Isiyaasi 64:7 - Kafa Linguistics Project

⁷ Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Isiyaasi 64:7 ပူးပေါင်းရင်းမြစ်များ

Iyoobi 10:9

Nuuqqee qiicoochoommon taan ne shuunoon batteyaahine; and taan wochiree buttoon tuniyane ne iyaabeeto?

Iyoobi 8:4

Ne bushiisheenaꞌo Yeerin boonoshi xuqqitoyich, bede naxoon boonoshi toommooch deebitone.

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 14:4

Koshon mamoommon ta asheenaꞌon maabeeti, Doono Yeeri ta waan corootii ariyaani, gondoon shuuneebeeti ebi asheenaꞌoyich, ariyoo aalloone?

Keyo 32:12

Gibitseenaꞌo ‘Guudinaꞌo toommoochaa boonoshin wuxiya, showee toommoocheenoo boonoshin ciroona aalliiya gabiiniye, boonoshin bi kichito’ getiree, amoyich geteeta? Kupphe ne kaaroochee wottebe. Ne asheenaꞌo toommooch kindiiya ne gabiti mooyon qaye.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 27:5

Ebi tuno qayigaata, taan deebo yesheete; taanna tookki diggoo hallibeete; taanna tookki diggoo hallibeete” iye.

Isiyaasi 45:9

“Biin shuunetona tookkii kaaree beetoyich woowo! Aroo nuuqqee qiicoommone; nuuqqoo biin hacheton, ‘Amooniye ne shuuneebeeto?’ Woyee ‘Neech kishoo aalloone?’ gettehe?

Isiyaasi 50:2

Ta waahooba asho amoyich arooch aallehe? Ta ceeggiyooba amoyich eekkemmo koniyoona aallehe? Shiwoyich ta kishoo qaminone? Woyee wodiyoyich hakkoo taach aalletenane? Ta noggegaata baharo shuuqqiye; aacinaꞌonoo barahoo tuniihoye; haasheenaꞌo aacon mucceree shaaqqemminaꞌone; shachewoonoo qitemminaꞌone.

Isiyaasi 54:8

Oogichii kaaroona giisheche aaboon, ne waanee ta aafoon bara wochito taane; tunebaani bulli yemeenee shunoona neech ariqqemmo taane” iye neen Biishechi Doono Yeeri.

Isiyaasi 56:4

Doono Yeeri ishichiye: “Ta shambetoon oogiibeeti, taan emirikkiibeeti mooyon tuniibeeti, ta wogoonoo ceechiibeeti guruusheenaꞌoyich,

Isiyaasi 57:17

Gonde bi woddellittinoyich biin kaarehoye; biin naxaꞌa, kaaroona ta aafoon bi waanee badd wochiyoye; tunebaani gubb wotteꞌi bi gaba hammiye.

Isiyaasi 59:16

Ebi xukketinaꞌon gaachemmi asho ikkolla aallo tunoon beeggiꞌi worganehe; bi hajjee mochoo wudoon deebiye; bi cadiqoo biin deggii yechiye.

Isiyaasi 59:2

Tunebaani ittoshi xuꞌo ittoshinaa ittoshi Nuggishoonochi daggooch barbarittinoon gedditone; ittoshi axaaxoo bi aafoon ittoshi waanee bi wochemmoyich tuniitone; ebich ittoshi qolloon waayeyaache.

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Isiyaasi 63:16

Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.

Erimiyaasi 9:7

Illa ebich, Beshe Mawe Doono Yeeri ishichiye: “Xuuroo wociyoommon boonoshin wociyemmo taane; boonoshin phiremmo taane; ta asheenaꞌochi xuꞌoyich, ebiyee besh amoon tuniibote?

Hiziqeeli 22:30

“Showoon ta aalliyaachemmoyich, uxeroon wochi uxeremmi, tiishetoochaa ta aafooch neexemmi ashoon boonoshi daggooch qaawiyoye; tunebaani daneyaano taane.

Hiziqeeli 24:11

Aroochee ebi xuuree shexxoon gecheti qaaqqooch ne kotiitaa gaamiree bi xuuroo ceellebe; ebina bi kiino woccemmo, bi oshero miccemmo tunemmone.

Hosee'i 5:15

“Boonoshi xuꞌoon boonoshi ariimmi wottoon, taan boonoshi qaawimmi wottoon, ta xaaꞌooch wotte hammemmo taane. Boonoshi iritee aabooba taan kupphii qaawemminaꞌone” iye.

Hosee'i 7:14

Mulloochee tiijjiꞌi ta waan cookaacheete. Tunebaani boonoshi qeenoochaa eeppiyeete. Boonoshi kiceebeeto maayoonaa woyinee uyoonoyichiye. Ta toommoochoo hukkoon tiijjiyeete.

Hosee'i 7:7

“Bulliyona gudoochoommon gaamitinaꞌone. Nallii boonoshin qeejjii beetinaꞌon michitinaꞌone. Boonoshi taateenaꞌo bulliyoo qititinaꞌone. Boonoshi daggoochee ta waan cookito koniyoona aalloone” iye.

Milikiyaasi 1:6

Beshe Mawe Doono Yeeri ishichiye: “Ta shigoon giishiibeeti qeesheenaꞌote, bushoo bi nihoon, guuno bi doonon oogii beetone. Ta, ittoshi nihoo taane; ishigaata amoyich taan oogiyaachote? Ta ittoshi doono taane; ishigaata amoyich taach shataachote? “Tunebaani ittoshi ‘Aabichaꞌa ne shigoon giishiihone?’ iyote.

Milikiyaasi 2:10

No bulliyona ikke Nihoochi bushiishoo toono noone? Noon hallito ikke Nuggishoo toone? Ishigaata, noonnaa noonna gibeneyee qayona, Yeeri no qaabbechinaꞌona tookkii giyiti wogoon no happaabeeto amoyichiye?