Isiyaasi 66:15 - Kafa Linguistics Project

¹⁵ “Ebiyoche, Doono Yeeri qaaqqoona woyemmone; bi gaarinaꞌoo yubee yongoomminaꞌone; bi ippoon kupphe bi kaaroona, bi noggoonoo aaxxeebeeti qaaqqoona bekkiyemmone.

Isiyaasi 66:15 ပူးပေါင်းရင်းမြစ်များ

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Shoddo 18:9

Shimaayoon qechiꞌi dugilla kindiye; bi baatee dechiich mandereti qubo beetone.

Shoddo 21:9

Ne bekkehooba, qaaqqee sheelloochoommon, boonoshin aalliyemmo neene. Doono Yeeri bi kaaree shiixxoona boonoshin aalliyemmone; qaaqqoo boonoshin maayemmone.

Shoddo 50:3

No Nuggishoo woyemmone; cikki qayaachemmone; michiibeeti qaaqqoo bi aafooch beetone; giidechi yuboo bi guudoona beetone.

Shoddo 68:17

Doono Yeeri bi mattiqutte gaarinaꞌona Siinee, bi yaafee kexooch waahe.

Shoddo 97:3

Qaaqqoo biyee aaf hammiye; bi guudoona beeti bi etteenaꞌon maahe.

Isiyaasi 10:17

Israꞌeeleenaꞌochi bekko tuneti Yeeri boonoshich qaaqqoon tunemmone; Israꞌeelee Yaafoo Yeeri qaaqqee aaxxoon tuneree, ikke areddoon angixonaa guccinonon michi aalliyemmone.

Isiyaasi 26:11

Doono Yeero, ne mochoo kaama tiyitone; tunebaani ne etteenaꞌo beegaaneenaꞌone. Ne asheenaꞌoyich am shaahoon ne qanaataabeeto gaata, ciiniree yeellebeete; boonoshich ne qanniiti qaaqqoo, ne etteenaꞌon mame.

Isiyaasi 30:30

Doono Yeeri ooge bi qaaroon waayiyemmone; aaxxeebeeti bi kaaroona, michiibeeti qaaqqee aaxxoona, yuboona, yattoona, muume baderoonoo kindiibeeti bi mochoo bekkemmone.

Isiyaasi 30:33

Wodde yemeenoyee aaf Asooree taatoo miccemmi qaaqqee xaaꞌoon qannitone; ebi xaaꞌoo gaminoonaa hoonoona tunemmona aroochoo qaaqqoonaa wodde mixona beetone; waageroo ufoommon ufeebeeti Doono Yeerichi hiinno qaaqqoon yeshiyemmone.

Isiyaasi 31:9

Boonoshi mishigo keqqoona dihemmone; boonoshi ginee iraasheenaꞌo baanderoon beegiichi keqqoona aallemminaꞌone” iye bi qaaqqoo Tsiyoon, bi qaaqqee sheelloo Yerusaalem beeti Doono Yeeri.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 5:28

Boonoshi shango acone; boonoshi maꞌoo qannitone; boonoshi haresheenaꞌochi baatoo shaammoommone; boonoshi gaarichi gengoo yongee yuboommone.

Isiyaasi 51:20

Ne bushiisheenaꞌo shaaweeꞌi dihitinaꞌone; dabbooch yecheti doollechoommon, gommo bulliich yacheetinaꞌone; boonoshi toommooch, Doono Yeeri kaaro, ne Nuggishoochi noggoo, kinditone.

Erimiyaasi 25:37

Doono Yeerichi manje kaaroochee tiyitona diggee mago happeetone.

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Erimiyaasi 4:3

Doono Yeeri Yihudee asheenaꞌonaa Yerusaalemi beeyechinaꞌonoyich ishichii beetone: “Gocheyaanoon qeyiti showoon goyote; angichi daggooch ittoshi yaroon shookkaahote;

Erimiyaasi 46:15

Ittoshi nuggishoo Aphiisi amoyich dihiye? Ittoshi gubbenoo amoyich neexoon qajjiye? Doono Yeeri yexxii biin dichitochiye.

Hiziqeeli 38:17

“ ‘Nuggishoo Doono Yeeri ishichiye: Boonoshin kocha neen deebemmo ta tunoon wonnee yemeenooch ta guuninaꞌo tuneti Israꞌeelee keemechinaꞌo wodde naton keemmiti asho ne toono neene?’ itone gete” iye.

Hiziqeeli 5:15

Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Daaneeli 11:40

“Ciireexi yemeenooba Gibitsee taatoo biin kochemmone. Tunebaani Sooriyee taatoo gaarin, hareshechinaꞌonaa meeti markaboonon yeshi bi toommooch yuboochoommon guubbiree woyemmone. Meeti showeenaꞌooch giyiree ambamboochoommon hidi boonoshi daggoona beshemmone.

Daaneeli 7:10

Qaaqqoo woce aacochoommon, bi aafoochee kechiꞌi ufee beehe. Hume kaallee humeenaꞌo biich maddee beeheete; aashire hume kaallee aashire humeenaꞌoo bi aafooch neexee beeheete. Nallechinaꞌo nalliya koteꞌi, macaafeenaꞌon gaxxiyeete.

Hosee'i 8:7

Boonoshiyoo yongoon shoohiree yuboon qeccemminaꞌone. Shaggiti maayooch yuulloo aalletoyich manjeyemmi maayo aroochee daneyaachemmone. Bi danetaanona maayemminaꞌo dallaaweenaꞌone.

Amootsi 7:4

Nuggishoo Doono Yeeri bare yaaꞌoon taach bekkiihe. Biyoo ashi toommooch qaaqqoon kindiyoona nalloyich qanniye. Qaaqqoo baharoon napphee ciichiꞌi, showoon michiye.

Naahoomi 1:6

Bi kaaree aafooch neexoon hakkemmo konine? Qaaqqoo gaamoommon gaamiibeeti bi kaaroon hakkemmo konine? Bi kaaree shiixxoo qaaqqoo kindoommon kindiye; bi aafooch xaqqee guudo tiishee yiikkeehe.

Imbaaqoomi 3:8

Doono Yeero, ne kaaremmoyich tuniitinaꞌo aacinaꞌone? Ne kaareto aacinaꞌoniye? Ne kaaree shiixxoon ne kindiito bahareenaꞌo toommoochiye? Ne asheenaꞌo wudoon danemmoyich ne tuniihooba, quboon hareshoochoommon, gaarichoommonoo yebbehine.

Zakaariyaasi 6:1

Wochinnoon kaama ciinnaꞌa, awudde gaari gutte guudochi gutte daggoochee kechii boonoshi beetaa beeggeho. Guudinaꞌoo gooshee guudinaꞌone.

Maatiyoosi 22:7

Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.

Yibbaatoo 28:20

“Doono Yeerin qajjaꞌa gonde mooyon ne shuunegaata, amoonolla shuuneya ne qiiccetaa, qaaꞌi mooyon ne toommooch deebiree neen betiyemmone; duꞌo neen yechemmone; kaateree ciroona aallemmo neene.

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.