Isiyaasi 64:3 - Kafa Linguistics Project

³ Ebiyee aaf waaꞌa, tunemmone iyaꞌa no gabaani, oogeton shattiiti mooyinaꞌon ne tuniihooba, guudinaꞌo neen beeggiꞌi shatona qewetinaꞌone.

Isiyaasi 64:3 ပူးပေါင်းရင်းမြစ်များ

2 Saameeli 7:23

Ne hajjee asheenaꞌon tuniyoyich guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogeti, worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.

Shoddo 106:22

Kaamee showoochaa worganikkiti mooyon tuniiton, Ceelle baharoochaa keqqichiti mooyon tuniiton, batteheete.

Shoddo 66:3

Yeerin “Ne shuunoo am shaahoon worganikkitone! Ne hakkoo oogeto bi tunetoyich, ne etteenaꞌo ne aafooch waagwaagiyemminaꞌone.

Shoddo 66:5

Yeeri tuniiton waaree beegote; asheenaꞌo daggooch worganeeti bi shuunoo shattiitone.

Shoddo 68:8

Siini Nuggishoo Yeeri aafooch, Israꞌeelee Nuggishoo Yeeri aafooch, showee shuuriyan; shimaayeenaꞌoo amiyon dudiiheete.

Shoddo 76:12

Yeeri geecechi iraasheenaꞌon giishiihe; showee toommeexi taateenaꞌo biin shattiyeete.

Keyo 34:10

Aroochee Doono Yeeri Muusich ishichiye: “Israꞌeeleenaꞌona tookki wogoon giyemmo taane. Ebiyee aaf showee toommo bulliich, ameexi aagetoyichona aricheyaani, worganikkiti mooyon ne asheenaꞌo bulli aafooch tuniyemmo taane. Boonoshi daggooch ne beeti hini asheenaꞌo, Doono Yeeri ta neenna tuniyaabeeti shuunoo am shaahoon shattiibeeto gaata beeggemminaꞌone.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 64:1

Abo shimaayoon keexiree kindishoo geta! Guudinaꞌoo neen ciiniree qeweshoo geteeta!

Imbaaqoomi 3:3

Yeeri wochinnoon Temaanee showoochee, Yaafe Yeeri, Faraani geppoochee waa beetone. Bi oogee yiiroo shimaayoon kaappitone; biin naadoo showoo bulliich ceennitone.

Imbaaqoomi 3:6

Bi neexemmona, showoo shuuriye; bi ciinnimmona aagetee asheenaꞌo qeweheete. Wonna tiijjiꞌi bi gommo tuneti, bulli aaboon beeti guudinaꞌo yiikkeeheete; geppeenaꞌo dugilla koonniyeete.

Yibbaatoo 10:21

Biin naadibe. Biyoo ne Nuggishoone. Ne aafoona ne beeggeti, ebi are giidechonaa shattiitona tuneti mooyon neech tuniitone.