Isiyaasi 9:20 - Kafa Linguistics Project

²⁰ Qanni waanaa maaheete; tunebaani andoo shaacechinaꞌone; yoochi waanaanoo qooxxiyeete; tunebaani miyaacheete; asho bi ikkikkoona bi xiboochi meenon maayemmone.

Isiyaasi 9:20 ပူးပေါင်းရင်းမြစ်များ

Dojjecho 4:5

Bi kishoon tiqqeꞌi koteebeeti yeexeroo, shaacoona qitiye.

Isiyaasi 10:4

Qoppeenaꞌo daggooch gutenoyee, guureetinaꞌo daggooch dihoyee besh, ittoshich echeto amolla aalloone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 14:30

Amolla aalli girechinaꞌo maayemminaꞌone; gichechinaꞌo carete qeyemminaꞌone; tunebaani Filsixeemo tuneti ittoshi yaroon shaacoona wuxemmo taane; ittoshi curoonoo aalliyemmo taane” iye.

Isiyaasi 3:1

Ebiyoche, Doono, Beshe Mawe Doono Yeeri, asheenaꞌochi degoonaa gaachoonon, maayi dego bullinaa aachi dego bullinon Yerusaaleminaa Yihudinoochee aalliyemmone.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 51:19

Ginoona happeyoo, shaacoona aallo, ebi gutte mooyo neech shaggitone; neen kupphiyemmo konine? Neen goggiyemmo konine?

Isiyaasi 8:21

Boonoshiyoo xuuxebee, shaacebee showee toommooch yallyallimemminaꞌone; shaacoochee tiyitona ippoona kaama ciinibee boonoshi taatoonaa Nuggishoonon uppemminaꞌone.

Isiyaasi 8:22

Aroochee showooch ciiniree xuuxoon, manderoonaa ciitoonon beeggemminaꞌone; dunne manderooch duppeyemminaꞌone.

Erimiyaasi 13:14

Ikkoonaa ikkoonon, niheenaꞌonaa bushiisheenaꞌonon qiciyemmo taane; boonoshin aalliishalli ta gettemmo ariqqeyaachemmo taane; aayinaachemmo taane; maaraachemmo taane’ itone Doono Yeeri, gete” iye.

Erimiyaasi 19:9

Boonoshi anaami bushiisheenaꞌonaa maache bushiisheenaꞌonochi meenon boonoshi maayemmoyich tuniyemmo taane; boonoshi bulliyona boonoshi etteenaꞌonaa boonoshi kashoon qaawii beetinaꞌonochi xuuxiyoochee tiyitona asho bi giyoochi meenon maayemmone’ itone gete.

Shoosho 4:10

Ariqqechi maacheenaꞌochi kishoo boonoshi hajjee bushiisheenaꞌon kiijjiye; ta asheenaꞌochi aallee aabooba boonoshich maayoon tuneheete.

Mikiyaasi 6:14

Maayoon maayemmo ittoshine; tunebaani miyaachemmo ittoshine; ittoshi shaacoo tooꞌaachemmone. Kicemmo ittoshine; tunebaani ittoshi kiciton wodiyoon hakkaachemmo ittoshine; ettoon daachiiree, ittoshi kotiiton bi aalliyemmoyich tuniyemmo taane.

Zakaariyaasi 11:9

Tawoo bageenaꞌoyich, “Ebiyee gubb ittoshi qiddoon tuneyaachemmo taane; qitemminaꞌo qitibeete; aallemminaꞌo aallebeete; echetinaꞌoo ikkoo baroon maataa boonoshinaa boonoshina ciirebeete” iyo.

Maariqoosi 3:24

Ikke taatoochi showee daggooch beeti asheenaꞌo boonoshinaa boonoshina kaareꞌi boonoshi shacegaata, are taatittinee neexoon hakkaachane.