Isiyaasi 7:6 - Kafa Linguistics Project

⁶ “Damba keyiree, Yihudin koyi xuuxiiree yeshone. Xabeelichi bushoonoo arooch taatiibone” itinaꞌone.

Isiyaasi 7:6 ပူးပေါင်းရင်းမြစ်များ

1 Taateenaꞌo 12:16

Israꞌeeleenaꞌo bulli taatoo boonoshi mooyon waayee qayon beeggiꞌi, ishichii wochiyeete: “Daawit waanee no danemmi mooyo amoone? Iseyi bushoo waanee no woraashemmi mooyo aalloone. Israꞌeeleenaꞌote, ittoshi duukkaani duukkaanooch wottebote; Daawito, and ne hajjee kexon quyebe” iyeete. Ebina Israꞌeeleenaꞌo boonoshi duukkaani duukkaanooch wotteheete.

2 Taateenaꞌo 11:2

Tunebaani taatoo Yehoraami bushee, Akaziyaasi manee Yehoshaabi, wuxeyemmi taatoochi bushiisheenaꞌo daggoochee Akaziyaasi bushoo Yoꞌaashin gaajjaꞌa daammahan; biinnaa bi dichindeenon yaafee kechi gatooch aachiyan. Ebiyoommi gommona bushoo Ataaliyi kishoochee wodiye.

2 Kiinoo 13:8

“Andoo ittoshi, Doono Yeeri Daawitichi yareenaꞌoyich immiti taatittinee toommooch tiya gabiibeeto ittoshine. Ebiyoo mattiqutte ginee naayo ittoshi tunoonaa ittoshi nuggisheenaꞌo boonoshi tunemmoyich Yeroboꞌami shuuneti maaminaꞌochi misiloon ittoshi yeshonoyichiye.

2 Kiinoo 21:7

Tunebaani Doono Yeeri Daawitina tookkii bi giyiti wogoyich, bi yareenaꞌon aalliyoon qaawaanoone; Daawitinaa bi yareenaꞌonoyich bulli yemeenoon beeyemmi ceechoon yeshiyoyich gibenikkitone.

2 Kiinoo 28:5

Ebich bi Nuggishoo Doono Yeeri Sooriyee taatoo kishooch biin beshiiꞌi immiye. Sooriyeenaꞌoo boonoshin kochii wochiꞌi, meeti asheenaꞌon keccii Damaasiqa daammiyeete. Wotta Doono Yeeri boonoshin Israꞌeelee taatoo kishooch beshiiꞌi immiye. Biyoo gonde yexon boonoshin yexxiye.

Shoddo 21:11

Ne toommooch gondoon boonoshi gabitaa, boonoshi maritaa, boonoshich kaameyaachemmone.

Shoddo 83:3

Ne asheenaꞌo toommooch gondoon gabiyeete; ne quyaa beetinaꞌo toommooch koceeheete.

Shaahiyoo 19:21

Ashi mullooch beeto meeti gaboone; tunebaani ceennemmo Doono Yeeri gettitone.

Isiyaasi 7:1

Uziyaahi bushoochi bushoo, Yotaamichi bushoo Akaazi Yihudee taatoo tuneꞌi beehooba, Sooriyee taatoo Resininaa Israꞌeelee taatoo Remaliyichi bushoo Feqaahina Yerusaalemin kocha kechiyeete; tunebaani kochii yeshon hakkaaneenaꞌone.

Isiyaasi 7:5

Sooriyeenaꞌo, Efreeminaa Remaliyichi bushoona tookkii neen koyoyich ishichiꞌi koceetinaꞌone.

Isiyaasi 7:7

Ebich Nuggishoo Doono Yeeri ishichiye: Ebi boonoshi koceeti mooyo ciroona tuneyaachemmone.

Isiyaasi 8:6

“Hini asheenaꞌo nibboona wocciibeeti Salihoomi aacinaꞌon qajjiichii, Resininaa Remaliyichi bushoona boonoshi emiritoyich