Isiyaasi 65:13 - Kafa Linguistics Project

¹³ Ebich Nuggishoo Doono Yeeri ishichiye: “Ta guuninaꞌo maayemminaꞌone; tunebaani ittoshi shaacemmo ittoshine; ta guuninaꞌo uchemminaꞌone; tunebaani ittoshi shachewemmo ittoshine; ta guuninaꞌo emiremminaꞌone, tunebaani ittoshi yeellemmo ittoshine;

Isiyaasi 65:13 ပူးပေါင်းရင်းမြစ်များ

Shoddo 34:10

More daahereenaꞌo boonoshi maayemmon mucceꞌi shaacoon hakkiyeete; tunebaani Doono Yeerin qaawii beetinaꞌo amoonolla mucceyaacheete.

Shaahiyoo 13:25

Cadiqo bi qettee wottoon maahe; tunebaani gonde asho shaacaa beehe.

Isiyaasi 1:19

Deꞌa iꞌi ta getoon ittoshi waayegaata, showoochee daneebeeti gaawe maayoon maayemmo ittoshine;

Isiyaasi 41:17

“Girechinaꞌonaa iritechinaꞌona aacon mucceheete; aacon qaawii mucceꞌi, shachewoona boonoshi heciyoo shuuqqiye; Doono Yeeri ta, boonoshi qolloon waayemmo taane; Israꞌeelee Nuggishoo ta, boonoshin dufaachemmo taane.

Isiyaasi 41:18

Shuuqqiti geppeenaꞌoochee aaco, bambeenaꞌo daggoochee aachi xuupho, kechemmoyich tuniyemmo taane. Barahoon aachi gejjoon, baggiti showoonoo aachi tunoon, tuniyemmo taane.

Isiyaasi 42:17

Shahalleenaꞌon gibenee beetinaꞌo, misileenaꞌon ‘Ittoshi no nuggishoo ittoshine’ ii beetinaꞌo yeelleree, gubb wottemminaꞌone” iye.

Isiyaasi 44:11

Ebiyoommi misiloyich goyinneebeeto bulli yeelle ceellemmone; shahalloon shuunee beetinaꞌo asheenaꞌone; eke boonoshi bulli ikkooch kiceeree neexebeete; bulliyona keqqemminaꞌone; ikkittinoona yeelleminaꞌone.

Isiyaasi 44:9

Shahalleenaꞌon shuunee beetinaꞌo bulli duubeenaꞌone; boonoshi aaxxiibeeti mooyinaꞌoo gaacaalleenaꞌone; boonoshi miixeenaꞌo ciinaacheete; amoonolla ariyaacheete; ebich yeellemminaꞌone.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 5:13

Ebich ta asheenaꞌo ariyoon boonoshi muccetoyich kecaa hammemminaꞌone; boonoshi ukkireenaꞌo shaacoona qitemminaꞌone; asheenaꞌochi heciyoo shachewoona shuuqqemmone.

Isiyaasi 50:11

Qaaqqoon shookkiꞌi conjiibeeti ceechoon yechitinaꞌote, ebi ittoshi shookkiti qaaqqee bekkoona ittoshi ceechiti qaaqqee conjoona, shaꞌebote. Ta kishoochee ittoshi deqqemmi mooyo beetone; qaakkeree yangeyemmo ittoshine.

Isiyaasi 61:7

Ittoshi yeellee qoodoon gutte kishoon danemmo ittoshine; ittoshi cooneyee qoodoon ittoshi qoodoona emiremmo ittoshine; ittoshi showoochaa gutte kishoon woraashemmo ittoshine; bulli aabee emiroo ittoshich tunemmone.

Isiyaasi 62:9

Tunebaani qeccitinaꞌo aroon maaree, Doono Yeeri taan galletemminaꞌone; kicitinaꞌo aroon ta yaafee kechi addibaaboochaa uchemminaꞌone” iye.

Isiyaasi 66:14

Ebin ittoshi beegiyooba ittoshi mullo emiremmone; ittoshi shaawusho mocoochoommon nollemmone; Doono Yeerichi kishoo bi guuninaꞌona tookkii tuno arichemmone; bi kaaro bi etteenaꞌo toommooch tunemmone.

Isiyaasi 66:5

Doono Yeerichi qaaroon shattii beetinaꞌote, bi qaaroon waayebote: “Ittoshin shixxiibeeti, ta shigoyich ittoshin yookkiibeeti ittoshi maneenaꞌo ‘Ittoshi emiroon no beeggemmoyich, eke Doono Yeeri bi oogoon bekkiibe’ itinaꞌone; tunebaani yeellemminaꞌo boonoshi qelloona boonoshine.

Isiyaasi 8:21

Boonoshiyoo xuuxebee, shaacebee showee toommooch yallyallimemminaꞌone; shaacoochee tiyitona ippoona kaama ciinibee boonoshi taatoonaa Nuggishoonon uppemminaꞌone.

Erimiyaasi 22:22

Ittoshi qiddeenaꞌo bullin yongo daammemmone; ittoshina tookkii shunoon maa beetinaꞌo kecaa hammemminaꞌone; ebiyooba ittoshi gondo bullich yeellemmo ittoshine; cooneyemmo ittoshine.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Hosee'i 4:10

Bare nuggisheenaꞌon dabboona taan boonoshi qajjitoyich, maayemminaꞌone; tunebaani miyaachemminaꞌone. Yahemminaꞌone; tunebaani shiijje meetaachemminaꞌone” iye.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.