Iyoobi 1:8 - Kafa Linguistics Project

⁸ Doono Yeeriyoo Sheexaanoon, “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone” iye.

Iyoobi 1:8 ပူးပေါင်းရင်းမြစ်များ

2 Taateenaꞌo 23:25

Muusichi Sheerooch kooreeton ceechoona Yosiyaasichoommon ceeni bi mulloona, ceeni bi kashoonaa ceeni bi hakkoona Doono Yeerich maddeti taatoo, biyee aafoo tuneba biyee gubb, aalloone.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Iyoobi 1:1

Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.

Iyoobi 12:4

“Yeeri ta qolloon waayeti ta, ta nuucheenaꞌona cooneeto taane; kaamoonaa cadiqoona tuneti taan, cooneheete.

Iyoobi 2:1

Maraakeenaꞌo Doono Yeeri aafooch giddeebeeti bare aabooba, Sheexaanoo Doono Yeeri aafooch giddeya boonoshina tookkii waahe.

Iyoobi 2:3

Doono Yeeriyoo Sheexaanoon “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone. Ikke naboo aalloon biin ta aalliyemmoyich ne qiiccetaanona and beddaahaa bi deꞌittinoona manjitone” iye.

Iyoobi 34:14

Yeeri, kashoonaa kashee hiinnoonon, wochii bi daammimmo gaata,

Iyoobi 8:20

“Yeeri kaame asheenaꞌon dufaache; tunebaani gondeenaꞌon gaacheyaache.

Shoddo 18:23

Bi aafooch oonaallo taane; gondoon shuunoochee ta qelloon quyeto taane.

Shoddo 34:14

Gonde mooyoochee wohe; gaawe mooyon tuniibe; diggoona beemon kupphiiree qaawibe.

Shoddo 36:1

Axaaxecho gonde mooyon bi mulloona gabiye; Yeerin shato bi aafooch aalloone.

Shoddo 37:27

Gondoochee wohe; gaawe mooyonoo tuniibe; bulli yemeenoon beeyemmo neene.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shoddo 89:20

Ta guuno Daawitin danehoye; yaafeeti ta zayitoona biin huuttehoye.

Shaahiyoo 8:13

Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.

Isiyaasi 1:16

Macheree ittoshi qelloon xalliibote; ittoshi gonde shuunoon ta aafoochee wokkiibote; gondoon shuunoon qayote.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Hiziqeeli 40:4

Are uro taach “Ashi bushoocho, hiniich ne womi naboo ebin neech ta bekkiyemmoyichiye; ebich ne aafoona ciine; ne waamona waayebe; neech ta bekkii beeton ne mullooch gede; ne beeggemmo bullinoo Israꞌeelee macceenaꞌoyich gete” iye.

Haddoo 12:3

Showee toommooch beeti asho bulliyee beshoon Muusi bi qelloon giishiibeeti ashoone.

Yowannisi 1:47

Naatinaꞌeeli bi waan womon Yesuusi beeggiꞌi ishichiye: “Dawushoon ariyaani ibere Israꞌeelee asho hinine” iye.

Yaasi 1:2

“Ta guuno Muusi qititone. Illa and neennaa hini asheenaꞌo bullina tibote; Israꞌeeleenaꞌoyich ta immemmi showooch gimoyich Yoordaanoosin kimbote.

Yaasi 1:7

Ne baach kupphebe, maac kuxoonoo tunebe; ta guuno Muusi neech immiti sheeroo bullin manjii quyeree ceechibe. Ne hammemmo bulliich neech bi kaamemmoyich, are sheeroochee qanna yoocha gettaahine.