞌo Yeeri boonoshin gaachemmoyich cookii beetinaꞌone; tunebaani Yeeri ebi mooyon cikkii qajjitone.

Iyoobi 24:14

Ikke amaalli girechon wuxoyich, ashi kashee kichecho haree yaaꞌoona tiyiye; xumoo gaayooch hammiye.

Iyoobi 24:16

Gaayeenaꞌo xumoona ashi kexon iijjii giyiyeete; areddoon kexon hiccii aashee heechiyeete; bekkoon beeggii ariyaaneenaꞌone.

Iyoobi 38:15

Gonde asheenaꞌo waanee boonoshi bekko wokkitone; kaama ciixeti boonoshi mochoo tiishetone.

Iyoobi 5:14

Areddoo boonoshich xumemmone; xumi manderoona shafoommon areddee aaboona shafemminaꞌone.

Shaahiyoo 4:19

Tunebaani gondeenaꞌochi gommo dunne manderoommone; amo boonoshin tephito gaata, ariyaaneenaꞌone.

Yowannisi 12:35

Yesuusiyoo “Batt giisheche aabee wottoon bekko ittoshina tookki beeyemmone. Manderoona shaꞌeebeeto amooch bi hammiibeeto gaata ariyaanoone; ebich ittoshich bi mandereyaachemmoyich, bekke beetaa shaꞌebote.

Yowannisi 15:6

Koniyoona taanna beetaano bi tunegaata, kuxxii maaxooch dufaa shuuqqiibeeti ateenaꞌoommon tunemmone; boonoshinoo kiciree qaaqqooch duppemminaꞌone; michishoo gettemminaꞌone.

Yowannisi 8:31

Yesuusiyoo boonoshi mulloon bi toommooch tooꞌiiti Ayihudeenaꞌon “Ta qaaroona ittoshi beegaata, iberoon ta dabboo ittoshine;

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Yaaqobi 4:17

Illa koniyoona bi tunegaata, deꞌoon shuunoon ariibee shuuno bi qayigaata, are ashoyich axaaxoone.

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.

Yihudi 1:6

Ebiyoommon wotta boonoshich icheti ukkirittinoon qajjiꞌi boonoshi beeyi xaaꞌoochee kechiti maraakeenaꞌon dechi manderooch bulli yemeenoon sansalatoona cuchiꞌi, ooge nallee aabooba boonoshi toommooch bi nallimmi wottoon boonoshin quyee beetone.