Isiyaasi 8:10 - Kafa Linguistics Project

¹⁰ Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Isiyaasi 8:10 ပူးပေါင်းရင်းမြစ်များ

Halloo 21:22

Ikke areddoon Abimeleeki bi ginee iraashoo Fikoolina tookkii Abraham waan hammiꞌi ishichiye: “Ne tuniyaabeeti mooyo bullina Yeeri neenna tookkii beetone.

2 Saameeli 15:31

Akixofeeli Abisoloomina tookkii koceetinaꞌo daggoochee ikkoo bi tuno Daawitich getteehe. Daawitiyoo “Doono Yeero, Akixofeeli boyoon duubo ne tuniyemmoyich neen qollehoye” iꞌi corootiye.

2 Saameeli 17:23

Akixofeeli bi boyeti boyoon Abisoloomi tuniyaanoon qayon beeggiꞌi, bi kuree toommooch koroon haxxiꞌi tiyii, bi kexo beeti bi beeyi katemooch hammiye; mooyo bullin tachiichii, yoodee qitiye. Biyoo bi nihoochi maashooch duukkehe.

2 Saameeli 17:4

Ebi Akixofeeli boyeti boyo Abisoloominaa Israꞌeelee geeneenaꞌo bullinon emirikkiye.

2 Taateenaꞌo 6:12

Bi ginee iraasheenaꞌoochee ikkoo, “Taatoo ta doonocho, no daggoochee koniyoona toonoone. Tunebaani ne, ne gatooch beechaa ne yibbaatetonona, Israꞌeelee taatoyich gettiibeeto, Israꞌeelee showooch beeti keemechi Elisayine” iye.

2 Kiinoo 13:12

Yeeri noonna tookkiiniye; noonoo yaabii beetone. Qeesheenaꞌoo boonoshi ginee tiroon hugi ittoshi toommooch timoyich noonna tookkii beetinaꞌone. Israꞌeeleenaꞌote, ittoshi qaabbechinaꞌochi Nuggishoo Doono Yeerina tookki koyeyaahote; ittoshich kaameyaachemmone” iye.

Iyoobi 5:12

Boonoshi gabiton boonoshi tuniyaachemmoyich, Yeeri accechinaꞌo gaboon gaakkemmone.

Shoddo 21:12

Maꞌoon boonoshi toommooch awureree, gubb wotteree boonoshi woccemmoyich, tuniyemmo neene.

Shoddo 46:1

Yeeri nooch deeboonaa giidoonane; xuuxee aabo bulliichoo no gaachoone.

Shoddo 46:11

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:7

Beshe Mawe Doono Yeeri noonna tookkii beetone; Yaaqobichi Nuggishoo no deeboone.

Shoddo 46:8

Waaree Doono Yeerichi shuunoon beegote; showee toommooch bi deebiti aalloon beegote.

Shaahiyoo 21:30

Asho bi shalligoona, bi gaboona, bi ariyoonoo, Doono Yeeri toommooch timon hakkaache.

Isiyaasi 14:27

Beshe Mawe Doono Yeeri ishichii gabitone; konine bajjemmo? Bi mochoonoo tiijjitone; konine wochemmo?

Isiyaasi 28:18

Qitoona tookkii ittoshi giyiti wogo echemmone; maashoona tookkii ittoshi shuneti shunoo manjaachemmone; kupphe naxo bi beshehooba, ittoshin kotemmone;

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 43:5

Ta neenna tookkaa ta tunetoyich shattaahine; aabi-keyo waanee, aabi-gimo waaneenoo, ne shiijjereenaꞌon kici deebemmo taane.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 8:8

ufebee Yihudee showooch shaggemmone; qooxibeeshoo beshemmone; qettooch beddaahaa beddemmone. Amanuꞌeelo! Yaggeeti bi qosheenaꞌo ne showoon tuggoochee tuggooch beddaahaa qerii beetinaꞌone” iye.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 42:11

Ittoshi shattiibeeti Baabloonee taatoon shattaahote; ittoshin wodiyoyich, bi kishoochee ittoshin kichoyich, ta ittoshina tookki tunemmo ta tunetoyich, biin shattaahote, iye Doono Yeeri.

Erimiyaasi 46:28

Ta guuno Yaaqobo! Ta neenna tookkii ta tunetoyich shattaahine” iye Doono Yeeri. “Boonoshi daggooch neen ta yookketi aageteenaꞌon, ciroona aalliyemmo taane; tunebaani neen ciroona aalliyaachemmo taane; tunetaa neen tate gommona sheeremmo taane; sheeraanoon besheyaachemmo taane” iye.

Shoosho 3:37

Doono daaggaanoon, bi geto ceeno hakkemmo konine?

Yoꞌeeli 3:9

“Aageteenaꞌo daggoochaa ishichi awaajjibote: ‘Koyoyich qannibote! Ginee anaaminaꞌonoo ceegote! Ginee naayinaꞌo bulli kiceeree, koyoyich qannibeete.

Haagi 1:13

Aroochee Doono Yeerichi wocheyechi Haagi asheenaꞌoyich, “ ‘Ta ittoshina tookkaa beeto taane’ itone Doono Yeeri” iye.

Haddoo 14:9

Doono Yeeri toommooch baach hukkoon tiijjiyaahote. Are showeexi asheenaꞌoyichoo shattaahote. Nooch kosho tunemminaꞌone; boonoshi nixiyoo tiyitone. Doono Yeeri noonna tookkii beetone. Boonoshin shattaahote” iyeete.

Roomi 8:13

Meechi daaggoona ittoshi beegaata, qitemmo ittoshine; tunebaani Yeerichi Ayaanee giidoona meechi shuunoon ittoshi wuxigaata, kashoona beeyemmo ittoshine.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Yibbaatoo 20:1

Muusi Israꞌeeleenaꞌoyich ishichiye: “Gibitsee neen kichii deebiti ne Nuggishoo Doono Yeeri neenna tookkii bi tunetoyich, ne ettoona koyeya koyooch hammaꞌa, neechoyee beshiti gaarin, hareshoonaa ginee naayinaꞌonon ne beegigaata, shattaahine.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

1 Yowannisi 4:4

Ta shuni bushiisheenaꞌote! Ittoshi Yeer magecho ittoshine; hini alemeexi asheenaꞌona tookkii beetoyee, ittoshina tookkii beeto besho bi tunetoyich, are koote keemechinaꞌon kochii wochito ittoshine.