Isiyaasi 7:14 - Kafa Linguistics Project

¹⁴ Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 7:14 ပူးပေါင်းရင်းမြစ်များ

Halloo 16:11

Aroochee Doono Yeerichi maraakoo daakkiꞌi, “Ebiyoche, and xifeti neene; anaami bushoonoo shiyemmi neene; Doono Yeeri iriteyaꞌa ne cookoon bi waayetoyich, bushoochi shigoon, Ishmaꞌeeli geti shigiyemmi neene.

Halloo 29:32

Liyiyoo xifaa anaami bushoon shiyahan. “Doono Yeeri ta iritoon beeggitone. Iberoon ebiyee bekk ta keno taan shunnemmone” iyan. Ebich bushoo shigoon, Roobeeli iyaa shigiihan.

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Halloo 30:6

Raaheeliyoo “Yeeri taach nallite; ta qolloon waayeꞌi anaami bushoon taach immite” iyan. Ebich ebi bushoo shigoon, Daani iyaa shigiihan.

Halloo 30:8

Raaheeliyoo “Kupphe qiiccoon ta maneena qiiccaꞌa wochite” iyan. Ebich bushoo shigoon, Nifitaali iyaa shigiihan.

Halloo 4:25

Addaami wotta bi mecheena danehe; anaami bushoonoo shiyahan. “Qayeeli wuxiti Abeeli keroon Yeeri bare bushoon taach kerite” iyaꞌa, bi shigoon, Seeti iyan.

1 Taateenaꞌo 13:3

Arooba ebi Yeer asho ishichiꞌi malletoon gettiye: “Doono Yeeri gettiti malletoo ebine: ‘Ebiyoche, hini deejjee gudo gaahemmone; bi toommooch beeti tulloo shacemmone’ itone” iye.

Shoddo 46:8

Waaree Doono Yeerichi shuunoon beegote; showee toommooch bi deebiti aalloon beegote.

Isiyaasi 38:7

“Doono Yeeri gibenikkiti gibeno ceennemmo bi tunoyich, malletoo ebine:

Isiyaasi 8:10

Yeeri noonna tookkii bi tunetoyich, koceebotalli ittoshich kaameyaachemmone; yibbaatebotalli ittoshi yibbaatoo manjaachemmone.

Isiyaasi 8:8

ufebee Yihudee showooch shaggemmone; qooxibeeshoo beshemmone; qettooch beddaahaa beddemmone. Amanuꞌeelo! Yaggeeti bi qosheenaꞌo ne showoon tuggoochee tuggooch beddaahaa qerii beetinaꞌone” iye.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Erimiyaasi 31:22

Hini gibeneyaani asheenaꞌote, axiraache ittoshi beeyemmo aati wottooniye? Doono Yeeri ta, showee toommooch andire mooyon hallito taane; maachee anaamoyich deeboon tunemmine” iye.

Erimiyaasi 44:29

“Ittoshi toommooch deebemmo taane ta ito ceennemmo bi tunoon ittoshi ariyemmoyich, hini xaaꞌoochaa ittoshin naxemmo ta tunoyich ebi ittoshich malletoo tunebe:

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Luqaasi 1:31

Yeqqeferee anaami bushoon shiyemmi neene; bi shigoonoo Yesuusi getiree shigiyemmi neene.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Luqaasi 2:12

Ebi ittoshich malletoo tunemmone: Gaggeroo buroommi qoreddoona caaccee yegillooch tokketeꞌi beeton danemmo ittoshine” iye.

Luqaasi 20:44

Illa Daawiti biin ‘Doono’ itone; ishigaata, aabichiree Daawitichi bushoo tunehe?” iꞌi echehe.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Woraaferasheenaꞌo 6:36

Aroochee Geediyooni Yeerich ishichiye: “Israꞌeeleenaꞌon ta kishoona wodiyemmo ne tunoon getteto neene.

1 Saameeli 1:20

Ebina Haanni xifaꞌa, anaami bushoon shiyahan. “Doono Yeer waanee ta qolletone” iyaꞌa, bi shigoon Saameeli iyan.

1 Saameeli 4:21

Yeerichi taabooto keccetoyich, bi abboonaa bi kenoonoo qititoyich, “Yeerichi oogee yiiroo Israꞌeelee wokkite” iyaꞌa, bushoo shigoon Ikaboodi iyan.