Isiyaasi 66:3 - Kafa Linguistics Project

³ “Taach gattoon guuriibeeto ashoon guurii beetoommone; bagee baaddoon deejjiibeeto kunaanee qettoon qimii beetoommone; maayi buuroon giddiibeeto gudichi damoon giddii beetoommone; shalligichee ixaanoon shookkiibeeto shahalloon galletee beetoommone. Eboshi boonoshi hajjee gommon kaacona boonoshi eeꞌe mooyona emiriyeete.

Isiyaasi 66:3 ပူးပေါင်းရင်းမြစ်များ

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Shaahiyoo 21:27

Gonde ashi deejjoo ciigeetone; gonde gaboona bi deejjiibeeto beshoon ciigeetone.

Isiyaasi 44:19

Ebi shahalloon shuunee beetinaꞌo daggooch “Ebi michi qaton qaaqqooch shookkehoye; bi gachoona koshon kachiihoye; meenonoo michaꞌa maahoye; illa aabichiree, echetona ciigiiti mooyon tuniyehote? Ebi michi aafooch dihi goyinnehote?” iꞌi yexiiti, ariyecho woyee shalligecho ikkolla aalloone.

Isiyaasi 53:6

No bulli bagoochoommon yallyallimaa aallehone; no ikkikkoona no kaatti kaattoon yechehone. Tunebaani Doono Yeeri no bullichi xuꞌoon, bi toommooch tuniihe.

Isiyaasi 57:17

Gonde bi woddellittinoyich biin kaarehoye; biin naxaꞌa, kaaroona ta aafoon bi waanee badd wochiyoye; tunebaani gubb wotteꞌi bi gaba hammiye.

Isiyaasi 65:12

goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Isiyaasi 65:2

Boonoshi mullee daaggoona hammiibeeti, gonde gommona hammiibeeti, hukkechi asheenaꞌoyich, heeyo bullin ta kishoon yaggiyoye.

Isiyaasi 66:17

Doono Yeeri ishichiye: “Boonoshi daggoochee ikkoon dabbii bechee michi xaaꞌooch hamoyich, boonoshi qelloon barii, yaafii beetinaꞌo, gudichi meenon, tiyaariibeeti mooyonaa iiccoonon maa beetinaꞌo ikkittinoona aallemminaꞌone.

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Leweenaꞌo 2:2

Qeesheenaꞌo tuneti Harooni anaami bushiisheenaꞌo waan deebe. Qeeshoo qacini buddinoonaa zayitoonoochee, ixaano bullina tookki ikke ushon tiijjibe. Ebinoo qaaqqooch michaa giddeebeeti, Doono Yeeri taach gaawe cinnoon cinneebeeti maayi buuroon tuniiree shalligichoyich deejjee gudee toommoochaa giddiibe.

Haagi 2:14

Aroochee Haagi boonoshich “Doono Yeeri ishichiye: ‘Hini asheenaꞌonaa hini aagetoona ta aafoochaa ebiyoommone; boonoshi kishoona boonoshi shuuneebeeti mooyo bulli ebiyoommone. Deejjee gudooch giddiiꞌi taach boonoshi deejjiibeeto, ebiyoommon eeꞌetone’ iye.

Yibbaatoo 14:8

Wotta gudinon maayaahote. Bi shanekkoo kappheeto bi tunetaanoona, manjaaneyaanoone. Ebiyoo ittoshi waanaa eeꞌoone. Bi meenon ciroona maayaahote. Bi meeshooch ittoshi kishoon shakkiyaahote.

Yibbaatoo 23:18

Ne Nuggishoo Doono Yeeri gijjoyicha iꞌi boonoshi ashittinoon kemmiibeeti asheenaꞌon, maacheen tuneba anaamon shixxii beetone. Ebiyoommi gommona daneti gijjoo Doono Yeerichi kexooch woyaaye; biich mookkeeto bi tunetaanoona, woyaaye.

Woraaferasheenaꞌo 10:14

Ittoshich ittoshi kaacciti nuggisheenaꞌo waan hamiree, boonoshi waan cookibote. Eke ittoshi duꞌehooba, boonoshi ittoshin shiwe wodiibeete” iye.

Woraaferasheenaꞌo 21:25

Ebi yemeenooba Israꞌeeleenaꞌoyich taatoo aalloone. Asho bi ikkikkoona gaaweto tuneꞌi biich bekketon tunii beehe.

Woraaferasheenaꞌo 5:8

Dallaawe nuggisheenaꞌon Israꞌeeleenaꞌo shunnitoyich, gino boonoshi kellooch shaggiye; aabbe hume Israꞌeeleenaꞌo daggoochee, ginoon woyee gaachoon yechiti ikke asholla aalloone.