Iyoobi 10:7 - Kafa Linguistics Project

⁷ Gondo ta toommooch aallo bi tunoon, ne kishoochee taan wodiyemmo koniyoona aallo bi tunoonoo, ariyaabeeto neene.

Iyoobi 10:7 ပူးပေါင်းရင်းမြစ်များ

Iyoobi 10:15

Gondeto ta tunegaata, taach woowo! Cadiqo ta tunetaa kaama qaallaache; ebiyoo yeelleto ta tunetoyich, xuuxoonoo beeggeto ta tunetoyichiye.

Iyoobi 11:4

Newoo, ‘Ta yibbaatoo tatoone; Yeeri aafoochaa xalloo taane’ iyine.

Iyoobi 13:18

Ebiyoche, ta taggoon qanniito taane; taach nalleyemmo bi tunoon ariyaabeeto taane.

Iyoobi 23:10

Tunetaa bi ta shaaddoon ariihe; taan bi phiretoyee gubb, aachoochoommon aaxxemmo taane.

Iyoobi 23:11

Tawoo bi hilloon dabbito taane; qanna yoocha getaanoon, bi gommon hammeto taane.

Iyoobi 27:22

bi kishoochee muricoyich bi qiiccetaa; ariqqaalloon bi toommooch yongemmone.

Iyoobi 31:14

Yeeri ta toommooch nalliya bi waahooba, ama gettehote? Taan bi echehooba, ama getiree biich wochehote?

Iyoobi 31:35

“Ta mooyon elle waayemmon daneshoo getota! Beshe Hakkechi Yeeri taach yibbaatemmo gaata, ta yibbaatoo bulli iberoo bi tunoon bekkiyoyich malletoon arooch geddesho taane; taanna taggeebeeto bi taggoon kooriree giddiishoo geta!

Iyoobi 31:6

Yeeri kaamoo tuneti machoona taan qoce; ebina deꞌo ta tunoon ariyemmone.

Iyoobi 32:1

Iyoobi “Xalloo taane” getona bi manjitoyich ebi keejje asheenaꞌo cikkii qajjiyeete.

Iyoobi 33:9

Newoo ‘Ta, muricaalli xalloo taane; xuqqaa ariyaani xalle asho taane.

Iyoobi 40:8

“Halla ne, ta dayinnetoon qallayinne? Ne qelloon xalliyachaa taan gondiinne?

Iyoobi 42:7

Doono Yeeri Iyoobina tookkii ebi mooyon bi yibbaatetoyee gubb, Temaanee asho Elifaazich ishichiye: “Ta guuno Iyoobichoommon ta mooyon tatoona yibbaato ittoshi qajjitoyich, neennaa gutte ne nuucheenaꞌonochi toommooch oogichaꞌa kaareto taane.

Iyoobi 9:12

Bi qaawiton bogi bi daamaa, bayon hakkemmo konine? ‘Ebi amooniye ne tuniyaabeeto?’ gettemmo konine?

Iyoobi 9:21

“Oonaallo taane; tunebaani illa ta qellichon aaxxiyaachemmo taane; beemo taan shixxiitone.

Iyoobi 9:22

‘Yeeri axaaxechonaa ikke oonaalli ashoonon ikkochii bi aallii beetoyich, bariti mooyo amolla aalloone’ ta ito ebichiye.

Shoddo 1:6

Doono Yeeri cadiqeenaꞌo aaf shiichiꞌi, boonoshin quyee beetone; tunebaani gondeenaꞌochi gommo bi bechiibeeto aalloochiye.

Shoddo 17:3

Ta mulloon beeggehine; xumoon ta waan waahine; taanoo phiree beeggehine; ta waanee gondoon daneyaano neene; ta heciyoo muricaanoone.

Shoddo 50:22

“Ebich Yeerin batteebeeti ittoshi bulli ebin shalligibote; ebi tuno qayigaata, ittoshin aalliyemmo taane; ittoshin wodiyemmo aalloone.

Shoddo 7:3

Ta Nuggishoo Doono Yeero, ta kishooch gonde mooyo beegaata, ta xiboyich deꞌee kaalloon gondoon wochito ta tunegaata, naboo aalloon ta ettoon boggeto ta tunegaata, ebin tuniito ta tunegaata,

Isiyaasi 43:13

“Wonna beddaahaa, ta Nuggishoo taane; koniyoona ta kishoochee wodiyoon hakkaache; shuunemmo taane; bajjemmo konine?” iye.

Daaneeli 3:15

Andoo xurumbee qaaroon, tiree qaaroon, shumburee qaaroon, giishi ximbee qaaroon, ooge ximbee qaaroon, ebi duubbi qiiceenaꞌo bullichi qaaroon ittoshi waayemmona, ta neechiti misiloyich baroona guuferee goyinneya ittoshi qannigaata, gaawiye. Goyinno ittoshi qayigaata, aaxxeebeeti qaaqqee sheellooch bekkech duppeyemmo ittoshine. Ta kishoochee ittoshin wodiyemmi nuggishoo, konine?” iye.

Hosee'i 2:10

Bi shunechinaꞌo aafoochaa shokkoon biin echiyemmo taane. Ta kishoochee biin wodiyemmo koniyoona aalloone.

Hosee'i 5:14

Ebich Efreemich daaheroon, Yihudee asheenaꞌoyich, more daaheroon tuneree boonoshin tiishiichi beshe hammemmo taane. Bogishoo daammemmo taane. Koniyoona boonoshin wodiyoon hakkaachemmone.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

Yibbaatoo 32:39

“ ‘Illa ta ikkeeto baach Nuggishoo ta tunoon, tayee bare nuggishoo aallo bi tunoon beegote. Wuxiyoye; mayiihoye; wodiinoo iyoye; ta kishoochee dichoon hakkemmo koniyoona aalloone.

1 Tasaloonqi 2:10

Kittinnoo ittoshi daggooch am shaahe yaafittinoonaa cadiqittinoona, ikke bachaalli beemonoo no beemon ittoshinaa Yeerina miixoo ittoshine.

Yaasi 22:22

“Giidechi Nuggishoo, Doono Yeeri beege! Giidechi Nuggishoo, Doono Yeeri beege! Aroo arii beetone. Israꞌeeleenaꞌoo ebin ariibeete. Ebin no tuniito, hukkoona woyee Doono Yeerich gibeneyee qayona bi tunegaata, hanaach noon maariyaahote.