Iyoobi 19:13 - Kafa Linguistics Project

¹³ “Ta maneenaꞌon ta waanee wokkiihe; ta aricheenaꞌo taan shiqqiiheete.

Iyoobi 19:13 ပူးပေါင်းရင်းမြစ်များ

Iyoobi 16:20

Ta nuucheenaꞌo taan cooneheete; ta aafo acimoon ukkiibee Yeer waan ciinniye.

Iyoobi 16:7

Yeero, ta giidoon qachiito neene; ta kechi asheenaꞌonoo aalliito neene.

Iyoobi 42:11

Bi anaami maneenaꞌo, maache maneenaꞌonaa bi aricheenaꞌo tuneti asheenaꞌo bullina biin beegga waaheete; bi kexoochaa biinna tookkii maa uchiyeete; Doono Yeeri bi toommooch deebiti xuuxoyich ayiniyeete; biinoo goggiiheete. Boonoshi ikkikkoona xure birewoonaa aachee qalibetoonon biich immiyeete.

Iyoobi 6:15

Tunebaani ta maneenaꞌo woce aacochoommon, amiyo aallehooba shuuqqiibeeti aacochoommon, gibeneyaaneenaꞌo tuneheete.

Iyoobi 6:20

Aacon danemminaꞌo boonoshi tunoon gibeneꞌi, boonoshi waatoyich, are xaaꞌooch shaggiichii yeellee ayiniyeete.

Shoddo 31:11

Ta etteenaꞌo bulli, beshoonoo ta giyeenaꞌo, taan cooneheete; taan arii beetinaꞌo taan shattiyeete; gommoochaa taan beeggitinaꞌoo ta waanee wokkiyeete.

Shoddo 31:12

Qititi ashichoommon batteehoye; tiisheti qiicoommon tunehoye.

Shoddo 38:11

Ta biiyoochee tiyitona, ta shunechinaꞌonaa ta nuucheenaꞌona taan qajjiyeete; ta xibeenaꞌoo tayee wokkiyeete.

Shoddo 38:12

Taan wuxoyich qaawii beetinaꞌo taach dabboon dabbeheete; gonde mooyo ta toommooch shagon qaawii beetinaꞌo, taan aalliiya yibbaateheete; heeyo bullin ta toommooch koceeheete.

Shoddo 41:9

Ta gibeneti ta katini xiboo ta koshon taanna tookkii maato, ta toommooch tiyiye.

Shoddo 69:20

Naago ta mulloon buriccitone; ebina ta gibeno tahitone. Taach ariqqemmi ashoon qaawiyoye; tunebaani koniyoona aalloone; taan goggiyemmi ashoon qaawiyoye; tunebaani daneyaanoone.

Shoddo 69:8

Ta maneenaꞌoyich dallaawoo, ta indee shiyetinaꞌoyichoo shiqqoo, tuneto taane.

Shoddo 69:9

Ne kechi qanaato taan michiye; neen boonoshi naaggiibeeti naago ta toommooch kindiye.

Shoddo 88:18

Ta xiboonaa ta nuuchoonon tayee wokkiihine; manderoo baach taach nuuchoo tunehe.

Shoddo 88:8

Ta nuucheenaꞌo ta waanee wokkemmoyich tuniihine; boonoshina tiyaareeton taan tuniihine; giicheto taane; muricon hakkaache.

Shoosho 1:19

“Ta shunechinaꞌon ceeggehoye; tunebaani boonoshi taan dawushiyeete; ta qeesheenaꞌonaa showee geeneenaꞌona kashoona beemoyich, maayoon qaawiibee katemoochaa qitiyeete.

Shoosho 1:2

Xumoona oogichii eeppahan; acimo bi gaakkoona gederehe; bi shunechinaꞌo bulliichee, biin goggiyemmo aallehe; bi nuucheenaꞌo biin beshii immitinaꞌone; biichoo ettoon tunetinaꞌone.

Maatiyoosi 26:56

Tunebaani ebi bulli bi tuneto, keemechinaꞌo kooriti Yaafe Macaafee qaaro bi ceennemmoyichiye” iye. Arooba bi dabbeenaꞌo bulli biin duppiichii aalleheete.

2 Ximootiyoosi 4:16

Batti batti ta taggoyich ikkolla taan gaacheyaanoon bulla qajjitinaꞌone; Yeeri ebi xuꞌoon boonoshi toommooch haddaaye.