Isiyaasi 65:6 - Kafa Linguistics Project

⁶ Ebiyoche, ta aafooch kooreetone; cikki qayaachemmo taane; boonoshich qoccemmo taane; boonoshi shuunoommon boonoshich shuunemmo taane” iye.

Isiyaasi 65:6 ပူးပေါင်းရင်းမြစ်များ

Shoddo 107:17

Ikkikkeenaꞌo boonoshi hukkee naboona mullaalleenaꞌo tuneheete; boonoshi axaaxee naboonoo xuuxeheete.

Shoddo 109:14

Bi qaabbechinaꞌochi axaaxoo Doono Yeeri aafoochaa gabeebe; bi indeechi axaaxoo batteyaaye.

Shoddo 50:21

Ebi bullin ne tuniitaa cikkaa ta qajjetoyich, taan neenna shaahiyaꞌa gabihine. And illa neen kaaremmo taane; ne aafoochaa neen ittibatemmo taane.

Shoddo 50:3

No Nuggishoo woyemmone; cikki qayaachemmone; michiibeeti qaaqqoo bi aafooch beetone; giidechi yuboo bi guudoona beetone.

Shoddo 56:8

Ta yallyallimee yemeenoon haddihine; ta acimoonoo ne qiicooch kotiihine; eboshin koberaa yechehine.

Shoddo 79:12

Ta Doonocho, no giyeenaꞌo neen boonoshi hoxetoyich, shabaatte kishoon boonoshi toommooch wochibe.

Keyo 17:14

Ebiyee gubb, Doono Yeeri Muusin “Ebi mooyo bulli aaboon shalligee bi beeyemmoyich, macaafooch kooribe. Showee toommooch beeti asho koniyoona Amaleeqeenaꞌochi shigoon bi shalligaachemmoyich, boonoshin ciroona hidi aalliyemmo ta tunoon Yaasich waayiiree shemmebe” iye.

Isiyaasi 26:21

Showee toommooch beeti asheenaꞌon, boonoshi axaaxoyich naxeya, Doono Yeeri bi xaaꞌoochee woyemmone; showoo bi toommooch ufeti damoon kichemmone; bi toommoochaa wuxeetinaꞌon aachaachemmone.

Isiyaasi 3:11

Boonoshi shuunetoommo boonoshich shuuneyemmo bi tunetoyich xuꞌechinaꞌoyich woowo! Aallo boonoshich woyemmone.

Isiyaasi 42:14

Doono Yeeri ishichiye: “Meeti yemeenoon cikkito taane; haaꞌiyaa cikkaa qajjeto taane; tunebaani and, maaxoo manjeti maachechoommon cookemmo taane; kaami kaama kachaabeeto taane.

Isiyaasi 59:18

Boonoshi shuuni shuunoommon boonoshich qoccemmone; bi etteenaꞌo toommooch naxoon, bi shixechinaꞌo toommoochoo kaaroon kindiyemmone; baharee gasheexi buure showeexinaꞌoyichoo boonoshi shuunetoommon shuunemmone.

Isiyaasi 64:12

Doono Yeero, ebi mooyinaꞌon haaꞌiyaa cikkaa qajjenne? Cikki qayiichi noon kupphiiree naxeshiye ne beeyemmo?

Isiyaasi 66:6

Katemoochaa cookee beeton waayebote. Yaafee kexoochaa cookee beeton waayebote. Ebiyoo Doono Yeeri boonoshi shuunetoommon bi etteenaꞌo toommooch bi shuunetoyich waayeebeeti qaaroone.

Erimiyaasi 16:18

Ta showoon ciigiiti, dubenoommi boonoshi nuggisheenaꞌona boonoshi eeꞌitoyich, ta iristoon eeꞌeti mooyona boonoshi ceechitoyich, boonoshi xuꞌoonaa boonoshi axaaxoonochi gutte kishoon boonoshich qoccemmo taane” iye.

Hiziqeeli 11:21

Tunebaani boonoshi mulloona ciigiitonaa eeꞌe mooyonon dabbitinaꞌon boonoshi shuunoommon boonoshich qoccemmo taane” iye Nuggishoo Doono Yeeri.

Hiziqeeli 22:31

Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.

Hiziqeeli 9:10

Tawoo boonoshich ayini ariqqeyaachemmo taane; boonoshi tuniitoommon boonoshi toommooch tuniyemmo taane” iye.

Yoꞌeeli 3:4

“Xiroos, Sidoon, wotta Filsixeemee woraafeenaꞌooch beeti asheenaꞌote, aabichiiniye ittoshi beeto? Ta toommooch nichoon kichiya qaawii beetote? Ebi tunegaata, kaateree afaafinoona ittoshi shuuneton ittoshi toommooch shuunemmo taane.

Milikiyaasi 3:16

Ebiyooba Doono Yeerin shattii beetinaꞌo boonoshinaa boonoshina yibbaateheete; Doono Yeeriyoo elleꞌi, boonoshi yibbaatoon waayehe. Doono Yeerin shattii beetinaꞌo, bi shigoonoo oogii beetinaꞌo shalligeyemmi macaafo bi aafoochaa kooreehe.

Luqaasi 6:38

Imbote; ittoshi immitoyee beshoon ceennii beshiꞌi aphireton Yeeri ittoshich degi ceechiree immemmone. Ittoshi qeellee beetoommon Yeeri wochiree ittoshich qeellemmone” iye.

Yibbaatoo 32:34

“Doono Yeeri ishichiye: ‘Ebi mooyon ta maacooch yecheto taane; ta mazgabooch kooree kotetone.

Yaaꞌoo 20:12

Qititinaꞌo, gishiisheenaꞌonaa ogoogeenaꞌona qeechi aafooch neexeꞌi boonoshi beetaa beeggeho; macaafeenaꞌo gaxxeeheete; wotta bare macaafo gaxxeehe; aroo kashee macaafoone. Qititinaꞌoyich macaafeenaꞌooch kooreetoommon boonoshi shuuni shuunoommona boonoshi toommooch nalleehe.