Isiyaasi 8:22 - Kafa Linguistics Project

²² Aroochee showooch ciiniree xuuxoon, manderoonaa ciitoonon beeggemminaꞌone; dunne manderooch duppeyemminaꞌone.

Isiyaasi 8:22 ပူးပေါင်းရင်းမြစ်များ

Iyoobi 18:18

Bekkoochee manderooch yookkeyemmone; showee toommoochee yoohaa aallemmone.

Keyo 10:21

Aroochee Doono Yeeri Muusin “Gibitsee showoo bulliich dunne manderoo kindemmoyich ne kishoon shimaajj yaggibe” iye.

Keyo 10:22

Muusiyoo bi kishoon shimaajj yaggiye. Keejje qemi wottoon Gibitsee showoo bulliich dunne manderoo tunehe.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Isiyaasi 30:6

Negeeb beeti cooxinaꞌochon Doono Yeer waanee getteeti wocho ebine: “Daahereenaa daaheroona, xekereenaa awureebeeti dingeroona beeti iritee showoonaa xuuxee showoonon besheree, boonoshi gaannoon kuree toommooch, boonoshi yaaphoon gaalee toommooch xaaniree boonoshich gaacaani asheenaꞌo waan hammemminaꞌone.

Isiyaasi 5:30

Arooba baharee buugoommon ebi aree toommooch buugemminaꞌone; koniyoona showooch bi ciinigaata, manderoonaa xuuxoonon beeggemmone; qubee naboona bekko manderemmone.

Isiyaasi 50:11

Qaaqqoon shookkiꞌi conjiibeeti ceechoon yechitinaꞌote, ebi ittoshi shookkiti qaaqqee bekkoona ittoshi ceechiti qaaqqee conjoona, shaꞌebote. Ta kishoochee ittoshi deqqemmi mooyo beetone; qaakkeree yangeyemmo ittoshine.

Isiyaasi 50:3

Shimaayoyich manderoon tajjemmo taane; bi qeroo dooko tunemmone” iye.

Isiyaasi 59:9

Asheenaꞌo ishichiyeete: “Dayinneto no waanee wokkitone; cadiqee shuunoo no waan shagaache; bekkoon qaawiyone; tunebaani manderoo tunehe; aabee kooyon quyehone; tunebaani manderoona shaꞌehone.

Isiyaasi 60:2

Ebiyoche, manderoo showoon, dunne manderoo asheenaꞌon guuppemmone; tunebaani Doono Yeeri ne toommooch bekkemmone; bi oogee yiiroo ne toommoochaa bekkemmone.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Isiyaasi 9:1

Tunebaani xuuxeebee echetinaꞌoyich illa mandereyaachemmone. Yeeri, wonna Zebuloonee showoonaa Nifitaalee showoonon giishiitone; tunebaani woyemmi yemeenooch Yoordaanoosi aachee beqach, baharee gommi gaꞌooch beeti, aageteenaꞌocho tuneti Galiilin oogiyemmone.

Isiyaasi 9:20

Qanni waanaa maaheete; tunebaani andoo shaacechinaꞌone; yoochi waanaanoo qooxxiyeete; tunebaani miyaacheete; asho bi ikkikkoona bi xiboochi meenon maayemmone.

Erimiyaasi 13:16

Manderoon bi deebaan beetaa, mandereti guudinaꞌo toommoochaa ittoshi baateenaꞌo tepheyaan beetaa, gibenoona ittoshi quyeebeeti bekkoon, manderooch, dunne manderoochoo shaddaani bi beetaa, ittoshi Nuggishoo Doono Yeerin oogiibote.

Erimiyaasi 23:12

“Ebich boonoshi gommo boonoshich manderee giine xaaꞌoon tunemmone; boonoshiyoo tepheeree arooch dihemminaꞌone; boonoshi naxeehooba gonde mooyon boonoshi toommooch deebemmo taane” iye Doono Yeeri.

Maatiyoosi 22:13

“Arooba taatoo bi naayinaꞌon ‘Hini uroon bi kishoonaa bi baatoonon cuyiree maach manderooch kichi dufote. Aroochaa eefonaa gashee qaayona tunemmone’ iye.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’

Maatiyoosi 8:12

Tunetaa ‘Shimaajji taatittine noochine’ ii beetinaꞌo maach manderooch kichaa duppeyemminaꞌone; aroochaa eefonaa gashee qaayona boonoshich tunemmone” iye.

Yihudi 1:13

Yeelliibeeti boonoshi shuunoo umboommo tunemmona, umboon aapphiibeeti giidechi baharee aachi aayoomminaꞌone; boonoshi gommon gawukkiꞌi yallyallimiibeeti xojjeneenaꞌoomminaꞌone; boonoshichoo bulli yemeenoon dunne manderooch boonoshi beeyemmi xaaꞌoon Yeeri qanniitone.

Yaaꞌoo 16:10

Uuchinnee maraakoo bi yechiti xoofoon cooxochi taatee qeechi toommooch ukkiye; ebi cooxochi taatittinee showoo manderehe; wotta asheenaꞌo oogeton boonoshi shooddetoyich boonoshi heciyoon shaaccii cokkeheete.