Isiyaasi 65:2 - Kafa Linguistics Project

² Boonoshi mullee daaggoona hammiibeeti, gonde gommona hammiibeeti, hukkechi asheenaꞌoyich, heeyo bullin ta kishoon yaggiyoye.

Isiyaasi 65:2 ပူးပေါင်းရင်းမြစ်များ

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Shoddo 36:4

Bi qeenoochaa gondoon gabiye; gaaweyaani gommo waan wottehe; gonde mooyon shixaache.

Shoddo 36:5

Doono Yeero, ne shoodo shimaayooch beddaahaa, ne gibeneyoo gumooch beddaahaa shaggitone.

Shaahiyoo 1:24

Ta ceegiyooba waayemmon ittoshi qajjitoyich, ta kishoon ta yaggiyooba koniyoona aaxxiyoo bi qajjitoyich,

Shaahiyoo 16:29

Xuꞌechi asho bi giyoon dawushiye; gonde gommoochoo daammiye.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 1:23

Ne ukkireenaꞌo hukkechinaꞌonaa gaayeenaꞌochi nuucheenaꞌonane; boonoshi bulliyoo xuccoon shunniyeete; aafee ciichiyoonoo oogichii qaawiyeete; nihaalleenaꞌoyich neexeyaacheete; xuume maacheenaꞌo mooyon waayeyaacheete.

Isiyaasi 30:1

Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Isiyaasi 30:9

Ebiyoo hukkechi asheenaꞌo, koote bushiisheenaꞌo, Doono Yeerichi qociyoon waayo qaawaaneenaꞌo boonoshi tunetoyichiye.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 55:8

Doono Yeeri ishichiye: “Ta gaboo ittoshi gaboommo, ta gommoo ittoshi gommoommo toonoone.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Isiyaasi 66:18

Boonoshi shuunoonaa boonoshi gaboonon ta ariyaa beetoyich, aageteenaꞌonaa baribare noonoona yibbaateebeeti asheenaꞌonon kicoyich woyemmo taane; boonoshiyoo waaree ta oogoon beeggemminaꞌone;

Isiyaasi 66:3

“Taach gattoon guuriibeeto ashoon guurii beetoommone; bagee baaddoon deejjiibeeto kunaanee qettoon qimii beetoommone; maayi buuroon giddiibeeto gudichi damoon giddii beetoommone; shalligichee ixaanoon shookkiibeeto shahalloon galletee beetoommone. Eboshi boonoshi hajjee gommon kaacona boonoshi eeꞌe mooyona emiriyeete.

Isiyaasi 66:4

Ta ceegaa koniyoona wochoo bi qajjitoyich, ta yibbaatetaa elloon boonoshi qajjitoyich, ta aafoochaa gonde mooyon boonoshi tuniitoyich, ta emiraanee mooyon boonoshi shunnitoyich, iritoo boonoshi toommooch shaggemmoyich tuniyemmo taane; boonoshi shattiti mooyon boonoshi toommooch deebemmo taane” iye.

Erimiyaasi 18:12

Tunebaani boonoshi ‘Ebi duuboone; no gaboon dabbemmo noone; no bulli babbere gonde no gaboommona tuniyemmo noone’ gettemminaꞌone” iye.

Erimiyaasi 3:17

Ebiyooba Yerusaalemi Doono Yeerichi Taatee Qeeni, getaa ceekkemmine; aageteenaꞌo bulla arooch Doono Yeeri ta shigoon oogiyoyich Yerusaalem kiceyemminaꞌone; ebiyee bekk babbereree gonde boonoshi gaboo waan wotteyaachemminaꞌone.

Erimiyaasi 4:14

Yerusaaleme, ne wodemmoyich ne mulloon gonde mooyoochee mayi xalliibe. Ne gonde gaboo ne waan bi beeyemmo aati wottooniye?

Erimiyaasi 5:23

Tunebaani ta asho ittoshich babbere wottoo hukkechi mullo beetone; ta gommon qajjiꞌi badd hammito ittoshine.

Erimiyaasi 7:24

Tunebaani boonoshi mullee gonde gaboonaa babberittinoona hammiyeete; aaf tuneyaanoon gubb hammiyeetani waayeyaaneenaꞌone; boonoshi waamon ta waan gaꞌiyaaneenaꞌone.

Haddoo 15:39

Ebi caappeenaꞌo shalligicheenaꞌo boonoshi tunetoyich, boonoshin ittoshi beegiyooba Doono Yeeri ta getoon shalligi quyemmo ittoshine. Ittoshi mullo qaatitonaa ittoshi aafo beeggitonon dabbi hamaachemmo ittoshine.

Maatiyoosi 15:19

Mulloochee kechii beetinaꞌo, gonde shalligoo, wuxoo, shunee mamo, yahoo, gaayo, kootee miixo, oono eboshine.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Roomi 10:21

Tunebaani Israꞌeeleenaꞌochon, “Yeeri ‘Maaddoochee xum beddaahaa taach deꞌa getaani hukkechi asheenaꞌoyich ta kishoon yaggiyoye’ itone” iye.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

Yibbaatoo 29:19

“Ebiyoommi asho ebi wogee qaaroon waayeꞌi, bi qelloon diireeton shaahii ciinona, ‘Ta mullee manjoona ta hammetaanona, bulli mooyo taach kaamee beetone’ geti gabemmone. Ebiyoo gondoonaa deꞌoonon ikkochiree ittoshi bullin aalliyemmone.

Yibbaatoo 31:27

Am shaahe hukkechonaa babberoona ittoshi gaata ariibeeto taane. Ebiyoche, and kashoona ittoshina tookkaa ta beetaa, hanaach Doono Yeeri toommooch hukkoon tiijjito ittoshine. Illa ta qitiichaa aabichehe!

Yibbaatoo 9:7

Muusiyoo daakkiꞌi ishichiye: “Barahoochaa ne Nuggishoo Doono Yeeri shine bi kaaremmoyich am shaahoon ne tuniito gaata shalligibe. Ebin batteyaahine. Gibitsee kechaꞌa hiniich ne shaggemmi wottoon, Doono Yeeri toommooch hukkoon tiijjito neene.