Isiyaasi 9:5 - Kafa Linguistics Project

⁵ Neexxiibeeti, ginee naayinaꞌochi caammoo bulli, damoona muureeti qoreddoo bulli, qaaqqooch miccemmone; gokkeshoo gettemmone.

Isiyaasi 9:5 ပူးပေါင်းရင်းမြစ်များ

Halloo 32:30

Ebich Yaaqobi “Yeerina tookkaa baroona ta danetaanona, ta kashe qitaanoon muriccetine” iꞌi, ebi xaaꞌoon Phiniꞌeeli iye.

Shoddo 46:9

Koyoon showee toommo bulliichee wokkiihe; maꞌoon tiichiye; ginoonoo tiichii aalliihe; gaachoonoo qaaqqoona michiye.

Shoddo 72:3

Guudinaꞌo gaannoon, geppeenaꞌo cadiqee aafoon ne asheenaꞌoyich daniibeete.

Keyo 23:21

Gaawichi elleree bi gettii beeton waayebe. Bi toommooch hukkoon shuuneyaahine. Ta shigo bi toommooch beeto bi tunetoyich, bi toommooch hukkoon ne shuunegaata, neen maaraachemmone.

Isiyaasi 13:4

Guudinaꞌo toommooch dofee aageteenaꞌo qaaro waayee beeton ellebote; taatee showeenaꞌoochee kiceeti, caageebeeti asheenaꞌochi qaaroon waayebote. Beshe Mawe Doono Yeeri ginechinaꞌon ginee koyooch qannii beetone.

Isiyaasi 2:4

Biyoo aageteenaꞌo daggooch nalliree, meeti asheenaꞌo daggooch beeti kaaroon aalliyemmone; boonoshiyoo, boonoshi goraadoon maaneshooch, boonoshi ginoonoo magaadooch wochiree qiccemminaꞌone. Ikke aagetoo bi goraadoon tiijjiree bare aagetoona koyeyaachemmone; aroyee gubb, ginee koyoon doyaachemminaꞌone.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 37:36

Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Isiyaasi 4:4

Doono Yeeri Tsiyooni maache bushiisheenaꞌochi kiinoon machemmone; Yerusaaleminoo bi daggooch ufeti damoona bi wooretoochee, bi nalloonaa bi ayaanee hakkoona xalliyemmone.

Isiyaasi 9:4

Miidiyameenaꞌo koyaa wottehooba bi tunetoommon, boonoshin maggeti waanjoon, boonoshi gogooch kindiibeeti gumboon, boonoshin xuuxiyechochi yaaboon, tiicheto neene.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 23:5

Doono Yeeri ishichiye: “Daawitichi gumboochee cadiqo tuneton taatoo bi tunemmoyich, ta kaaccemmi yemeeno woyemmone; ebi taatoo ariyoona qeejjemmone; showee toommooch dayinnetoonaa cadiqoona tuneti mooyon tuniyemmone.

Erimiyaasi 47:3

Giidechi bi haresheenaꞌochi galabee qaaroona, gaarinaꞌochi guubboona, gengeenaꞌochi kakoonoo, niheenaꞌo boonoshi mochoo niretaa boonoshi bushiisheenaꞌon gaachoyich gubb cuqeyaachemminaꞌone.

Yoꞌeeli 2:5

Gaarinaꞌochi qaaroommi qaaroon waayiibee, guudi toommona capheheete; galloon yechiti qaaqqoo tatoommon, tatiyeete; giidechi ginee naayinaꞌo koyoyich qanniꞌi yaaroona keyoommon, kechiyeete.

Leweenaꞌo 3:11

Qeeshoo eboshi bullin taach giddeebeeti maayi deejjoon tuniiree deejjee gudoochaa michibe.

Leweenaꞌo 3:16

Qeeshoo eboshi bullin qaaqqooch michaa taach giddeebeeti, gaawe cinnechi maayi deejjoon tuniiree deejjee gudoochaa michibe. Deejjeyoyich giddeti gijjoochi awuyo bulli taachone.

Mikiyaasi 5:1

Hini ginee naayinaꞌochi katemoocho, ginee naayinaꞌon kicibe; giicheto noone. Israꞌeelee wulloochi gaakkoon gumboona xoobbii beetinaꞌone.

Naahoomi 3:2

Arengee xuupphi qaaro, gaari gengeenaꞌochi qaaro, hareshee galabee qaaroonaa, quttiibeeti gaarichi qaaroona waayeehe.

Zakaariyaasi 6:13

Doono Yeerichi yaafee kexon haggemmo biine. Taatee oogoon deꞌiree, taatee qeenooch koteechi bi asheenaꞌon qeejjemmone; bi taatee qeechi gaꞌoochoo qeeshoon tunemmone. Guttiyona ikkittinoona, diggoona shuunemminaꞌone’ itone gete.

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Mishiraachechinaꞌo 2:19

Gaakkechi shuunoon damba shimaayooch, worganikkiti malletoonoo desh showooch, bekkiyemmo taane; damoo, qaaqqoo, cufee duulloo tunemmone.

Mishiraachechinaꞌo 2:3

Qaaqqee aaxxee nalloommon qoodeeꞌi, boonoshi bulli toommooch kindoon beeggiyeete.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

Woraaferasheenaꞌo 13:18

Maraakoo wochiꞌi, “Ta shigo worganikkito bi tunetoyich, amoyichiye ne echaabeeto?” iye.

1 Saameeli 14:19

Saaꞌooli qeeshoona tookkii yibbaatee bi beetaa, Filsixeemeenaꞌochi kaamboochaa dulloo qeeccii qeeccii hammiye. Saaꞌooliyoo qeeshoon “Illa beddiye; neechibe” iye.