Isiyaasi 66:5 - Kafa Linguistics Project

⁵ Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Isiyaasi 66:5 ပူးပေါင်းရင်းမြစ်များ

1 Taateenaꞌo 21:29

“Akaabi bi qelloon ta aafooch aabichiꞌi bi giishiito gaata beeggaa beetine? Bi qelloon ta aafooch bi giishiitoyich, gonde mooyon bi yemeenooch deebaachemmo taane. Tunebaani bi bushoochi yemeenooch gonde mooyon bi kexooch deebemmo taane” iye.

2 Taateenaꞌo 22:10

Daakkiꞌinoo taatoyich, “Qeeshoo Hiliqiyi taach immiti macaafo, ebiyoche” iꞌi taatoyich shemmehe.

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Iziri 9:4

Kecoochee wottetinaꞌochi gibeneyee qayi naboona Israꞌeelee Nuggishoochi qaaroochee tiyitona shattii qewetinaꞌo bulli ta guudoona kiceeheete; tawoo arooch womikkee deejjee saatooch beddaahaa keqqoona dookkaꞌa koteho.

Shoddo 119:120

Ta ashittino neen shatona qewehe; ne dayinnetoon beeggaꞌa shattehoye.

Shoddo 38:20

Deꞌe mooyon ta tuniitoyich, deꞌee kaalloon gondoon wochii beetinaꞌo taan shixxiyeete.

Shaahiyoo 13:13

Ciicoon qallayiibeeto, bi toommooch iritoon deebiye; tunebaani getoon oogiibeeto wojjoon danemmone.

Solomooni 1:6

Aabo ta malletoon aaꞌiitaa ta aaqqetoyich, taan manjii ciinnaahote. Ta indee shiyeti ta maneenaꞌo taan kaareheete; woyinee quyechin taan tuniiheete; tunebaani ta, ta hajjee woyinee qomboon quyeyaanee taane.

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 5:19

“No beeggemmoyich Doono Yeeri tuniiya bi gabiton kaate tuniibe; no ariyemmoyich Israꞌeelee Yaafoo yameti yamo kaate wobe” ii beetinaꞌoyich woowo!

Isiyaasi 60:15

“Ebiyee aaf duppeti, shicheti, koniyoona aroona besheyaane, ne tunetaanoona, ta bulli yemeenoon yebeneeti, bushaa bushich emiree, neen tuniyemmo taane.

Isiyaasi 65:13

Ebich Nuggishoo Doono Yeeri ishichiye: “Ta guuninaꞌo maayemminaꞌone; tunebaani ittoshi shaacemmo ittoshine; ta guuninaꞌo uchemminaꞌone; tunebaani ittoshi shachewemmo ittoshine; ta guuninaꞌo emiremminaꞌone, tunebaani ittoshi yeellemmo ittoshine;

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Erimiyaasi 36:16

Ebi qaaro bullin waayeꞌi shatona boonoshinaa boonoshina ciineeheete. Aroochee Baaruukich “Ebi qaaro bullin taatoyich geto nooch qaawiihe” iyeete.

Hosee'i 11:10

“Doono Yeeri taan dabbemminaꞌone. Tawoo daaheroochoommon gigemmo taane. Ta gigemmona ta bushiisheenaꞌo aabi-gimo waanee qewebee woyemminaꞌone.

Maatiyoosi 10:22

Asheenaꞌo bulli ta naboyich ittoshin shixxemminaꞌone; tunetaa ciirooch beddaahaa manjiꞌi kupphemmo wodemmone.

Luqaasi 13:17

Ebin Yesuusi yibbaatee bi beetaa, bi shuunoon bayoyich qiiccetinaꞌo bulli yeelleheete; tunebaani ebi shaahe worganikkiti mooyo bullin bi shuunetoyich, asheenaꞌo bulli emiriyeete.

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

Yowannisi 9:34

Boonoshiyoo wochiꞌi, “Hini axaaxoona qoqqaanneeꞌa shiijjetocho, nooch dojjiya qaawaa beetine?” iyeete. Aroochee Ayihudeenaꞌo kiceebeeti kexoochee biin kichiyeete.

2 Tasaloonqi 1:12

Ebiyoommi gommona no Nuggishoonaa Doono Yesuus Kiristoosinochi wojjoommon no Doono Yesuusichi shigo ittoshi waanaa oogemmone; ittoshiyoo bi waanaa oogemmo ittoshine.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

1 Yowannisi 3:13

Illa ta maneenaꞌote! Alemee asheenaꞌo ittoshin boonoshi shixigaata, ebin mooch haddiyaahote.