Isiyaasi 8:20 - Kafa Linguistics Project

²⁰ Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Isiyaasi 8:20 ပူးပေါင်းရင်းမြစ်များ

Iziri 10:3

Ebich no Nuggishoochi getoon shattiibeeti asheenaꞌonaa ta doono neennochi ciicoommon, ebi maacheenaꞌo bullinaa boonoshi bushiishoonon daachiyoyich, no Nuggishoo aafooch wogoon gibone; ebiyoo sheeroo gettii beetoommon tunebe.

Shoddo 119:130

Ne qaaroon doyoo bekkoon immiye; tuusheenaꞌon shalligechinaꞌo tuniihe.

Shoddo 78:5

Biyoo Yaaqobichi shiijjereenaꞌoyich qociyoon neechiye; Israꞌeeleenaꞌoyichoo sheeroon geddiye; no qaabbechinaꞌoo boonoshi bushiisheenaꞌoyich boonoshi dojjemmoyichoo gettiye.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Isiyaasi 1:10

Sodoomee iraasheenaꞌote, Doono Yeerichi qaaroon waayebote. Gomoori asheenaꞌote, no Nuggishoo dojjiibeeti doyoon ellebote.

Isiyaasi 8:16

Miixittinoon qodi cuye; sheeroonoo kaafi nashiree, ta dabbeenaꞌoyich imbe.

Isiyaasi 8:22

Aroochee showooch ciiniree xuuxoon, manderoonaa ciitoonon beeggemminaꞌone; dunne manderooch duppeyemminaꞌone.

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Erimiyaasi 8:9

Ariyechinaꞌo Doono Yeeri ta qaaroon qajjitinaꞌone; illa amee ariyoo boonoshich beete? Ebich boonoshiyoo yeelle keqqemminaꞌone; kecaanoo hammemminaꞌone.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Mikiyaasi 3:6

Ebich, yaaꞌoo boonoshich bekkeyaachemmi xumo, mooyo boonoshich gaxxeyaachemmi manderoo woyemmone. Ebi keemechinaꞌoyich aabo giyemmone; showoo shitirippimi manderemmone” iye.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Maatiyoosi 22:29

Yesuusi wochiꞌi ishichiye: “Yaafe Macaafo gettii beetonaa Yeerichi giidoonon ittoshi tuushitoyich muricciyote.

Maatiyoosi 6:23

Tunetaa ne aafo biiyegaata, ne ashittino bulli manderemmone. Illa ne waan beeti ashittinee ceechoo tahigaata, manderochi am shaahe magge manderoo tunehe?” iye.

Maariqoosi 10:3

Yesuusi wochiꞌi ishichiye: “Muusi hini mooyon ama iꞌi ittoshich gettite?” iye.

Luqaasi 10:26

Yesuusiyoo “Muusichi Sheeree Macaafooch kooreeto amoone? Aroochee amooniye ne ciinnaabeeto?” iye.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Roomi 1:22

“Ariyecho noone” iibee mullaalleenaꞌo tuneheete.

2 Pheexiroosi 1:19

Ebich keemechinaꞌo keemmiti qaaroon beshoon xiishaꞌa iberiibeeto noone; showoo harimmi wottoon haree xojjeno aaxxoommon Kiristoosichi bekko ittoshi mullooch bi aaxxemmi wottoon, asho mandere xaaꞌooch aaxxeebeeti ceechoon bi yeshoommon hini keemee qaaroon ittoshi yeshigaata, ittoshich gaaweto tunemmone.

2 Pheexiroosi 1:9

Ebi mooyinaꞌo biich aalli asho, katinooch beeti mooyinaꞌon baach ciinniibeeto woyee aaf doogoone; ebiyee aafi bi axaaxoochee bi xalloon battetone.