Isiyaasi 66:16 - Kafa Linguistics Project

¹⁶ Meeno taheto bulli toommooch Doono Yeeri qaaqqoona, goraadoonoo nallemmone; Doono Yeeri meeti asheenaꞌon wuxemmone” itone.

Isiyaasi 66:16 ပူးပေါင်းရင်းမြစ်များ

Isiyaasi 10:4

Qoppeenaꞌo daggooch gutenoyee, guureetinaꞌo daggooch dihoyee besh, ittoshich echeto amolla aalloone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 3:13

Doono Yeeri bi nallee gabberooch kotetone; bi asheenaꞌo toommoochoo nalliya tiyitone.

Isiyaasi 30:30

Doono Yeeri ooge bi qaaroon waayiyemmone; aaxxeebeeti bi kaaroona, michiibeeti qaaqqee aaxxoona, yuboona, yattoona, muume baderoonoo kindiibeeti bi mochoo bekkemmone.

Isiyaasi 31:8

Asooreenaꞌo ashicho tuneyaani goraadoona dihemminaꞌone; ashicho tuneyaani goraado boonoshin maayemmone; goraadee aafoochee woccemminaꞌone; boonoshi gurimaasheenaꞌo guunon tuneree maddemminaꞌone.

Isiyaasi 34:2

Doono Yeeri aagetoo bullin kaaretone; kupphe bi kaaro boonoshi ginee naayinaꞌo bulli toommooch kinditone; ciroona boonoshin aalliyemmone; boonoshin guureyoyich beshiiree immemmone.

Isiyaasi 65:12

goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Erimiyaasi 25:31

Doono Yeeri aageteenaꞌona tookki taggemmi taggoo bi beetoyich, bi qaaro showee tuggooch beddaahaa shaggemmone; meeno taheto bullin nallooch giddiyemmone; gondeenaꞌonoo goraadoyich tuniyemmone’ gete” iye Doono Yeeri.

Erimiyaasi 25:33

Ebiyooba Doono Yeeri wuxitinaꞌo showee tuggoochee showee tuggooch beddaahaa yacheyemminaꞌone. Boonoshich eeppeyaachemmone; ikkooch kiceyaachemminaꞌone; dukkeyaachemminaꞌone; showee toommooch guudoochoommon qixeyemminaꞌone.

Erimiyaasi 45:5

Ne qellich beshe mooyon qaawii beetine? Ebin qaawiyaahine; ebiyoo meeno taheto bulli toommooch gonde mooyon deebemmo ta tunetoyichiye, iye Doono Yeeri. Tunebaani ne hammemmi xaaꞌoo bulliichaa ne kashe muriccemmoyich tuniyemmo taane’ itone” iye.

Erimiyaasi 46:15

Ittoshi nuggishoo Aphiisi amoyich dihiye? Ittoshi gubbenoo amoyich neexoon qajjiye? Doono Yeeri yexxii biin dichitochiye.

Hiziqeeli 28:18

Ne xuꞌee woddoona, axaaxe ne giixoona, ne yaafe xaaꞌoon eeꞌiito neene; ebich qaaqqoon ne daggoochee ta kichaa aroo neen maatone; and neen ciinnimmo bulli tulloo baach ne tunoon beeggemmone.

Hiziqeeli 38:17

“ ‘Nuggishoo Doono Yeeri ishichiye: Boonoshin kocha neen deebemmo ta tunoon wonnee yemeenooch ta guuninaꞌo tuneti Israꞌeelee keemechinaꞌo wodde naton keemmiti asho ne toono neene?’ itone gete” iye.

Hiziqeeli 5:15

Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Yoꞌeeli 3:2

Aageteenaꞌo bullin kiciree, Yoshafaaxi bambooch daammemmo taane. Ta asheenaꞌo tuneti Israꞌeeleenaꞌon, aageteenaꞌo daggooch boonoshi shaccitoyich, ta showoon boonoshi qoodeetoyich, boonoshi toommooch nallemmo taane.

Amootsi 7:4

Nuggishoo Doono Yeeri bare yaaꞌoon taach bekkiihe. Biyoo ashi toommooch qaaqqoon kindiyoona nalloyich qanniye. Qaaqqoo baharoon napphee ciichiꞌi, showoon michiye.

Naahoomi 3:15

Qaaqqoo ittoshin maayemmone; goraadoo ittoshin ciichemmone; gechoo maayoon aalliyoommon ittoshin aalliyemmone. Ittoshiyoo gechoo meetoommon meettito ittoshine.

Naahoomi 3:3

Hareshecho guubbiye; goraado tiikkii, ginoo wacciye; dofee asho qitiye; dubeno guteehe; asheenaꞌo ebi dubenoona tepheeheete.

Zakaariyaasi 14:5

Ittoshiyoo guudon gutta keexxiꞌi Atsel shaggiti bamboona woccemmo ittoshine. Yihudee taatoo Uziyaahi yemeenooba showoo qewetaa ittoshi wocoommon woccemmo ittoshine. Ta Nuggishoo Doono Yeeri woyemmone. Yaafeetinaꞌo bulliyoo biinna tookki woyemminaꞌone.