Iyoobi 11:7 - Kafa Linguistics Project

⁷ “Yeerichi maacee mooyon maqqiꞌi ariyoon hakkenne? Beshe Hakkechi Yeerichi moochi ciiroon ariyoon hakkenne?

Iyoobi 11:7 ပူးပေါင်းရင်းမြစ်များ

Iyoobi 22:12

“Yeeri wohi shimaayooch toone bi beeto? Xojjeneenaꞌo am shaahoon wohinaꞌo gaata, ciine.

Iyoobi 26:14

Eboshi bi shuunoochee am bedaani mooyinaꞌo baachiye; bi shuuneechon no waayaabeeto shaashikkoon baachiye; bi giidee gigoon shalligoon hakkemmo konine?” iye.

Iyoobi 27:11

“Yeerichi giidoo am shaahoo gaata, ta ittoshich bekkiyemmo taane; Beshe Hakkechi Yeeri gabiton aachaachemmo taane.

Iyoobi 33:12

“Iyoobo, neech getona; ebin ne getona gondeto neene; Yeeri ashoyee beshoone.

Iyoobi 33:13

‘Ashi cookoon ciroona waayeyaanoone’ iyaꞌa, biinna ne taggaabeeto amoyichiye?

Iyoobi 35:5

Ne aafoon kaachiree damba shimaayooch ciine; oogeton wokkiꞌi neyee damba beeti quboon beege.

Iyoobi 36:26

Yeeri beshiti oogoo bi tunetoyich, biin xiishii ariyoon hakkaachone; bi yemeenoon koniyoona haddii ariyoon hakkaache.

Iyoobi 37:23

Beshe Hakkechi Yeeri oogeti giidecho bi tunetoyich, bi waan katinon hakkaachone; kaamoonaa cadiqoona bi tunetoyich, koninolla xuꞌaache.

Iyoobi 37:5

Yeeri waayoyich worganikkiti bi qaaroona gigee beetone; biyoo shalligii yeshon no hakkaani giidechi mooyon tunii beetone.

Iyoobi 42:3

Newoo ‘Ariyaanoon yibbaatoona, ta shalligoon qallayaabeeti ne, halla koni neene?’ iyaꞌa echeto neene. Iberoochaa, taach giyaani mooyon, ta ariyaani, shalligoonoo ta hakkaani worganikkiti mooyon, getteto taane.

Iyoobi 5:9

Bi tuniibeeti giidechi mooyon asho ariyoon hakkaache; haddaa ciyaani worganikkiti mooyon tuniihe.

Shoddo 139:6

Ebiyoommi ariyoo taan worganikkiye; ta shalligoyee damboone.

Shoddo 145:3

Doono Yeeri oogoone; biin oogichii galleto tatoone; bi oogittino shalligoyee damboone.

Shoddo 77:19

Ne gommo baharee daggooch beetone; ne kaattoo ooge aachi daggoochiye; tunebaani ne hilloo arooch bekkeyaanoone.

Shaahiyoo 30:4

Shimaayooch kechii kindito konine? Yongoon bi kishooch uppii yechito konine? Aacon bi tahooch qulleto konine? Showee tuggeenaꞌo bullin manjiito konine? Bi shigoonaa bi bushoochi shigoona konine? Eke ne ariyaabeeto gaata gete.

Dojjecho 3:11

Bulli mooyon bi gooroona malletechon tuniiꞌi shuunehe. Bulli yemeenee mooyon gaboon ashi mullooch kotiihe; tunebaani Yeeri shiichoochee ciirooch beddaahaa bi tuniiton asheenaꞌo ciichii ariyoon hakkaacheete.

Dojjecho 7:24

Bulli mooyo shalligoyich oogeti maggoone; ebin hakki shalligemmo konine?

Isiyaasi 40:28

Ariyaano neene? Waayeyaano neene? Doono Yeeri bulli yemeenee Nuggishoone; showoo bullin hallito biine; maraateyaache; taahaache; bi gaboon maqqii shagon hakkemmo aalloone.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Roomi 11:33

Yeerichi wojjee gaanno, shalligoonaa ariyoona am shaahoon woddete! Tuniiya bi maacciti mooyon koniyoona maqqiꞌi ariyoon hakkaache; bi gommonoo qaawii danoon hakkemmo aalloone.

1 Qorontoosi 2:10

Ebichi naboyich Yaafe Ayaano Yeerichi maacee moochi tuggooch beddaahaa, ikkoonolla echiyaanoon maqqii bi arii beetoyich, ebi bullin Yeeri bi Yaafe Ayaanoona nooch bekkiitone.

1 Qorontoosi 2:16

Yaafe Macaafooch bi kooreetoommon, “Doono Yeerichi gaboon ariito konine? Biinoo boyemmo konine?” Tunebaani Kiristoosichi gaboo nooch beetone.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.