Isiyaasi 8:19 - Kafa Linguistics Project

¹⁹ Asheenaꞌo ittoshin “Daccdacciibeeti, wottoo shaashikkeebeeti qaaxechinaꞌonaa allaameenaꞌonon echebote” gettemminaꞌone. Asheenaꞌo boonoshi Nuggishoon echi bedaacheete? Kashechochon qitoon echo qaawiyehe?

Isiyaasi 8:19 ပူးပေါင်းရင်းမြစ်များ

Halloo 41:24

Yiingitte shabaatte yilleenaꞌo gaawe shabaatte yilleenaꞌon qooxxiyeete. Ebinoo kaayechinaꞌoyich gettoye; tunebaani koniyoona taach biishon hakkaanoone” iye.

2 Taateenaꞌo 1:3

Tunebaani Doono Yeerichi maraakoo Tishibee asho Eliyaasich: “Tibe! Damba hami Shamaari taatoochi wocheyechinaꞌona daneree, boonoshich, ‘Eqirooni katemee nuggishoo Baꞌaal Zebuubin echii waayoyich ittoshi hammiibeeto, Israꞌeelee showee daggooch Nuggishoo aalletenane?

2 Taateenaꞌo 21:6

Bi hajjee bushoon goggiꞌi deejjoo giddiihe. Biyoo kaayechonaa iicechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

2 Taateenaꞌo 23:24

Wotta qeeshoo Hiliqiyi yaafee kexoochee daneti macaafooch kooreeton ceechoyich, Yerusaaleminaa Yihudee showee bare katemeenaꞌonooch beeti, ciigiiti mooyo bullin, qititi ashoona yibbaatee beetinaꞌon, allaameenaꞌon, terafimeenaꞌonaa shahalleenaꞌonon taatoo Yosiyaasi aalliihe.

1 Kiinoo 10:13

Saaꞌooli Doono Yeerich gibeneyoo bi qajjitoyich qitiye. Doono Yeerichi getoon ceechaanoone. Beshoonoo qititi ashoona yibbaatee beeti waanee ciicoon qaawiye.

2 Kiinoo 33:6

bi hajjee bushiisheenaꞌon Hinoomi bushoo bamboochaa goggiꞌi deejjoo giddiihe. Biyoo kaayecho, iicechonaa qaaxechonon tunehe. Qititi ashoona tookkii yibbaatee beetinaꞌonaa allaameenaꞌona waanee keemmii waayee beehe. Wodde gonde mooyon shuunoona Doono Yeerin ippii beehe.

Shoddo 106:28

Aroochee Feꞌoori beeti Baꞌaalina tookkii yesheheete; qiteenaꞌoyich deejjeeti deejjoon maaheete.

Isiyaasi 26:14

Areenaꞌo qititinaꞌone; wotteree kashoona beetaachemminaꞌone; aalletinaꞌone; guttinnoon tiyaachemminaꞌone; boonoshin naxaꞌa aalliito neene; boonoshi shalligichoon hidaa aalliito neene.

Isiyaasi 29:4

Yerusaalemi showee maac kepheechii yibbaateya qiicceebeeti kash guutoon shaahemmine; buttee maac duukkoochaa waayeebeeti qaaroon shaahemmine.

Isiyaasi 30:2

Taan echeyaanoon Gibits kindiyeete; Faroonichi shoobooch gimon, Gibitsichi yiiroon beeyi xaaꞌoon tuniyoon qaawiyeete.

Isiyaasi 45:11

Israꞌeelee Yaafoo tuneti, biinoo halliti Doono Yeeri ishichiye: “Ta bushiisheenaꞌochon taan echehote? Ta kishee shuuneechon ciinnii beetona echoon hakkehote?

Isiyaasi 47:12

“Ne bushittinoochee tiijjaꞌa shuunaabee ne echeti, iicoonaa meeti qaaxoonon shuunoona kupphebe; diqqich neech kaamoon qayaachemmone; diqqich ne etteenaꞌon shatiyoo qayaachemmi neene.

Isiyaasi 47:13

Meeti ciicoon waayoona nireti neene; agenee keyi baarooba xojjenoon ciinnii beetinaꞌo, xojjenee hiddechinaꞌo, ne toommooch tunemmon geteete; eke tiyiree neen wodiibeete.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Erimiyaasi 27:9

Ebich “Baabloonee taatoyich hajjeyaachemmo ittoshine” ii beeti ittoshi keemechinaꞌon, kaayechinaꞌon, gumon maaccechinaꞌon, qaaxechinaꞌonaa mareccee maaccechinaꞌonon waayeyaahote.

Leweenaꞌo 19:31

“ ‘Qititi ashoona tookkii yibbaatee beetinaꞌonaa allaameenaꞌona waan echii waayeya hammaahote. Ebin ittoshi tuniigaata, eeꞌemmo ittoshine. Ta, ittoshi Nuggishoo Doono Yeeri taane.

Leweenaꞌo 20:6

“ ‘Ikke asho, taan qajjiꞌi, qititi ashoona tookkii yibbaatee beetinaꞌonaa allaameenaꞌona waanee echii waayeya bi hamigaata, are ashoyich etto tunemmo taane. Bi asheenaꞌo daggoochee kichaa bi yookkeyemmoyich tuniyemmo taane.

Mikiyaasi 5:12

qaaxoon ittoshi waanee aalliyemmo taane; allaamoo ittoshi waan daneyaachemmone.

Mishiraachechinaꞌo 16:16

Ikke areddoon are corootee xaaꞌooch no hammaa beetaa, kaayee ayaano bi toommooch beeti, kaayaabee bi dooninaꞌoyich wodde gijjoon giijjaabeeti, ikke kemee gonnee noonna tookkaa danahan.

Yibbaatoo 18:10

Ne daggooch bi bushoon woyee bi busheen qaaqqooch goggiꞌi deejjiibeeto woyee allaamoo woyee kaayecho woyee mareccee maaccecho woyee qooroo,

Yibbaatoo 18:11

woyee qaaxecho woyee dongecho woyee qititi ashoona tookkii yibbaateebeeto danaaye.

1 Tasaloonqi 1:9

Ittoshi waan no waahooba, aabichiꞌi noon ittoshi iibbiito gaata hini are asheenaꞌo bulli gettii beetinaꞌone; wotta beeyechonaa ibere Nuggishoonoyich ittoshi maddemmoyich, qitoochee bi tiijjiti bi Bushoo, aroo woyemmi kaaree shiixxoochee noon wodiyemmi Yesuusi, shimaayoochee bi womon ittoshi quyemmoyich, shahalloyich goyinnoochee Yeer waan aabichiꞌi ittoshi wotteto gaata gettii beetinaꞌone.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

1 Saameeli 28:11

Ureyoo “Konin neech ceegi tiijjibote?” iyaa echahan. Biyoo “Saameelin taach ceegi tiijjibe” iye.

1 Saameeli 28:16

Saameeliyoo ishichiye: “Doono Yeeri ne waanee wokkitoyee, neech ettoon bi tunetoyee, illa taan ne echaabeeto amoyichiye?

1 Saameeli 28:7

Saaꞌooliyoo bi naayinaꞌon “Eke qititi asheenaꞌona yibbaataabeeti ureen ittoshi qaawaa hamiree bi waanee eche waayebona” iye. Bi naayinaꞌo biich “Qititinaꞌona yibbaataabeeti ure En Door beetine” iyeete.

1 Saameeli 28:8

Saaꞌooliyoo koni bi gaata bi aricheyaachemmoyich tunii, bi tahoon shaddii, gutte asheenaꞌon bi hillooch dabbiiꞌi, xumoona ure waan hammiye. Biinoo “Eke qititi ashoon echeree, ta toommooch amo tunemmo gaata taach gete; eke ta gettemmi ashoon taach ceegi tiijjibe” iye.