Iyoobi 1:21 - Kafa Linguistics Project

²¹ Biyoo ishichiye: “Shokkaachoon ta indee maacoochee kecheto taane; shokkaachoon wotteree hammemmo taane. Doono Yeeri immiye; Doono Yeeriyoo tiijjii daammiye; bi shigo galleteebe” iye.

Iyoobi 1:21 ပူးပေါင်းရင်းမြစ်များ

Halloo 3:19

Showoochee halleeto neene; ebich showooch wottemmo neene; ne kecheti showooch ne wottemmi wottoon, aayi caajjeree koshon maayemmo neene” iye.

Halloo 30:2

Yaaqobiyoo Raaheelin oogichii kaareꞌi, “Ta, ne maacoon dookkiti Yeeri taane?” iye.

Halloo 45:5

Andoo taan kemmiꞌi hiniich ittoshi deejjitoyich, ayiniyaahote. ‘Aakkiya ebin tuniitone?’ gettaahote. Ebin tuniito Yeerine; asheenaꞌochi kashoon wodiyoyich ittoshiyee shiichii taan deejjitone.

2 Saameeli 16:12

Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.

1 Taateenaꞌo 12:15

Doono Yeeri Shiloohee asho Akiyina, Nebaaxi bushoo Yeroboꞌamich bi gettiti qaaroon ceechoyich, Doono Yeer waanaa maacheto bi tunetoyich, taatoo asheenaꞌo mooyon waayeyaanoone.

2 Taateenaꞌo 20:19

Hiziqiyaasi, “Ta yemeenooch baach diggoonaa keqqaalli beemona tunebaani, taan amo qaaqqiye” iꞌi, Isiyaasich, “Ne getteti Doono Yeerichi qaaro deꞌoone” iye.

Nehimi 9:5

Leweenaꞌo, eboshiyoo Yaasi, Qadimeeli, Baniyi, Hashabiniyahi, Sherebiyi, Hodiyi, Shebaniyinaa Fetahiyina, “Tiyi neexeechi, ittoshi Nuggishoo Doono Yeerin bulli yemeenoochee bulli yemeenooch diiribote” iyeete. Aroochee asheenaꞌo ishichiꞌi corootiyeete: “Galletoonaa diiroo bullinoyee beshe oogee yiirechi ne shigo diireebe.

Iyoobi 1:11

Eke ne kishoon tiijjiree biich beeto bullin aalliibe; biyoo ne aafoochaa, neen naaggemmone” iye.

Iyoobi 2:10

Biyoo wochiꞌi, “Ne yibbaatoo mullaalli maacheenaꞌochi yibbaatoommone. Yeer waanee deꞌe mooyon deqqeto noone; ishigaata, magge mooyon deꞌaache getona?” iye. Ebi bulli daggooch Iyoobichi noonoochee gonde mooyo keyaanoone.

Iyoobi 9:12

Bi qaawiton bogi bi daamaa, bayon hakkemmo konine? ‘Ebi amooniye ne tuniyaabeeto?’ gettemmo konine?

Shoddo 34:1

Doono Yeerin bulli aaboon galletemmo taane; bi galletoon ta noonoochee kuxaachemmo taane.

Shoddo 34:2

Ta kashe Doono Yeerina yebenahane; boonoshi qelloon giishii beetinaꞌo waayeree emiribeete.

Shoddo 39:9

Ebin tuniito ne tunetoyich, minnakanna getaanoon cikkiyoye.

Shoddo 49:17

Bi qitiyooba amoonolla daamaachemmone; bi oogo biinna tookki maash hamaachemmone.

Dojjecho 12:7

showoo bi showa wotteyaan beetaa, kashe biin halliti Nuggishoo Yeer waan wotteyaan beetaa, neen Halliton gabibe!

Dojjecho 5:14

tunebaani ebi gijjoon diqqoona aalliiꞌi boonoshi bushiishoyich boonoshi woraashiyemmon mucceheete.

Dojjecho 5:15

Asho bi indee maacoochee shokkaachoon shiijjehe; shokkaachoon bi shiijjetoommon shokkaachoon wottee hammiye. Bi aajjiti mooyoochee amoonolla yechii hamaache.

Dojjecho 5:19

Yeeri ashich gaannoonaa gijjoonon bi immiibeeto, bi maayemmonaa bi qoodoon bi danemmonoyich, bi aajjiti aayonoo bi emiremmoyichiye; ebiyoo Yeerichi wojjoone.

Isiyaasi 24:15

Ebich, aabi-keyo waanaa Yeerin galletebote; baharee gashoonaa buure showoonoochaa Israꞌeelee Nuggishoo Doono Yeerichi shigoon oogiibote.

Isiyaasi 42:24

Yaaqobin boggoyich, Israꞌeelin bokkoyich beshii immito konine? Ebin tuniito Doono Yeeri toone? Ebiyoo, axaaxoon no shuunetoyich, bi daaggoona hamon no qajjetoyich, bi sheeroyichoo deꞌa geto no qajjetoyichiye.

Isiyaasi 45:7

Manderoonaa bekkoonon hallito taane; deꞌe yemeenoonaa gonde yemeenoonon deebaabeetoo taane; ebi bulli mooyon tuniyaabeeto Doono Yeeri taane.

Shoosho 3:38

Deꞌo tuneba gondo bi tunemmo Beshoo Yeeri getigaata baach toone?

Amootsi 3:6

Katemee daggooch tiroo (waaringo) hukketaa waayeechi, asheenaꞌo keqqaacheheete? Doono Yeeri daaggaanoon, gonde mooyo katemee daggooch tunehe?

Maatiyoosi 20:15

Ta gijjoona ta shunnemmon shuuno hakkaachehote? Woyee deꞌe asho ta tunetoyich qanaataa beetine?’ iye.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

Efesooni 5:20

Tuneti mooyo bullich bulli aaboon no Doono Yesuus Kiristoosi shigoona Nihoo Yeerin galletebote.

1 Tasaloonqi 5:18

amee mooyolla ittoshi toommooch bi shaggitaa, Yeerin galletebote. Ebi Kiristoos Yesuusina ittoshich Yeerichi daaggoo bi tunetoyichiye.

1 Ximootiyoosi 6:7

No shiijjehooba hini showooch amoonolla deebaano noone; ebiyoommon no qitiyooba wotta, amoonolla yeshiree hamaachemmo noone.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

Yaaqobi 5:11

Haaꞌiyoona manjitinaꞌon diireetinaꞌone ii beeto noone. Iyoobichi haaꞌiyoon waayeto ittoshine; wotta ciiroochaa Doono Yeeri biich tuniiton beeggito ittoshine; Doono Yeeri oogeti deꞌoonaa ariqqechonane.

Ruuti 1:21

Ceenona kecheti taan Doono Yeeri ta kishoon tiqqiiꞌi wochitone. Doono Yeeri taan naxemmona, Beshe Hakkechi Yeeri taan xuuxoona yexximmona, aakkiya taan Naꞌoomi iyote?” iyan.

1 Saameeli 2:7

Doono Yeeri girechon tuniihe; gaannechonoo tuniihe; giishiihe; oogiinoo iye.

1 Saameeli 2:8

Biyoo girechon buttoochee tiijjiye; gittoonoo tulloochee tiijjiye. Iraasheenaꞌona tookkii boonoshin kotiihe; oogee qeenonoo boonoshich woraashiihe. Showee tuugeenaꞌo Doono Yeerichinaꞌone; boonoshi toommooch showoon kotiihe.

1 Saameeli 3:18

Ebich Saameeli bulli mooyon biich gettiye. Ikke mooyonona biich aachaanoone. Eeliyoo “Bi, Doono Yeerine. Gaaweto tuneꞌi biich bekketon tuniibe” iye.