Isiyaasi 65:11 - Kafa Linguistics Project

¹¹ “Tunebaani Doono Yeeri taan qajjiti ittoshin, yaafeeti ta guudon batteti ittoshin, Gaadi getteeti nuggishoyich madoo qanniiti ittoshin, Meni getteeti nuggishoyich bacceeti woyinee xoofoon qanniiti ittoshin,

Isiyaasi 65:11 ပူးပေါင်းရင်းမြစ်များ

2 Taateenaꞌo 21:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe. Israꞌeelee taatoo Akaabi tuniitoommon, Baꞌaaloyich deejjee gudoon shuunehe; nuggishee Asheeri misiloonoo neechiye; shimaajji xojjeno bullichoo goyinnee maddehe.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

Shoddo 132:13

Ebiyoo Doono Yeeri Tsiyoonin bi kaaccitoyich, bi beeyi xaaꞌoo bi tunemmoyich bi shunnitoyichiye.

Shoddo 137:5

Yerusaaleme, neen ta battegaata ta qanne kishoo wogibe.

Isiyaasi 1:28

Tunebaani hukkechinaꞌonaa axaaxechinaꞌona ikkittinoona buricemminaꞌone; Doono Yeerinoo qajjii beetinaꞌoo aallemminaꞌone.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 11:9

Yaafeeti ta guudo bulliichaa qaaꞌi iritoon, woyee aalloon shakkiyaachemminaꞌone; aacoo baharooch ceenoommon, showoo bulli Doono Yeerin ariyoona ceennemmone.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 56:7

“Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Isiyaasi 57:13

Ne cookiyooba ne kiciti, shahalleenaꞌo neen wodiibeete; yongo boonoshin daammemmone; kashee hiinno boonoshin aalliyemmone. Ta shoobooch giyito showoon hajjemmone; yaafeeti ta guudonoo woraashemmone” iye.

Isiyaasi 65:25

Okeroonaa bagee baaddoona ikkooch tookki maayemminaꞌone; daaheroo gattoochoommon maayi tulloon qaachemmone; butto dingeroyich maayoon tunemmone; yaafeeti ta guudo bulliichaa qaakko woyee aallo boonoshi toommooch shagaachemmone” iye Doono Yeeri.

Isiyaasi 66:20

Doono Yeerich giddeebeeti buuroochoommon, ittoshi maneenaꞌon aagetoo bulliichee, haresheenaꞌona, baribare gaarinaꞌona, bicereenaꞌona, gaaleenaꞌona, yaafeeti ta guudo Yerusaalem deebemminaꞌone. Ebiyoo Israꞌeeleenaꞌo maayi buuroon xalle qiicoona Doono Yeeri taach yaafee kexooch boonoshi deeboommoniye” iye Doono Yeeri.

Erimiyaasi 17:13

Israꞌeeleenaꞌochi gibeno Doono Yeero, neen qajjiibeeto bulli yeellemmone; neyee barii beetinaꞌo, kashee xuupho Doono Yeeri neen boonoshi qajjitoyich, buttooch kooreeti shigoochoommon aallemminaꞌone.

Erimiyaasi 19:4

Taan qajjiꞌi boonoshinaa boonoshi qaabbechinaꞌona, wottoo Yihudee taateenaꞌo ariyaani bare nuggisheenaꞌoyich ixaanoon shoohona hini xaaꞌoon boonoshi eeꞌitoyich, hini xaaꞌoon xalle ashi damoona boonoshi ceechitoyich,

Erimiyaasi 2:28

“Yihudo, ne nuggisheenaꞌo ne katemeenaꞌoommi meetinaꞌone; ne qellich ne shuuneti ebi ne nuggisheenaꞌo and aayeete? Eke boonoshi hakkigaata tiyiree ne iritee aabooba neen wodiibeete.

Erimiyaasi 7:18

Shimaajji taateyich koshon kachiyoyich, boonoshi bushiisheenaꞌo mixon mittiyeete; niheenaꞌo qaaqqoon shookkiyeete; maacheenaꞌo buddinoon xiriqqiyeete. Taan ippiyoyich bare nuggisheenaꞌoyich uyee buuroon ukkiyeete.

Yibbaatoo 32:17

Nuggisheenaꞌo tuneyaani yinneenaꞌoyich, ittoshi ariyaani nuggisheenaꞌoyich, katinoon ittoshi ariiti dallaaweenaꞌoyich, ittoshi qaabbechinaꞌo goyinneyaani nuggisheenaꞌoyich, deejjoon giddiihote.

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,