Isiyaasi 66:1 - Kafa Linguistics Project

¹ Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Isiyaasi 66:1 ပူးပေါင်းရင်းမြစ်များ

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

1 Kiinoo 28:2

Aroochee taatoo Daawiti tiyii neexeechii ishichiye: “Ta maneenaꞌonaa ta asheenaꞌonote, hach ellebote; Doono Yeerichi wogee taabooto kotemmonaa no Nuggishoochi baatoo kashemmonoyich kexon hagga ta mulloona gabiyoye; shuunoyichoo qaawii beeton qanniihoye.

2 Kiinoo 2:5

“No Nuggishoo nuggisheenaꞌo bulliyee beshe oogoo bi tunetoyich, ebi ta hagga ii beeti kexo ooge kexone.

2 Kiinoo 6:18

“Tunebaani Yeero, iberoon ashoona tookki hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

Shoddo 11:4

Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

Shoddo 132:7

Nowoo “Ittoshi waataa bi beeyi xaaꞌooch hambone; bi aafooch goyinnebone” iyone.

Shoddo 99:9

No Nuggishoo Doono Yeeri yaafoo bi tunetoyich, no Nuggishoo Doono Yeerin galletebote; yaafeeti bi guudoochaa goyinnebote.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 60:13

“Ta yaafee kechi xaaꞌoon macecikkoyich, Libanoosichi oogee yiiroo tuneti yigoo, naddee mixonaa ciidoona, ne waan woyemmone; ta baatoo neexxiti xaaꞌoon oogiyemmo taane.

Erimiyaasi 23:24

Asho bi qelloon aashe xaaꞌooch bi aachigaata, ta biin beegaachehote?” iye Doono Yeeri. “Showoonaa shimaayoonooch ceenneto toono taane?” iye Doono Yeeri.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 12:6

Tunebaani ittoshich gettoye: Yaafee kexoyee besho hiniich beetone.

Maatiyoosi 24:2

Tunetaa biyoo wochiꞌi, “Eboshi bullin beeggii beetote? Iberoon ittoshich gettoye: Hini xaqqeenaꞌo happeyaanoon xaqqo xaqqee toommooch keddeeree ebina beetaachemminaꞌone” iye.

Mishiraachechinaꞌo 17:24

“Aroo alemoonaa bi daggooch beeto bullinon halliti Nuggishoone; showoonaa shimaayoonochi Doonone; ashi kishoo shuuneti yaafee kexooch beetaache.