Isiyaasi 8:17 - Kafa Linguistics Project

¹⁷ Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.

Isiyaasi 8:17 ပူးပေါင်းရင်းမြစ်များ

Halloo 49:18

“Doono Yeero, taan ne wodiyemmoyich quyaabeeto taane.

Iyoobi 13:24

Ne aafoon ta waanee badd ne wochito, ettoon tuniyaꞌa taan ne ciinneto, amoyichiye?

Iyoobi 14:14

Asho bi qititoyee gubb, tiyiree kashoona beemon hakkehe? Ta kashemmi aabo waammi wottoon, ginee koyeexi beemoommon tuneti ta yemeenoon, haaꞌii beeyemmo taane;

Iyoobi 35:14

Ishigaata, ne mooyon bi aafooch giddiyaꞌa biin quyaabee, ‘Biin beegaano taane’ ne geti beetaa, ne mooyon aabichiree waayeba?

Shoddo 130:5

Doono Yeerin sharaatoona quyehoye; bi qaaroonoo gibenehoye.

Shoddo 27:14

Doono Yeerin gibenebe; kupphebe; ne mullo goggebe; Doono Yeerin gibenebe.

Shoddo 33:20

Doono Yeerin gibenehone; bi noon gaacheebeeti deeboone.

Shoddo 37:34

Doono Yeerin gibenebe; bi getoonoo ceechibe. Biyoo showoon ne woraashemmoyich tuniyoona neen oogiyemmone; gondeenaꞌo aalletaa beeggemmo neene.

Shoddo 39:7

“And illa ta Doonocho, ta gibeno konine? Ta gibeno neene.

Shoddo 40:1

Haaꞌiyoona Doono Yeerin quyoye; biyoo ta waan gaꞌee, ta cookoon waayehe.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 26:8

Doono Yeero, ne sheeroon quyoona neen gibenehone; no mullee qaatoo, ne shigoon aricheto tuniyoone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 33:2

Doono Yeero, neen no gibenetoyich nooch ariqqebe; maaddi maaddoona nooch giidoon imbe; xuuxee aabooboo noon wodiibe.

Isiyaasi 45:15

Wodiyechi Israꞌeelee Nuggishoocho, ne, ne qelloon aachaabeeti Nuggishoo neene.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Isiyaasi 54:8

Oogichii kaaroona giisheche aaboon, ne waanee ta aafoon bara wochito taane; tunebaani bulli yemeenee shunoona neech ariqqemmo taane” iye neen Biishechi Doono Yeeri.

Isiyaasi 57:17

Gonde bi woddellittinoyich biin kaarehoye; biin naxaꞌa, kaaroona ta aafoon bi waanee badd wochiyoye; tunebaani gubb wotteꞌi bi gaba hammiye.

Isiyaasi 59:2

Tunebaani ittoshi xuꞌo ittoshinaa ittoshi Nuggishoonochi daggooch barbarittinoon gedditone; ittoshi axaaxoo bi aafoon ittoshi waanee bi wochemmoyich tuniitone; ebich ittoshi qolloon waayeyaache.

Isiyaasi 64:4

Wonnee tiijjiꞌi, neen gibenee beetinaꞌoyich ne tuniiti ebiyoommi mooyon tuniiti nuggishoo, neyee besh baroo waayeyaanoone; bi waamona waayeto, bi aafoonoo beeggito aalloone.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Isiyaasi 64:7

Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Erimiyaasi 33:5

Baablooneenaꞌona boonoshi koye beetee, ta kaaroona naxeree ta wuxemmi asheenaꞌochi dubenoona ebi kexinaꞌo ceennemminaꞌone. Asheenaꞌochi axaaxee naboona ta aafoon hini katemoochee wochito taane.

Hosee'i 12:6

Ebich ne Nuggishoo Yeer waan wottebe; shunechonaa dayinnetechonon tunebe! Bulli aaboon ne Nuggishoon gibenebe!

Mikiyaasi 3:4

Ittoshiyoo Doono Yeer waan ittoshi cookemmi yemeeno woyemmone. Tunebaani bi ittoshi cookoon waayeyaachemmone; gonde shuunoon ittoshi shuunetoyich, bi ittoshi waanee bi aafoon bara wochemmone” iyoye.

Mikiyaasi 7:7

Tunebaani ta, Doono Yeerin gibenemmo taane; taan wodiyechi Yeerin quye beeyemmo taane. Ta Nuggishoo ta qolloon waayemmone.

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Luqaasi 2:38

Bekkech areegaata Yooseefinaa Maariyamina waan waaꞌa Yeerin galletahan; aroochee Yeeri Yerusaalem beeti asheenaꞌon xuuxoochee biisheree bi wodiyemmi aaboon quyee beetinaꞌo bullich are gaggere bushoochi mooyon gettahan.

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Yibbaatoo 32:20

Biyoo ishichiye: ‘Ittoshi, wuuqqoo tuneti asho ittoshine; ta ittoshin gibenoon hakkaache. Ebiyee gubb, ittoshin guudi ciinaachemmo taane; ittoshi ciiro amo bi tunemmo gaata beeggemmo taane.

2 Tasaloonqi 3:5

Doono ittoshi mulloon Yeerichi shunoonaa Kiristoosichi haaꞌiyoonooch wochibe!

Hibireena'o 2:13

Daakkiꞌi wotta, “Yeerin gibenaabeeto taane” iye. Daakkiꞌinoo wotta, “Ebiyoche, taannaa Yeeri taach immiti bushiisheenaꞌona!” iye.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.