Isiyaasi 8:8 - Kafa Linguistics Project

⁸ ufebee Yihudee showooch shaggemmone; qooxibeeshoo beshemmone; qettooch beddaahaa beddemmone. Amanuꞌeelo! Yaggeeti bi qosheenaꞌo ne showoon tuggoochee tuggooch beddaahaa qerii beetinaꞌone” iye.

Isiyaasi 8:8 ပူးပေါင်းရင်းမြစ်များ

2 Taateenaꞌo 17:3

Asooree taatoo Shalimaniseeri biin kocha waahe. Hosheehi biich hajjeehe; biichoo gibiroon qocciye.

2 Kiinoo 12:4

Yihudee showooch beeti mishigechi katemeenaꞌon kochii yechiye; Yerusaalem beddaahaanoo waahe.

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Isiyaasi 30:28

Bi hiinno qettooch bedditi, hidii daammiibeeti aacoommone; taatittineenaꞌon gemoona woqqoommon woqqi, boonoshi gammooch lugaamoon qapphiiree aallooch daammemmone.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 7:17

Efreemi Yihudiyee bi bariti aaboochee tiijjiꞌi ebiyee aaf tunee ariyaani gonde yemeenoon, Doono Yeeri neennaa ne asheenaꞌonochi toommooch, ne nihoochi yareenaꞌo toommoochoo deebemmone; ebiyoo Asooree taatoo womone” iye.

Isiyaasi 8:10

Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Erimiyaasi 47:2

Doono Yeeri ishichiye: “Dambi-waanee aaco tiyemmone; wocciibeeti ambamboon tunemmone; showoonaa arooch beeto bullinon, katemeenaꞌonaa arooch beetonon, qooxxemmone. Asheenaꞌo cookemminaꞌone; showee toommooch beetinaꞌo bulla maacere eeppemminaꞌone.

Erimiyaasi 48:40

Ebich Doono Yeeri ishichiye: “Etto booyochoommon bi toommooch yoobi kindemmone; bi qoshoonoo Moꞌabi toommooch yaggemmone.

Erimiyaasi 51:42

Baharo Baablooni toommona woccemmone; aachi aayonoo qoochemmone.

Hiziqeeli 17:3

Boonoshich, Nuggishoo Doono Yeeri ishichiye, gete: ‘Ogooge qoshoonaa genje wulloona biich beeti ikke xuphaaxuphe ooge booyo Libanoos yoobbii waaꞌi, yigee michi waamon yechiye.

Hiziqeeli 26:19

“Nuggishoo Doono Yeeri ishichiye: ‘Ashaalli shokkaache katemoommon neen ta tuniihooba, ooge aacon ne toommooch ta deebiyooboo aaco neen guuppemmone.

Daaneeli 11:10

Sooriyee taatoochi anaami bushiisheenaꞌo koyeya qanniree, dofee ginee naayinaꞌon kicemminaꞌone. Boonoshi daggoochee ikkoo hidii daammiibeeti ambamboochoommon diqqoona bi ettoochi xaqqee uxerooch beddaahaa shagiree koyemmone.

Mikiyaasi 1:9

Shamaari wodaachemmi mayon mayetone; Yihudee showoo ebiyoommon mayeree xuuxemmone. Ta asheenaꞌo beeyi xaaꞌoo tuneti, Yerusaalem beddaahaa bedditone.

Mikiyaasi 5:5

Boonoshich diggoon tuniyemmone. Asooreenaꞌo no showooch boonoshi shagigaata, no mishigoonoo tiichii boonoshi giyigaata, boonoshin kochemmi shabaatte qiddeenaꞌon, shimitte woraaferasheenaꞌonoo daachiyemmo noone.