Isiyaasi 64:10 - Kafa Linguistics Project

¹⁰ Ne yaafe katemeenaꞌo barahoon tunetinaꞌone; Tsiyooniyoo barahoo tunetine; Yerusaalemi tiishaa aalletine.

Isiyaasi 64:10 ပူးပေါင်းရင်းမြစ်များ

2 Taateenaꞌo 25:9

Aroochee Doono Yeerichi yaafee kexonaa taatee kexonon michiye. Yerusaalem beeti ogoogeenaꞌo kexo bullinaa bare kexo bullinon michiye.

1 Kiinoo 23:5

awudda humoon kellechinaꞌo, wotta awudda humoon aroyicha iꞌi bi qanniiti shoddee qiicoona Doono Yeerin galletechinaꞌo tuniihe.

Isiyaasi 1:7

Ittoshi showoo ashaallo tunetone; ittoshi katemeenaꞌo qaaqqoona miccitinaꞌone; ittoshi ciini beetaa maachi asheenaꞌo ittoshi showoon boggemminaꞌone; bulli mooyon aalliiree shokko echiyemminaꞌone.

Isiyaasi 48:2

‘Yaafe katemee asho noone; bi shigo, Beshe Mawe Doono Yeeri tuneti, Israꞌeelee Nuggishoon gibeneebeeto noone’ ii beetinaꞌote, waayebote:

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 6:11

Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.

Isiyaasi 63:18

Giisheche aaboyich yaafeeti ne asheenaꞌo yaafeeti ne xaaꞌoon hajjitinaꞌone; tunebaani and no etteenaꞌo aroon koteheete.

Erimiyaasi 52:13

Aroochee Doono Yeerichi yaafee kexonaa taatee kexonon michiye. Yerusaalem beeti ogoogeenaꞌo kexo bullinaa bare kexo bullinon michiye.

Shoosho 1:10

Aaxxe bi qiico bullin, etto hokkii daammiye; ne iitee daggooch boonoshi giyaachemmoyich ne bajjeti aageteenaꞌo, bi yaafee duukkaanooch boonoshi giyaa, beeggahan.

Shoosho 1:7

Yerusaalemi bi xuuxee aabooba, bi yallyallimee aabooboo, wonnee bi oogoon gabiyan. Yerusaalemi bi etteenaꞌo kishooch dihiyooba, biin gaachemmo aallehooba, bi etteenaꞌo bi dihoon beeggiꞌi diigii cooneheete.

Shoosho 5:18

Ebiyoo Tsiyooni guudo qixeetoyich, boqqelleenaꞌoo arooch kuufaareetoyichiye.

Daaneeli 12:7

Aacoyee tookk beeti, muttee tuppoochee shippeti tahoon taheti ebi maraakoo bi gutte kishoon shimaayooch tiijjiꞌi, “Ebi keejje nattaa qatooch ceennemmone. Yaafeeti asheenaꞌochi giidoo ciirehooba, ebi mooyo bulli ceennemmone” iꞌi, bulli yemeenoon beeyecho tuneti Yeerichi shigoon ceeggii bi wogaa beetaa waayeho.

Mikiyaasi 3:12

Ebich, ittoshi naboona Tsiyooni budo gocheyoommon gocheyemmine; Yerusaalemiyoo xaqqee gutoon tunemmine. Yaafee kexo beeti geppoochoo kubbo collemmone.

Haagi 2:3

Haagiyoo “Doono Yeeri ishichiye: ‘Hini kexo ebiyee aaf am shaahe oogee yiirecho gaata beeggiti ashoochee echeto ittoshi daggoochee konine? And amoon tuneꞌi ittoshich bekkeebeete? Ebi and ittoshi ciinnich am bedaano toone?

Luqaasi 21:21

Yaafe Macaafooch kooreeto bi ceennemmoyich eboshi Yeeri Israꞌeeleenaꞌo toommooch nichoon bi kichemmi aabeenaꞌone. Ebich arooba Yihudee showooch beetinaꞌo geppoo beetooch maxxebeete. Are Yerusaalem beetinaꞌo tiyi bara keyeete. Bi guudeexi goyechi gafooch beetinaꞌo are Yerusaalem giyaayeete.

Luqaasi 21:24

Goraadoona qitemminaꞌone; kecceree aagetoo bulliichoo shacemminaꞌone; ebi are boonoshin kecciti Aageteenaꞌochi yemeeno ciiremmi wottoonoo Yerusaalemin yiikkeree neexi hajjemminaꞌone” iye.