Isiyaasi 9:3 - Kafa Linguistics Project

³ Ne aageteenaꞌo meettemmoyich tuniito neene; emiroonoo boonoshich daakkihine. Asho maayoon bi qeciyooba, kecoonoo bi qoodehooba, bi emiroommon, ne aafoochaa emiremminaꞌone.

Isiyaasi 9:3 ပူးပေါင်းရင်းမြစ်များ

Nehimi 9:23

Boonoshi shiijjeroon shimaajji xojjenoochoommon meechihine. Giyiree boonoshi woraashemmoyich boonoshi qaabbechinaꞌoyich ne getteti showooch boonoshin giijjihine.

Iyoobi 12:23

Aageteenaꞌon giidechinaꞌonaa arichetinaꞌonon tuniihe; aroochee boonoshin aalliihe; shacciinoo iye.

Shoddo 107:38

Boonoshin diiriye; oogichiꞌinoo meettiyeete; boonoshi gijjeenaꞌo meettemoyichoo tuniihe.

Shoddo 119:162

Wodde kecoon daneꞌi emiriibeeti ashichoommon, ne qaaro taan emirikkiye.

Shoddo 4:7

Maayoonaa woyinee uyoona boonoshi woddetaa emirii beetinaꞌoyee beshe emiroon, ta mullooch geddehine.

Isiyaasi 10:26

Beshe Mawe Doono Yeeri Oreebi xaqqoochaa Miidiyameenaꞌon bi yexoommon, yaraafoon tiijjiree Asooreenaꞌon yexxemmone; Gibitsaa bi tuniitoommon, aachi toommooch bi gumboon tiijjemmone.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 14:5

Doono Yeeri, aageteenaꞌon naxoona, kuxeyaani kaaroona yexxiti, xuuxiiꞌi kaaroona hajjiti, gondeenaꞌochi gumboon, iraasheenaꞌochi yaaboonoo tiichitone.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 26:15

Doono Yeero, ne aagetee asho meettemmoyich tuniihine; ne aagetee ashoon meechihine; ebina newoo oogoon danehine; showee daaroonoo gamichito neene.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 35:2

Barahoo woddii bungemmone; emiroona, shoddoonoo wucwuccemmone; Libanoosi oogo, Qermeloosinaa Shaarooninochi oogo biich ichemmone. Doono Yeerichi oogoon, no Nuggishoochi oogee yiiroon beeggemmone.

Isiyaasi 54:1

“Hini shiyaani xaafeene, shoddebe! Haane maaxoo manjaa ariyaaneene, ne qaaroon oogichiree ililibe! Kenechi ureechi bushiishoyee beshoon, kenaallechi bushiishoo meettitone” iye Doono Yeeri.

Isiyaasi 55:12

Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 61:7

Ittoshi yeellee qoodoon gutte kishoon danemmo ittoshine; ittoshi cooneyee qoodoon ittoshi qoodoona emiremmo ittoshine; ittoshi showoochaa gutte kishoon woraashemmo ittoshine; bulli aabee emiroo ittoshich tunemmone.

Isiyaasi 65:14

ta guuninaꞌo mullee emiroochee tiyitona shoddemminaꞌone; tunebaani ittoshi mullee ayinoochee tiyitona cookemmo ittoshine; ittoshi mullo tiishetaa woowo gettemmo ittoshine.

Isiyaasi 65:18

Tunebaani ebi ta hallitona bulli yemeenooch emiribote; emiroonoo wucwucote. Yerusaalemin emiroyich bi asheenaꞌonoo emiroona wucwucoyich hallito taane.

Isiyaasi 66:10

Yerusaalemin shunnii beetinaꞌote, ittoshi bulli biinna tookki emiri wucwucote. Biich eeppitinaꞌote, ittoshi bulli biinna tookki oogichi emiribote.

Erimiyaasi 31:7

Ebich Doono Yeeri ishichiye: “Yaaqobich emiroona shoddebote; aageteenaꞌochi ukkiroyich ililibote; awaajjibote; galletebote; ‘Doono Yeeri bi asho tuneti Israꞌeelee curoon wodiitone’ getote.

Hosee'i 4:7

“Qeesheenaꞌo meettii meettii boonoshi hammimmona, taan boonoshi xuqqiibeeti xuꞌo meettii meettii hammiye. Tawoo boonoshi oogoon giishiyemmo taane.

Leweenaꞌo 26:13

Gibitseenaꞌoyich guuno ittoshi tuneyaachemmoyich, Gibitsee ittoshin kichaa deebeti ittoshi Nuggishoo Doono Yeeri taane. Guuchittinee waanjoon tiichaꞌa, kaama qaalliree ittoshi hammemmoyich tuniito taane.

Zakaariyaasi 10:8

Boonoshin shennoona ceegiree, kicemmo taane; boonoshin biishemmo taane; ebiyee aafichoommon, meettemminaꞌone.

Zakaariyaasi 2:11

Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Zakaariyaasi 8:23

Beshe Mawe Doono Yeeri ishichiye: “Ebiyooba baribare noonoona yibbaateebeeti aageteenaꞌoochee, aashire asheenaꞌo ikke Ayihudo waan waa, bi qoreddee caappoon yeshiichi, ‘Yeeri ittoshina tookkii beeto bi tunoon no waayetoyich ittoshina tookki hambone’ gettemminaꞌone” iye.

Luqaasi 11:22

Tunebaani biyee beshe giidecho waa biin kochiꞌi bi yeshigaata, bi gibeneti gaachoonaa ginoonon boggemmone; bi gijjoonoo keciree daami bi guuphinaꞌoyich qoodemmone.

Mishiraachechinaꞌo 8:8

Ebich Shamaara beeti asheenaꞌo oogichii emiriyeete.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

Woraaferasheenaꞌo 5:3

“Taateenaꞌote, ebin waayebote. Iraasheenaꞌote, ebin ellebote. Doono Yeerich shoddemmi taane; Israꞌeelee Nuggishoo Doono Yeerich keeremmi taane.

Woraaferasheenaꞌo 7:22

Keejje balle tiroon boonoshi huggimmona, Doono Yeeri ebi etteenaꞌo boonoshinaa boonoshina wochiree goraadoona koye boonoshi ciiremmoyich tuniihe. Ebi ginee naayinaꞌo Tsereree showoo waan beeti, Beet Shixaaha beddaahaa, Xabaati katemee gaꞌooch beeti Abeel Meholi katemee gocooch beddaahaanoo wocciyeete.

Woraaferasheenaꞌo 8:12

Ebi gutte Miidiyamee taateenaꞌo Zebaahinaa Tsalmunina woccii aalleheete. Tunebaani Geediyooni yookkii dabbiꞌi boonoshin yechiye; boonoshi ginee naayinaꞌonoo keqqoona betiihe.

1 Saameeli 30:16

Are Gibitsee asho Daawitin daammii shakkiihe. Areegaata, are bokkeenaꞌo Filsixeemee showoonaa Yihudee showoonoochee kecciꞌi boonoshi deebiti mooyoochee tiyitona emiree baaroon geddii duubbiibee, xaaꞌi xaaꞌoona shaceꞌi maa uchii beeheete.