Isiyaasi 7:4 - Kafa Linguistics Project

⁴ Taatoo Akaazichoo ishichiree gete: ‘Neen ariibe; cikkibe; shattaahine. Ebi micciꞌi cufiibeeti gutte michi xugoomminaꞌo tuneti Sooriyee taatoo Resininaa Remaliyichi bushoonoyich ne mullo keqqaaye.

Isiyaasi 7:4 ပူးပေါင်းရင်းမြစ်များ

2 Taateenaꞌo 15:27

Yihudee taatoo Azariyaasi taateti aachaa guttinnee natooba, Remaliyi bushoo Feqaahi Shamaaraa Israꞌeeleenaꞌo toommooch taatehe; hiye naton qeejjiye.

2 Kiinoo 20:17

Hini koyoon koyemmo ittoshi toonoone; ittoshi xaaꞌi xaaꞌoon yeshiree baach neexebote; manji neexebote. Doono Yeeri ta, wudoon ittoshich ta daniyoon beeggemmo ittoshine. Yihudee asheenaꞌonaa Yerusaalemi asheenaꞌonote, shati keqqiyaahote; yaach hamiree boonoshina koyebote. Doono Yeeri tawoo ittoshina tookki tunemmo taane’ itone” iye.

Isiyaasi 10:24

Ebich Doono, Beshe Mawe Doono Yeeri ishichiye: “Tsiyoon beeti ta asheenaꞌote, Gibitseenaꞌo tuniitoommon, Asooreenaꞌo ittoshin yexxa dulloon tiijjitaa, gumboona ittoshin boonoshi mutetaa, boonoshin shattaahote.

Isiyaasi 30:15

Israꞌeelee Yaafoo tuneti Nuggishoo Doono Yeeri ishichiye: “ ‘Ta waan wottoonaa tooqqii kashoona wodemmo ittoshine; tooqqii kotoonaa taan gibenoona hakkoon danemmo ittoshine’ iyoye; tunebaani ittoshi qajje iyote.

Isiyaasi 30:7

Gibitsichi gaacho gaacaalloonaa duuboonane; ebich Gibitsin Xuppattaalli Dingero iyaꞌa shigiito taane” iye.

Isiyaasi 35:4

Boonoshi mullo shattii beetinaꞌon “Kupphebote; shattaahote; ittoshi Nuggishoo nichoon kichiya, boonoshi shuuneton boonoshich shuuneree, ittoshin wodiiya, woyemmone” getote.

Isiyaasi 37:6

Isiyaasi boonoshich “Doono Yeeri ishichiye: ‘Asooree taatoochi wocheyechinaꞌo taan boonoshi naagaa ne waayeti qaaroyich shattaahine. Ebiyoche, ayaanoon bi toommooch deejjemmo taane. Tuneti woroon waayeree bi showooch wottemmone. Aroochaa goraadoona bi qitemmoyich tuniyemmo taane’ itone getiree ittoshi taatoyich getote” iye.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 7:1

Uziyaahi bushoochi bushoo, Yotaamichi bushoo Akaazi Yihudee taatoo tuneꞌi beehooba, Sooriyee taatoo Resininaa Israꞌeelee taatoo Remaliyichi bushoo Feqaahina Yerusaalemin kocha kechiyeete; tunebaani kochii yeshon hakkaaneenaꞌone.

Isiyaasi 7:8

Sooriyeenaꞌochi shimbo Damaasiqine; Damaasiqi shimbo Resinine; Efreemiyoo shichaa uuche nati daggooch tiishemmone; ebiyee bekk aagetee showoo tuneyaachemmone.

Isiyaasi 7:9

Efreemi shimbo Shamaarine; Shamaarichi shimbo Remaliyichi bushoone. Illa taan gibenoona kuppho ittoshi qayigaata, ciroona manjiree neexeyaachemmo ittoshine’ gete” iye.

Isiyaasi 8:4

Bushoo ‘Taabbo, taande!’ geton bi hakkoyee shiichi, Damaasiqee gaannoonaa Shamaaree kecoonon Asooree taatoo keci daammemmone” iye.

Isiyaasi 8:6

“Hini asheenaꞌo nibboona wocciibeeti Salihoomi aacinaꞌon qajjiichii, Resininaa Remaliyichi bushoona boonoshi emiritoyich

Shoosho 3:26

Asho cikkiꞌi Doono Yeerichi wodiyoon, bi gibenegaata gaawiye.

Amootsi 4:11

“Sodoominaa Gomoorinon ta aalliyoommon ittoshi daggoochee ikkikkeenaꞌon aalliihoye; ebi aroochee muricciꞌi ittoshi kechito, ciifo qaaqqee daggoochee keyoommoniye. Tunebaani ta waan wotteyaano ittoshine, iye Doono Yeeri.

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Zakaariyaasi 3:2

Doono Yeerichi maraakoo Sheexaanoon “Sheexaanoocho, Doono Yeeri neen kaarebe; Yerusaalemin kaacciti Doono Yeeri neen kaarebe. Hini uro qaaqqoochee kechiti ciifoommo toone?” iye.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maatiyoosi 24:6

Ginee koyoonaa ginee woroonon waayemmo ittoshine; tunetaa keqqiyaahote. Ebi tuno echeyaachemmone. Tunebaani yemeenee ciiro battiye.

Yibbaatoo 20:3

ishichibe: ‘Israꞌeeleenaꞌote, waayebote. Hanaach ittoshi etteenaꞌona tookki koyeya hammiibeeto ittoshine. Ittoshi mullo keqqaaye; shati qeweyaahote.

1 Saameeli 17:32

Daawitiyoo Saaꞌoolich “Ebi uroyich koniyoona shati keqqaaye. Ne guuno ta hamiree ebi Filsixeemoon kochemmo taane” iye.