Isiyaasi 8:7 - Kafa Linguistics Project

⁷ Doono ta, Asooree taatoon giidechi bi ginee naayinaꞌona tookki boonoshi toommooch deebemmo taane; Efiraaxisi aaco ceenniꞌi bi gaagemoon capphii ufoommon, ufebee woyemmone;

Isiyaasi 8:7 ပူးပေါင်းရင်းမြစ်များ

Halloo 6:17

Tawoo ebiyoche, shimaayoyee desh beeti, meenon taheti, kashechi halloo bulli qoocheree bi aallemmoyich, showoo bulliich aalliyee aacon deejjemmo taane. Showee toommooch beeto bulliyoo qiti ciiremmone.

2 Taateenaꞌo 19:32

“Ebich Asooree taatoochon Doono Yeeri ishichiye: ‘Hini katemooch waataachemmone; bi shangoonoo awureyaachemmone. Gaachoon yeshiree hini katemooch waataachemmone; showee gutoonoo gutaachemmone.

Iziri 4:10

wotta boonoshi showi showoochee gooyiree, Shamaaree showeexi katemeenaꞌonaa Efiraaxisee beqachi woraafoonooch boonoshi kotemmoyich, oogoonaa arichetona tuneti Osinafaari tuniiti bare aageteenaꞌo koorichoon kooriyeete.

Shoddo 46:4

Bi daggooch, Yeerichi katemoon, Beshoo Yeeri beeti yaafe xaaꞌoon emirikkiibeeti, woce aaco beetone.

Shoddo 72:8

Baharoochee baharooch beddaahaa, Efiraaxisi aacoochee showee tuggooch beddaahaa, qeejjibe.

Isiyaasi 10:16

Ebich Doono, Beshe Mawe Doono Yeeri, xaqqijje bi ginee naayinaꞌo toommooch muujjiibeeti biiyoon deejjemmone; qaaqqoochoommon, bi oogee yiiree dechiichaa aaxxemmone.

Isiyaasi 10:5

Doono Yeeri ishichiye: “Ta kaaroon ta bekkiyaabeeti gumbo, ta ippoonoo ta kichaabeeti quddoo tuneti Asoorich woowo!

Isiyaasi 11:15

Doono Yeeri Gibitsee baharoon shuuꞌiyemmone; bi kishoon yaggi Efiraaxisi aachi toommooch gaame yongoon deebi gishiishi aacon tuniiree, shabaatte xaaꞌoona qoodemmone; ebich asheenaꞌo baatoona kimmemminaꞌone.

Isiyaasi 28:15

Ittoshiyoo, “Qitoona tookkaa wogoon giyeto noone; maashoona tookkaa shuneto noone; kootoon no shoobo, no aashee xaaꞌoonoo tuniito noone; kupphe naxo hidii bi daammii beegaata, no waan shagaachemmone” ito ittoshine.

Isiyaasi 28:17

Nalloon qeellee woderoo, cadiqoonoo tumbin tuniyemmo taane; ‘Noon shoobi wodiyemmone’ iꞌi ittoshi gibeneebeeti kootoon baderoo hidemmone; ittoshi aashee xaaꞌoon aaco qooxxemmone” iye.

Isiyaasi 28:2

Doono Yeeri, baderee yattoommi, aalliibeeti yuboommi, ceenniti giidechi aacoommi, hakkechonaa kupphoona tuneti ashoon qanniitone; ebi asho boonoshin showooch curulliyemmone.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 59:19

Doono Yeeri, yuboo gasheebeeti ambamboochoommon woyemmo bi tunetoyich, aabi-gimo waan beetinaꞌo Doono Yeeri shigoon, aabi-keyo waan beetinaꞌoo bi oogee yiiroon shattemminaꞌone.

Isiyaasi 7:17

Efreemi Yihudiyee bi bariti aaboochee tiijjiꞌi ebiyee aaf tunee ariyaani gonde yemeenoon, Doono Yeeri neennaa ne asheenaꞌonochi toommooch, ne nihoochi yareenaꞌo toommoochoo deebemmone; ebiyoo Asooree taatoo womone” iye.

Isiyaasi 7:20

Aroobee yemeenooch Doono Yeeri aacoyee beqachee bi kiraayiti appoona, ebiyoo Asooree taatoona, ittoshi qelli eexonaa ittoshi baateexi eexonon, ittoshi ishaanoonoo caggemmone.

Erimiyaasi 47:2

Doono Yeeri ishichiye: “Dambi-waanee aaco tiyemmone; wocciibeeti ambamboon tunemmone; showoonaa arooch beeto bullinon, katemeenaꞌonaa arooch beetonon, qooxxemmone. Asheenaꞌo cookemminaꞌone; showee toommooch beetinaꞌo bulla maacere eeppemminaꞌone.

Erimiyaasi 51:42

Baharo Baablooni toommona woccemmone; aachi aayonoo qoochemmone.

Hiziqeeli 26:19

“Nuggishoo Doono Yeeri ishichiye: ‘Ashaalli shokkaache katemoommon neen ta tuniihooba, ooge aacon ne toommooch ta deebiyooboo aaco neen guuppemmone.

Daaneeli 11:10

Sooriyee taatoochi anaami bushiisheenaꞌo koyeya qanniree, dofee ginee naayinaꞌon kicemminaꞌone. Boonoshi daggoochee ikkoo hidii daammiibeeti ambamboochoommon diqqoona bi ettoochi xaqqee uxerooch beddaahaa shagiree koyemmone.

Daaneeli 11:22

Bi aafooch neexemmi ginee naayo taane ito bullin, qeeshee guudooch beddaahaanona, diqqoona ambamboochoommon shagi hidiree aalliyemmone.

Daaneeli 9:26

Shichaa gutte kaallee shabaatte natoyee gubb, Huutteton wuxemminaꞌone; amolla biich echeyaachemmone. Woyemmi taatoochi ginee naayinaꞌo are katemoonaa yaafee kexonon aalliyemminaꞌone. Bi ciiroo ambamboochoommon diqqoona woyemmone; Yeeri gettiti ginoonaa aalloona ciirooch beddaahaa tunemmone.

Amootsi 8:8

Ebich showoo qewemmoyich tuniyemmo taane; showee toommooch beeto bulli eefemmone. Showoo bulli shuuremmone; Abbaayi aaco phiceyoommon kaama tiyi kindibee phiceyemmone” itone.

Amootsi 9:5

Beshe Mawe Nuggishoo Doono Yeeri showoon bi yeshaa, muujjemmone; showee toommooch beeto bulli eefemmone. Showoo bulli Abbaayi aaco phiceyoommon kaama tiyii kindibee, phiceyemmone.

Mikiyaasi 1:9

Shamaari wodaachemmi mayon mayetone; Yihudee showoo ebiyoommon mayeree xuuxemmone. Ta asheenaꞌo beeyi xaaꞌoo tuneti, Yerusaalem beddaahaa bedditone.

Mikiyaasi 5:4

Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone.

Mikiyaasi 5:5

Boonoshich diggoon tuniyemmone. Asooreenaꞌo no showooch boonoshi shagigaata, no mishigoonoo tiichii boonoshi giyigaata, boonoshin kochemmi shabaatte qiddeenaꞌon, shimitte woraaferasheenaꞌonoo daachiyemmo noone.

Naahoomi 1:8

Guubbiibeeti ambamboochoommon, bi etteenaꞌon ciroona aalliyemmone; bi etteenaꞌon maash daachiyemmone.

Luqaasi 6:48

Biyoo oppoon genjii iijjiichii manje xaqqee toommooch manjiiꞌi bi kexon haggiti uroommone. Ambamboo waahooba, aaco are kexon xuqqiye; tunetaa gaawichaa bi hakketoyich, shuurikkoon cir hakkaache.

Yaaꞌoo 17:15

Aree hillooch maraakoo taach ishichiye: “Yahechi ure boonoshi toommooch kotaꞌa bi beetaa ne beeggeti aacinaꞌo, ashi yoodi yoodeenaꞌonaa dofee asheenaꞌona, aageteenaꞌonaa baribare noonoona yibbaateebeeti asheenaꞌonochi shaahiyeenaꞌone.