Isiyaasi 65:12 - Kafa Linguistics Project

¹² goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Isiyaasi 65:12 ပူးပေါင်းရင်းမြစ်များ

Isiyaasi 1:16

Macheree ittoshi qelloon xalliibote; ittoshi gonde shuunoon ta aafoochee wokkiibote; gondoon shuunoon qayote.

Isiyaasi 1:20

tunebaani qajje iꞌi ittoshi hukkegaata goraado ittoshin maayemmone. Ebin Doono Yeeri ta, ta noonoona getteto taane” iye.

Isiyaasi 10:4

Qoppeenaꞌo daggooch gutenoyee, guureetinaꞌo daggooch dihoyee besh, ittoshich echeto amolla aalloone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 3:25

Ittoshi asheenaꞌo goraadoona, ittoshi ginee anaaminaꞌoo koyoochaa dihemminaꞌone.

Isiyaasi 34:2

Doono Yeeri aagetoo bullin kaaretone; kupphe bi kaaro boonoshi ginee naayinaꞌo bulli toommooch kinditone; ciroona boonoshin aalliyemmone; boonoshin guureyoyich beshiiree immemmone.

Isiyaasi 34:5

Ta goraado bi digaayemmi wottoon shimaayoochaa uchitone; Edoomeenaꞌo toommooch, aallebeete ta iti asheenaꞌonochi toommoochoo nalliya kindemmone.

Isiyaasi 34:6

Doono Yeeri Botsiraa deejjoon, Edoomaa oogeti meechi bashoon bi qanniitoyich, Doono Yeerichi goraado damoona muureetone; awuyonoo michitone. Deejjee bagee baaddoonaa emmishoonochi damoon, ooge bagee baaddoochi yeyitee awuyonoo michitone.

Isiyaasi 41:28

Ta ciinnemmona ikkolla aallehe; boonoshi daggooch boyoon hakkito aalloone; ta echeti echoon wochito aalloone.

Isiyaasi 50:2

Ta waahooba asho amoyich arooch aallehe? Ta ceeggiyooba amoyich eekkemmo koniyoona aallehe? Shiwoyich ta kishoo qaminone? Woyee wodiyoyich hakkoo taach aalletenane? Ta noggegaata baharo shuuqqiye; aacinaꞌonoo barahoo tuniihoye; haasheenaꞌo aacon mucceree shaaqqemminaꞌone; shachewoonoo qitemminaꞌone.

Isiyaasi 59:15

Iberoo aalletone; gondoochee wokkimmo, bareenaꞌochi kuppee budo tunemmone” iyeete. Doono Yeeri ebin beeggiye; dayinneto aalletoyich ayiniye.

Isiyaasi 63:6

Ta kaaroona asheenaꞌon neexxoye; ta naxoonoo mashiihoye; boonoshi damoonoo showooch ukkiyoye” iye.

Isiyaasi 65:3

Ebi asheenaꞌo ta ciinnaa beetaa, bechee mixo beetoochaa deejjoona, xuubee toommoochaanoo ixaanoon shoohona bulli aaboon taan ippii beetinaꞌone.

Isiyaasi 66:16

Meeno taheto bulli toommooch Doono Yeeri qaaqqoona, goraadoonoo nallemmone; Doono Yeeri meeti asheenaꞌon wuxemmone” itone.

Erimiyaasi 16:17

Boonoshi tuniibeeto bullin beeggaabeeto taane; tayee aashetinaꞌo tooneenaꞌone; boonoshi axaaxolla ta aafoochee aacheeto toonoone.

Erimiyaasi 18:21

Ebich boonoshi bushiisheenaꞌo shaacemmoyich tuniibe; ginooch beshiiree boonoshin imbe; boonoshi mecheenaꞌo bushaalleenaꞌonaa xuumeenaꞌonon tunebeete; boonoshi anaaminaꞌo qitoona aallebeete; boonoshi gurimaasheenaꞌo koyooba goraadoona aallebeete.

Erimiyaasi 34:17

“Ebich Doono Yeeri ta ishichiyoye: Asho bi ikkikkoona bi manoonaa bi xiboonon, gawukkoyich awaajjoo bi qajjitoyich, taach deꞌa getaano ittoshine; ebichoo ta, goraadoon, biiyoonaa shaacoonon ittoshi toommooch awaajjemmo taane. Ittoshi toommooch shaggiti mooyona showee toommeexi taatittino bulli keqqemmoyich tuniyemmo taane.

Erimiyaasi 35:17

“ ‘Ebich Israꞌeelee Nuggishoo, Beshe Mawe Nuggishoo Doono Yeeri ta ishichiyoye: Yihudee showeexi asheenaꞌonaa Yerusaalemi katemooch beeti asheenaꞌo bullinochi toommooch ta getteti gonde mooyo bullin deebemmo taane; ebiyoo boonoshich ta getaa waayo boonoshi qajjitonaa ta ceegaa eekko boonoshi qajjitonoyichiye’ itone gete” iye.

Erimiyaasi 7:13

And ebin ittoshi tuniitoyich, ta gettehooba waayoon ittoshi qajjitoyich, ta ceeggehooboo eekkoon ittoshi qajjitoyich,

Erimiyaasi 7:27

“Ebi qaaro bullin boonoshich gettemmo neene, tunebaani waayeyaachemminaꞌone; ceeggemmo neene, tunebaani neech eekkeyaachemminaꞌone.

Leweenaꞌo 26:25

Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.

Mikiyaasi 5:15

Taach deꞌa gettemmon qajjiti aageteenaꞌo bulli toommoochoo ta kaaree shiixxoon kindiyoona nichoon kichemmo taane” iye.

Zakaariyaasi 7:7

Yerusaalemi bi guudoona beeti bi katemeenaꞌona tookkii diggee gaannaꞌa bi beehooba, Negeebi barahoonaa Shefeeli worebe showoonooch asho koteꞌi beehooba Doono Yeeri ta ebiyee aafi keemechinaꞌona ta getteti qaaro ebi toone?’ itone gete” iye.

Maatiyoosi 22:3

Gaarooch ceekkeetinaꞌon boonoshi kicemmoyich bi wochee bushiisheenaꞌon boonoshi waan daachiihe; tunetaa ceekketi asheenaꞌo womon shunaaneenaꞌone.

Maatiyoosi 22:7

Taatoo ebin waayeꞌi oogichii kaarehe; bi naayinaꞌon daachiiꞌi are wuxitinaꞌon wuxiihe; boonoshi katemoonoo michiihe.

Yowannisi 1:11

Bi asheenaꞌo waan waahe; bi hajjee asheenaꞌo biin qajjiyeete.

Yibbaatoo 32:25

Gurimaasheenaꞌonaa gidiideenaꞌona, gaggereenaꞌonaa geeneenaꞌona, gaddoochaa goraadoona qitemminaꞌone; boonoshi kexoochaa keqqoona qitemminaꞌone.