Isiyaasi 8:13 - Kafa Linguistics Project

¹³ Tunebaani Beshe Mawe Doono Yeeri ta, yaafoo ta tunoon gabibote; ittoshi shattemmo taan baachiye; ittoshi keqqemmoo taach baachiye.

Isiyaasi 8:13 ပူးပေါင်းရင်းမြစ်များ

Halloo 31:53

Ne nihinihoo Abrahamichi Nuggishoonaa ta nihinihoo Nakoorichi Nuggishoona no gutti daggooch nallibe” iye. Yaaqobiyoo bi nihoo Yisaaqi goyinneebeeti Nuggishoona wogehe.

Shoddo 76:7

Doono Yeero, oogeton shattiito neene; ne kaarehooba, ne aafooch neexoon hakkemmo konine?

Keyo 20:20

Muusiyoo “Shattaahote; Yeeri ebiyoommi gommona ittoshi waan bi waato, ittoshi mooyon beegoyichiye; biichoo shatiree, axaaxoon shuunoochee wohiree ittoshi beeyemmoyichiye” iye.

Isiyaasi 29:23

Ta kishee shuunoo tuneti boonoshi bushiishoon boonoshi daggooch boonoshi beegiyooba, ta shigoon yaafoo tuniyemminaꞌone; Israꞌeelee Yaafoon oogiyemminaꞌone; Israꞌeelee Nuggishoon shattemminaꞌone.

Isiyaasi 5:16

Tunebaani Beshe Mawe Doono Yeeri, dayinnetoona nalloona bi oogoon bekkiyemmone; Yaafe Nuggishoo cadiqoona nalloona bi yaafittinoon bekkiyemmone.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Leweenaꞌo 22:32

Yaafoo tuneti ta shigoon giishiyaahote. Israꞌeeleenaꞌo bulli, yaafoo ta tunoon bekkiibeete. Ittoshin yaafiibeeti Doono Yeeri taane.

Milikiyaasi 2:5

“Biinna tookkaa ta giyeti wogo kashoon immichonaa diggeechona tuneti wogoone. Tawoo, ta wogetoommon biich tuniihoye. Ebiyoo taach bi shattemmoyichiye; biyoo taach shattiye. Ta shigoonoo oogiihe.

Haddoo 27:14

Ebiyoo Tsiini barahooch beeti aachi gashoochaa iiteenaꞌo ta toommooch tiyiyooba asheenaꞌo aafoochaa ta getoon quyoona yaafoo tuniiꞌi taan oogiyoo ittoshi qajjitoyichiye” iye. Ebi aaco Tsiini barahooch, Qadeesh beeti Meriibi aacone.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Luqaasi 12:5

Tunebaani ittoshi shattemmon ta ittoshich gettemmo taane: Aroo bi wuxitoyee gubb, shiweree qaaqqooch dufon hakkemmi Doonon shatote. Andoo ittoshich gettoye, biin shatote.

Roomi 4:20

Yeerich oogoon immiibee, Yeeri biich gibenikkiti gibenoon ceechemmo bi tunoon xiishiꞌi mullee tooꞌiyoona kupphehalli, ibariyaache getona Yeeri gibenikkiti gibenee qaaroyich axiraacheyaanoone.

Yibbaatoo 14:23

Bulli aaboon ne Nuggishoo Doono Yeerin shaton ne doyemmoyich, ne maayoochee, woyinee uyoonaa zayitoonoochee asraatoon, wotta ne miimoochee, bagoonaa emmishoonoochee shiichii shiijjeton, bulli aaboon biich ittoshi goyinnemmoyich bi kaacciti xaaꞌoochaa, ne Nuggishoo Doono Yeeri aafoochaa mame.

Yaaꞌoo 15:4

Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.

1 Saameeli 11:7

Gutte gattoon daammii, gishiishichii kuxxii, wocheyechinaꞌo kishoona Israꞌeelee showoo bulliich daachiiꞌi, “Saaꞌoolinaa Saameelinon dabbaani asho koniyoona bi gatteenaꞌo toommooch ebiyoommo tunemmone” iye. Oogeti shato Doono Yeer waanee asheenaꞌo toommooch kindiye. Boonoshi bulli ikke ashoommon tuneꞌi ikkittinoona waaheete.