Isiyaasi 9:12 - Kafa Linguistics Project

¹² Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:12 ပူးပေါင်းရင်းမြစ်များ

2 Taateenaꞌo 16:6

Ebiyoobee yemeenooch Sooriyee taatoo Resini Elaati katemoon kochiꞌi Sooriyee showooch wochiye; Yihudee asheenaꞌonoo aroochee yookkiye. Edoomee asheenaꞌo Elaat waaꞌi, hanaach beddaahaa arooch kotetinaꞌone.

2 Kiinoo 28:18

Filsixeemeenaꞌo wotta Shefeeli worebe showoonaa Negeebi barahoonooch beeti Yihudee showoon kochiyeete; Beet Shemeeshi, Ayalooninaa Gederootina getteebeeti katemeenaꞌon, wotta Sokoohinaa bi guudoona beeti gafeenaꞌonon, Timinaahinaa bi guudoona beeti gafeenaꞌonon, Gimizinaa bi guudoona beeti gafeenaꞌonon kochii yechiꞌi arooch koteheete.

Shoddo 79:7

Yaaqobichi shiijjereenaꞌon wuxii aalliitinaꞌone; boonoshi beeyi xaaꞌoonoo shokko echiitinaꞌone.

Isiyaasi 10:4

Qoppeenaꞌo daggooch gutenoyee, guureetinaꞌo daggooch dihoyee besh, ittoshich echeto amolla aalloone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 11:14

Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.

Isiyaasi 31:1

Israꞌeelee Yaafoo waan ciinon, Doono Yeerin echoon qajjiichii, haresheenaꞌon gibenee beetinaꞌoyich, boonoshi gaarinaꞌo meetinaꞌo, boonoshi hareshechinaꞌoo giidechinaꞌo tunoon gibeneꞌi, gaachoon danoyich Gibits kindii beetinaꞌoyich woowo!

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:21

Minaasi Efreemin, Efreemiyoo Minaasin maayemmone; Yihudi toommoochoo ikkittinoona tiyemminaꞌone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 10:25

Yaaqobin boonoshi maatoyich, maaꞌi ciroona boonoshi aalliitoyich, bi xaaꞌoonoo boonoshi happitoyich, neen ariyaani aageteenaꞌo toommooch, ne shigoonoo ceegaaneenaꞌo toommooch, ne kaaroon woniibe.

Erimiyaasi 15:7

Ittoshi gonde gommoochee wotto ittoshi qajjitoyich, katemee kello bulliich yooppoona ittoshin shaccehoye; ittoshi bushiishoon wuxaꞌa kishoon tiqqiihoye; ta asho ittoshin aalliihoye.

Erimiyaasi 35:11

Tunebaani Baabloonee taatoo Nabukadinatsori showoon koyooch bi waahooba, ‘Baabloonee ginee naayinaꞌonaa Sooriyee ginee naayinaꞌonochi naboyich ittoshi waataa Yerusaalemi hambone’ iyone; ebina Yerusaalem kotehone” iyeete.

Erimiyaasi 4:8

Doono Yeerichi kupphe kaaro, no waanee wottoo bi qajjitoyich, dookoon tahebote; eefebote; woowo, getote” iye.

Hiziqeeli 16:27

Ebich neen sheeroyich ta mochoon ne toommooch tiijjito taane; neech ta immaabeeti ne qoodoon shappiito taane; ne gonde shuunoon ciigeebeeti ne etteenaꞌochi qaatooch, Filsixeemee asheenaꞌochi kishooch, neen beshiyaa immeto taane.

Hiziqeeli 6:14

Ta mochoon boonoshi toommooch tiijjiree boonoshi beeyi xaaꞌoon barahoochee tiijji Ribila beddaahaa showoon shokko echiyemmo taane; ebina boonoshiyoo Doono Yeeri ta tunoon ariyemminaꞌone” iye.

Hosee'i 7:10

Boonoshi geecoo Israꞌeeleenaꞌo toommooch wochii miixee beetone. Ebi bulli tunetaanoona boonoshi Nuggishoo Doono Yeeri ta waan wotteyaaneenaꞌone; taanoo qaawaaneenaꞌone.

Amootsi 4:10

“Gibitsee showoon ta yexoommon, biiyoona ittoshi showoon yexxehoye. Ittoshi gurimaasheenaꞌo ginoochaa qitemmoyich, ittoshi haresheenaꞌoo kecaa hammemmoyich tuniihoye. Ittoshi kaamboochaa qititi asheenaꞌochi dubeno ittoshi muddooch bi shaaqqemmoyich tuniihoye. Tunebaani ta waan wotteyaano ittoshine, iye Doono Yeeri.

Amootsi 4:11

“Sodoominaa Gomoorinon ta aalliyoommon ittoshi daggoochee ikkikkeenaꞌon aalliihoye; ebi aroochee muricciꞌi ittoshi kechito, ciifo qaaqqee daggoochee keyoommoniye. Tunebaani ta waan wotteyaano ittoshine, iye Doono Yeeri.

Amootsi 4:6

“Katemoo bulliich manjeyemmi maayo aallemmoyich tuniyaꞌa, ittoshi gammo gawemmoyich tuniito, ta qelloona taane. Tunebaani ittoshi, ta waan wotteyaano ittoshine, iye Doono Yeeri.

Amootsi 4:8

Meeti katemeexi asheenaꞌo shacheweꞌi, aachi qaawooch ikke katemooch hammiyeete; tunetaa bede aacon daneꞌi boonoshi shachewoon kuxaaneenaꞌone. Tunebaani ittoshi, ta waan wotteyaano ittoshine, iye Doono Yeeri.

Amootsi 4:9

“Wooqoonaa cindoonon deejjaꞌa ittoshi maayoon aalliihoye. Ittoshi daaddee goyoonaa woyinee goyoonon, balaasee mixonaa zayitee mixonon gechoo aalliihe. Tunebaani ta waan wotteyaano ittoshine, iye Doono Yeeri.

Sofoniyaasi 1:6

Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

Sofoniyaasi 3:2

Ebi asheenaꞌo getaa giyaaneenaꞌo, kaaree ciicenoo waayeyaaneenaꞌone. Doono Yeerin gibeneyaacheete; boonoshi Nuggishoo waanoo giddeyaacheete.

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.