Iyoobi 1:6 - Kafa Linguistics Project

⁶ Ikke areddoon maraakeenaꞌo Doono Yeeri aafooch giddehooba, Sheexaanoo boonoshina tookkii giddehe.

Iyoobi 1:6 ပူးပေါင်းရင်းမြစ်များ

Halloo 6:2

Yeerichi bushiisheenaꞌo, asheenaꞌochi maache bushiisheenaꞌo mallet gaaweenaꞌo boonoshi tunoon beeggiꞌi, boonoshi shunnii shunnitinaꞌon daammii shaaggiyeete.

Halloo 6:4

Arooba, aroyee gubboo genjeenaꞌonaa giidechinaꞌona tuneti Nefiliimeenaꞌo showee toommooch beeheete; eboshi Yeerichi bushiisheenaꞌo asheenaꞌochi maache bushiisheenaꞌon shaaggiꞌi, boonoshi shiyiti bushiisheenaꞌone. Eboshiyoo wonna aricheti ginee anaaminaꞌone.

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

1 Kiinoo 21:1

Sheexaanoo Israꞌeeleenaꞌo toommooch tiyiꞌi, Daawiti Israꞌeeleenaꞌon haddiyemmoyich tuniihe.

2 Kiinoo 18:20

Aroochee ikke ayaano kechiꞌi, Doono Yeeri aafooch neexeechii, ‘Ta biin muriciyemmo taane’ iye. “Aroochee Doono Yeeri biich, ‘Aabichireeshiye ne muriciyemmo?’ iye.

Iyoobi 2:1

Maraakeenaꞌo Doono Yeeri aafooch giddeebeeti bare aabooba, Sheexaanoo Doono Yeeri aafooch giddeya boonoshina tookkii waahe.

Iyoobi 2:3

Doono Yeeriyoo Sheexaanoon “Ta guuno Iyoobin xiishaa beeggetine? Showee toommooch biinoommi oonaalli kaamoo, Doono Yeeri taan shattiibeeto, gonde mooyoocheenoo wokkiti asho aalloone. Ikke naboo aalloon biin ta aalliyemmoyich ne qiiccetaanona and beddaahaa bi deꞌittinoona manjitone” iye.

Shoddo 103:20

Bi qaaroonoo ceechiibeeti, bi gettii beeton waayaabeeti, hakkechi maraakeenaꞌote, Doono Yeerin diiribote.

Daaneeli 3:25

Biyoo daakkiꞌi, “Ebiyoche, awudde asheenaꞌo qaaqqee daggoona shaꞌee beetinaꞌon beeggaabeeto taane. Boonoshiyoo cucheyaaneenaꞌone. Boonoshi qeddoo ciroona micaanoone. Awuddinnoo nuggisheexi ikkooniye bi shaahiibeeto” iye.

Zakaariyaasi 3:1

Bare yaaꞌoona qeeshee guudo Yaasi Yeerichi maraakoo aafooch neexeꞌi bi beetaa Doono Yeeri taach bekkiihe. Sheexaanoo Yaasin taggeya bi qanne badd neexeꞌi beehe.

Maatiyoosi 18:10

“Hini gishiisheenaꞌoochee ikkoonolla ittoshi hoxeyaachemmoyich, ittoshi qelloon quyebote. Shimaayooch beeti boonoshi maraakeenaꞌo shimaayooch beeti ta Nihoo aafooch bulli aaboon beetinaꞌone.

Luqaasi 22:31

Ebichi hillooch Doono Yesuusi “Simoono, Simoono, Sheexaanoo teepphoon woqqoommon ittoshin woqqiya Yeerin qolletone.

Luqaasi 3:38

Henooshi bushoo, Seeti bushoo, Addaami bushoo, Yeeri bushoone.

Yowannisi 6:70

Yesuusi boonoshich “Ta, aaraa guttoo ittoshin kaacaachote? Tunetaa ittoshi daggeexi ikkoo daabiloosine” iꞌi wochiye.