Isiyaasi 63:9 - Kafa Linguistics Project

⁹ Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Isiyaasi 63:9 ပူးပေါင်းရင်းမြစ်များ

Halloo 48:16

gonde mooyo bulliichee taan wodiiti Maraakoo, aroo hini bushiishoon diiribe. Boonoshiyoo ta shigoona, ta nihinihoo Abrahaminaa ta nihoo Yisaaqinochi shigoona ceekkebeete; showee toommooch shiijje shiijjere meeteete” iye.

Iyoobi 37:23

Beshe Hakkechi Yeeri oogeti giidecho bi tunetoyich, bi waan katinon hakkaachone; kaamoonaa cadiqoona bi tunetoyich, koninolla xuꞌaache.

Shoddo 25:22

Yeero, xuuxo bulliichee, Israꞌeelin wodiibe.

Shoddo 78:38

Ebi tunetaanoona bi boonoshich ariqqehe; boonoshi axaaxoon maariyani boonoshin aalliyaanoone. Bi kaaroon meeti aaboon shuuchehe; kupphe bi kaaro bullin kindiyaanoone.

Keyo 14:19

Aroochee Israꞌeeleenaꞌo bullichi aaf hammiibeeti Yeerichi maraakoo wotteꞌi, boonoshi gubb beshehe; ebiyoommon wotta giimboommi qubo boonoshi aafee guuddii besheꞌi boonoshi gubb neexehe.

Keyo 15:13

“Ne shoodoona ne biisheti ne asheenaꞌon, yaabito neene; ne hakkoona ne biishetinaꞌon yaafe ne beeyi xaaꞌooch yaabito neene.

Keyo 19:4

‘Gibitseenaꞌo toommooch amo ta tuniito gaata, wotta booyo bi bushiishoon bi qoshoona bi shaagoommon, tawoo ittoshin ta waan aabichaꞌa ta deebeto gaata ittoshi, ittoshi qelloona beeggito ittoshine.

Keyo 33:14

Doono Yeeriyoo “Ta neenna tookki hammemmo taane; neenoo kashiyemmo taane” iye.

Keyo 33:15

Aroochee Muusi wochiꞌi, “Noonna tookki hamaachemmo ne tunegaata, hiniichee noon kichiyaahine.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 43:4

Ne, taach aaxxoo, moogeetonaa shuchetona ne tunetoyich, asheenaꞌon ne qoodoyich, aageteenaꞌonoo ne keroyich, beshiiree immemmo taane.

Isiyaasi 48:20

Baabloonee keyote; Kalidee showoochee gooyote; “Doono Yeeri bi guuno Yaaqobin biishetone” geti, ililoona showee toommo bulliich awaajjibote.

Isiyaasi 51:10

Ne biishetinaꞌo beshemmoyich, baharo, ooge aachi duchoo, shuuqqemmoyich tuniito, aachi duchoochoo gommon geddeto ne toono neene?

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Daaneeli 6:22

Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.

Hosee'i 1:7

Tunebaani Yihudee asheenaꞌoyich ariqqemmo taane; boonoshi Nuggishoo Doono Yeeri ta, boonoshin wodiyemmo taane. Boonoshin ta wodiyemmo maꞌoona woyee goraadoona woyee koyoona woyee haresheenaꞌona woyee hareshechinaꞌona toonoone” iye.

Yoꞌeeli 2:18

Doono Yeeri bi showoyich qanaatehe; bi asheenaꞌonoo ariqqehe.

Zakaariyaasi 2:8

Ittoshi achooch shaggimmo ta aafee aachoon kochite getone” iye. Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye:

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 25:45

“Arooba ‘Iberoon ittoshich gettoye: Bulliyee desho tuneti eboshi daggoochee ikkoyichona ittoshi tuniyee qayo taach tuniyee qayone’ getiree wochemmone.

Luqaasi 15:5

Bi danegaata, emiribee bi gogooch shaagiree deebemmone;

Mishiraachechinaꞌo 12:11

Aroochee Pheexiroosi bi mullo yeshaa ishichiye: “Doono bi maraakoon deejjiꞌi, taatoo Heroodisichi kishoochee, wotta Ayihudeenaꞌo ta toommooch gabiti mooyo bulliicheenoo taan bi wodiyoon and xiishaa ariito taane” iye.

Mishiraachechinaꞌo 7:38

Aroo no qaabbechinaꞌona tookkii barahooch kiceeti asheenaꞌo daggooch, wotta Siini guudoochaa biich gettiti maraakoona tookkii beetone. Kasho beeti qaaroonoo nooch imma Yeer waanee deqqito aroone.

Mishiraachechinaꞌo 9:4

Sawuli bekkech showooch dihiichii, “Sawulo, Sawulo! Taan ne duꞌiibeeto amoyichiye?” iibeeti qaaroon waayehe.

1 Qorontoosi 10:9

Boonoshichoommon “Doonon yeshi beegone” gettaayone; boonoshi daggoochee ikkikkeenaꞌo “Doonon yeshi beegone” iꞌi dingeroona qoppeꞌi qitii ciiretinaꞌone.

Yibbaatoo 4:37

Ittoshi qaabbechinaꞌon bi shunnitoyich, boonoshi shiijjereenaꞌo tuneti ittoshin kaacciye. Ittoshina tookkii tuneꞌi bi hajjee giidoona Gibitsee ittoshin kichii deebiye.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 2:18

Yesuusi bi qelloona phireeꞌi xuuxoon bi beeggitoyich, and phireebeeti asheenaꞌon gaachoon hakkiye.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;

Woraaferasheenaꞌo 10:16

Aroochee dallaawe nuggisheenaꞌon boonoshi daggoochee wokkiichii, Doono Yeerich goyinnee maddeheete. Doono Yeeriyoo Israꞌeeleenaꞌochi duꞌoyich oogeton ayiniye.