Isiyaasi 66:19 - Kafa Linguistics Project

¹⁹ boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Isiyaasi 66:19 ပူးပေါင်းရင်းမြစ်များ

Halloo 10:13

Mitsirayimichi shiijjereenaꞌo: Luudeenaꞌo, Anaameenaꞌo, Lehabeenaꞌo, Nafituheenaꞌo,

Halloo 10:2

Yafeeti bushiishoo: Gomeeri, Magoogi, Madaayi, Yawaani, Tubaali, Mesheekinaa Tiraasinane.

Halloo 10:22

Sheemi bushiishoo: Elaami, Ashuuri, Arifakisaadi, Luudinaa Araaminane.

Halloo 10:4

Yawaani bushiishoo: Elishi, Tarisheshi, Kitiiminaa Rodaniiminane.

Halloo 9:27

Yeeri Yafeetin gamichibe! Sheemina tookki diggoona beebe; Kanaani biichoo guuno tunebe” iye.

1 Kiinoo 1:11

Mitsirayimichi shiijjereenaꞌo: Luudeenaꞌo, Anaameenaꞌo, Lehabeenaꞌo, Nafituheenaꞌo,

1 Kiinoo 1:7

Yawaanichi anaami bushiisheenaꞌo: Elishi, Tarisheshi, Kitiiminaa Rodaniiminane.

1 Kiinoo 16:24

Bi oogoon aagetoo bullich awaajjibote; worganikkiti bi shuuneenaꞌonoo asheenaꞌo bullich getote.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Isiyaasi 11:12

Aageteenaꞌoyich malletoon neechemmone; Israꞌeeleenaꞌoochee duppetinaꞌon kicemmone; Yihudee asheenaꞌoocheenoo shacetinaꞌon showee awudde kelloochee kicemmone.

Isiyaasi 18:3

Showee toommo bulliich beeti asheenaꞌote, malletoo guudi toommoochaa bekkoon, ciinote; shameto hukkoonoo waayebote.

Isiyaasi 18:7

Arooba Beshe Mawe Doono Yeerich, neexi genjeenaꞌonaa naalle qeddechinaꞌona tuneti, woheexonaa katineexona shattiibeeti, hakkechinaꞌonaa giidechinaꞌona tuneti, boonoshi showoo aacona qoodeeti, aageteenaꞌo waanee wojjoo woyemmone; boonoshiyoo Beshe Mawe Doono Yeerich goyinneebeeti Tsiyooni guudooch deebemminaꞌone.

Isiyaasi 2:16

Tarisheshi markabeenaꞌo bullinaa mallet gaawe aachi gooneenaꞌo bullinon bi aalliyemmi aabo beetone.

Isiyaasi 29:24

Ayaanoona muriccitinaꞌo shalligemminaꞌone; guruuxii beetinaꞌo dojjoyich deꞌa gettemminaꞌone” iye.

Isiyaasi 42:12

Doono Yeerinoo oogiibeete; bi galletoonoo baharee gashoonaa buure showoonoochaa awaajjibeete.

Isiyaasi 42:4

Dayinnetoon showee toommooch bi tuniimmi wottoon, taahaachemmone; gibenoon kuxaachemmone; baharee gashoonaa buure showoonooch beetinaꞌo bi sheeroon waayoyich qaatemminaꞌone” iye.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 49:1

Baharee gasheexi buure showooch beetinaꞌote, ta waanee ellebote; wohi showooch beeti aageteenaꞌote, waayebote: Doono Yeeri, ta shiijjeyaan beetaa, taan ceeggiye; ta indee maacooch ta beetaa, taach shigoon shigiihe.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 49:22

Nuggishoo Doono Yeeri ishichiye: “Aageteenaꞌon kappemmo taane; asheenaꞌo waanoo ta malletoon wochemmo taane; ittoshi anaami bushiisheenaꞌon boonoshi shoopphooch tiqqe, ittoshi maache bushiisheenaꞌon boonoshi gogooch shaagi, deebemminaꞌone.

Isiyaasi 51:5

Ta cadiqoo kaate shaggemmone; ta wodiyoo kechemmone; ta mochoona aageteenaꞌon hajjemmo taane; baharee gasheexi buure showeenaꞌo taan gibene quyemminaꞌone; ta mochoonoo gibenemminaꞌone.

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 52:15

Boonoshich getteyaanoon beeggemminaꞌo boonoshi tunetoyich, boonoshi waayeyaanoon shalligemminaꞌo boonoshi tunetoyich, bi naboona meeti aageteenaꞌo worganemminaꞌone; taateenaꞌo bi naboona worganemminaꞌone” iye.

Isiyaasi 55:5

Israꞌeelee Yaafoo, ne Nuggishoo Doono Yeeri ta, neen ta oogiitoyich, ne ariyaani aageteenaꞌon ceeggemmo neene; neen ariyaani aageteenaꞌo ne waan wocibee woyemminaꞌone” iye.

Isiyaasi 60:9

Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.

Isiyaasi 62:10

Beshebote; kelloo waan beshebote; asheenaꞌoyich gommon qanniibote; shuunebote; gamini gommon shuunebote; xaqqeenaꞌon bayote; asheenaꞌo beeggemmoyich malletoon kaama tiijjibote.

Isiyaasi 65:1

Doono Yeeri ishichiye: “Taan echeyaaneenaꞌoyich bekkehoye; taan qaawaaneenaꞌoyich danehoye; ta shigoon ceegaani aageteenaꞌoyich ‘Hini tawoche, hini tawoche!’ iyoye.

Erimiyaasi 46:9

Haresheenaꞌote, keyote! Gaarinaꞌote, yubibote! Ginee anaaminaꞌo, gaachoon kalleti, Topphiyee asheenaꞌonaa Fuuxee asheenaꞌona, wottoo maꞌoon awureebeeti Luudee asheenaꞌoo, keyeete” iye.

Hiziqeeli 27:10

“ ‘Faariisee, Luudee, wottoo Fuuxee waati ginee naayinaꞌo ne ginee naayinaꞌo daggooch beetinaꞌone; boonoshi gaachoonaa xuuree ukoonon ne gafooch kaqqitinaꞌone; boonoshi neech oogoon daniitinaꞌone.

Hiziqeeli 27:13

“ ‘Yawaanee, Tubaalinaa Mesheekinoochee waatinaꞌo neenna tookkii giixee beeheete; guuninaꞌonaa gooshee qiiceenaꞌonon bare qiicoona neech shaddii beeheete.

Hiziqeeli 30:5

“ ‘Topphiyee, Fuuxi, Luudi, Arabee showoo bulli, Liibiyi, wogee showee asheenaꞌooch beddaahaa Gibitsina tookki goraadoona dihemminaꞌone.

Hiziqeeli 32:26

“Mesheekee showoonaa Tubaalee showoona arooch beetone; dofee boonoshi asheenaꞌochi maasho boonoshi guudoona beetone; bulliyona dokireyaaneenaꞌo, goraadoonoo qititinaꞌone; ebiyoo kashechinaꞌochi showoochaa keqqichiibee boonoshi echetoyichiye.

Hiziqeeli 39:1

“Andoo ashi bushoocho, Googi toommooch keemoon ishichi keembe: ‘Nuggishoo Doono Yeeri ishichiye: Mesheekinaa Tubaalinochi iraashoo tuneti Googo, ta ne toommooch tiyeto taane.

Hiziqeeli 39:6

Magooginaa baharee gasheexi showooch keqqaalloon kotetinaꞌonochi toommooch qaaqqoon kindiyemmo taane; ebina Doono Yeeri ta tunoon ariyemminaꞌone.

Daaneeli 11:18

Aroyee gubb baharee gashooch beeti showeenaꞌon koyiree meetinaꞌon yechemmone. Tunebaani ikke ginee iraashoo biin koyi wochiree bi geecoon aalliyemmone; ebi taatoo geecoona bi tuniiti mooyo, bi toommooch bi wottemmoyich tuniyemmone.

Sofoniyaasi 2:11

Doono Yeeri boonoshin keqqichemmone; showee toommeexi nuggisheenaꞌon muujjiyemmone. Showee toommooch beeti aagetee asheenaꞌo bulli, boonoshi showi showooch beechi biich goyinnemminaꞌone.

Sofoniyaasi 3:10

Wohi showooch shaceꞌi beeti ta asheenaꞌo, Topphiyee aacinaꞌoyee beqachee, buuroon taach deebiree ta waan corootemminaꞌone.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Maariqoosi 16:15

Daakkiꞌi ishichiye: “Showee toommo bulliich hambote; ta mishiraachoon halleeto bullich getote.

Luqaasi 2:34

Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine” iye.

Roomi 15:21

Ebiyoo, “Shiichii biicho boonoshich getteyaaneenaꞌo beeggemminaꞌone; waayeyaaneenaꞌoo shalligemminaꞌone” getaa bi kooreetoommoniye.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.