8 Yeerichi iiteenaꞌo daggooch danaꞌa mooyon elletine? Ashi ariyoo beeto ne waan baach, neech shaahii beete?
Shalligoo meeti boochecho bi tunetoyich, shalligee maaci mooyon neech getishoo geta! Ebich Yeeri neen bi sheerito, ne axaaxoyich ne sheereya bedoon tunee bi qayon, ariibe.
“Eeha, gettii waayiibeeti asho ittoshine getone; ittoshi qitigaata shalligechi bare asho daneyaachemmone getone.
Arooba, giidoo taach beetone; Yeeri ta shunechon tuneꞌi ta kexon quyee beetone.
Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.
Doono Yeeri xumme ashoon ciigehe; tunebaani kaame ashoyich bi maaci mooyon gaxxii gettiye.
Boonoshi daggoochee bi qaaroon beegonaa waayoonoyich, Doono Yeerichi iitooch neexeto konine? Bi qaaroon aaxxiitonaa elletona konine?
Iberoochaa Nuggishoo Doono Yeeri bi maacee mooyon, bi guuninaꞌo tuneti keemechinaꞌoyich getaanoon amoonolla tuniyaache.
Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.
Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.
Ebi bi tuneti naboo, “Shaahiyoona gettemmo taane; Yeeri alemoon bi hallitoochee tiijjiꞌi aacheeti mooyon gaxxemmo taane” iꞌi keemecho gettito ceennemmoyichiye.
Guuno bi doono tuniiya gabiton ariyaanoone; ebich ebiyee damba ittoshin guuno getaache. Tunetaa ittoshin ‘Ta shunechinaꞌo’ ito taane; ta Nihoo waanee ta waayeto bullinoo ittoshich getteto taane.
Yeerichi wojjee gaanno, shalligoonaa ariyoona am shaahoon woddete! Tuniiya bi maacciti mooyon koniyoona maqqiꞌi ariyoon hakkaache; bi gommonoo qaawii danoon hakkemmo aalloone.
Yaafe Macaafooch ishichaa bi kooreetoommon, “Doono Yeerichi gaboon ariito, konine? Biin boyeto, konine?”
Yaafe Macaafooch bi kooreetoommon, “Doono Yeerichi gaboon ariito konine? Biinoo boyemmo konine?” Tunebaani Kiristoosichi gaboo nooch beetone.
“Gaxxeyaani mooyo no Nuggishoo Doono Yeerichone; tunebaani noonnaa no shiijjeroona bulli yemeenoon no quyemmoyich, Doono Yeeri bi sheeroon nooch gaxxitone” iye.