Isiyaasi 8:14 - Kafa Linguistics Project

¹⁴ Tawoo yaafee kexon tunemmo taane; tunebaani Israꞌeelee yareenaꞌoyich tephemmi xaqqoon, yexi dichemmi xaqqee guudon tunemmo taane; Yerusaalemi asheenaꞌoyichoo shaachoonaa olloonon tunemmo taane.

Isiyaasi 8:14 ပူးပေါင်းရင်းမြစ်များ

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Shoddo 140:5

Geecechinaꞌo taach shaachoon shaachiyeete; taach dabboon dabbeheete; gommooch shaachoon taach shaachiyeete.

Shoddo 69:22

Boonoshi aafooch giddeti madoo boonoshich shaachoo tunebe; boonoshi maayo boonoshi diheechonaa aalleechona tunebe.

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Isiyaasi 25:4

Girechoyich deeboon, shiqqoyichoo bi xuuxee aabooba deebon, aachi aayoochee bi wodemmi xaaꞌoon, aaboyich yiiroon, tuneto neene; maacmanjeenaꞌochi kaaree cufoo, kechi duuhoon qicciibeeti aachi aayoommon,

Isiyaasi 26:20

Ta asheenaꞌote, wobote; ittoshi kexi kexooch giyiichi ittoshi toommooch shaaqqoon hicote; Yeeri kaaro beshemmi wottoon, giisheche aaboon ittoshi qelloon aachibote.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Isiyaasi 4:6

Bi oogee yiiroo areddee aaboyich yiiroon, yongoonaa amiyonoyichoo deeboon tunemmone.

Isiyaasi 59:10

Aaf doogoochoommon xaqqee uxeree daggoochaa gaawgaawimiyone; aafaalleenaꞌochoommon gaawgaawimiyone; manderooch beetochoommon areddee aaboona tepheehone; giidechi asheenaꞌo aafoochaa qite asheenaꞌoommon tunehone.

Isiyaasi 7:16

Tunebaani nallefoo gondoon shixo, deꞌoon shuno bi hakkoyee shiichiree ne shatteti gutte taateenaꞌo showoo ashaallo tunemmone.

Erimiyaasi 6:21

Ebich Doono Yeeri ishichiye: “Hini macceenaꞌo aafooch xugeenaꞌon geddemmo taane; niheenaꞌonaa bushiisheenaꞌona ikkittinoona tepheyemminaꞌone; giyeenaꞌonaa xibeenaꞌonoo qiti ciiremminaꞌone” iye.

Hiziqeeli 11:16

“Ebich boonoshich ishichibe: ‘Nuggishoo Doono Yeeri ishichiye: Ta, aageteenaꞌo waan boonoshin daachiito taane; showeenaꞌoochoo boonoshin shacceto taane; tunebaani boonoshi hammiti showeenaꞌoochaa giisheche aaboon boonoshich yaafee kexon tunemmo taane itone.

Hiziqeeli 3:20

“Cadiqe asho bi cadiqittinoochee wotteꞌi gondoon bi shuunegaata, tawoo bi aafooch xugoon ta kotiigaata, aroo qitemmone; ebiyoo ne biin meeqqeqqiyaano ne tunetoyich bi axaaxoona qitemmone; bi shuuneti cadiqittinoo gabeyaachemmone; bi damoon ne kishoochee qaawemmo taane.

Maatiyoosi 13:57

Hini mooyo boonoshich xugo tunehe. Tunebaani Yesuusi “Keemechon bi shiijjee showeexi asheenaꞌonaa bi kechi asheenaꞌonoyee beshetaa bareenaꞌo oogiyaanoon qayaacheete” iye.

Maatiyoosi 21:44

[Hini xaqqee toommooch dihimmo buricemmone; tunetaa hini xaqqo bi toommooch dihimmo bulli yiikkeyemmone]” iye.

Luqaasi 2:34

Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine” iye.

Luqaasi 21:35

Are aabo showooch beetinaꞌo bulli toommooch diqqoona shaggemmone.

Roomi 11:35

“Biich Yeeri qoccemmoyich Yeerich erettiito, konine?”

Yaasi 10:7

Ebich Yaasinaa bi ginechinaꞌo bullina ginee anaaminaꞌo bullina tookkii, Galigalee kechiyeete.

1 Pheexiroosi 2:8

wotta, “Asheenaꞌon tephemmi xaqqoon, yexi dichemmi xaqqoon tunehe” getaa bi kooreetoommone. Yeerichi qaaroyich deꞌa geto boonoshi qajjitoyich, tepheeꞌi dihii beetinaꞌone; ebiyoo shiichiꞌi Yeeri boonoshich gabitoommoniye.