Isiyaasi 63:7 - Kafa Linguistics Project

⁷ Doono Yeerichi shoodoon, Doono Yeerichi galletoon, Doono Yeeri nooch tuniito bullin, bi ariqqoon, oogeti bi shoodoonoo, Israꞌeeleenaꞌoyich bi deeti deꞌoon, gettemmo taane.

Isiyaasi 63:7 ပူးပေါင်းရင်းမြစ်များ

Efesooni 2:4

Tunebaani Yeerichi ariqqo oogichii bi woddetoyich, noon bi shunniti shunee beshoochee tiyitona

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

Shoddo 51:1

Yeero, ne shoodoommona taan maaribe; ne ariqqee woddoommona ta axaaxoon hidi aalliibe.

1 Taateenaꞌo 8:66

Shimittinnee qemooba, asheenaꞌon wochii daachiihe. Boonoshiyoo taatoon diiriyeete. Doono Yeeriyoo bi guuno Daawitinaa bi asheenaꞌo tuneti Israꞌeeleenaꞌonoyich bi tuniiti gaawe mooyo bullich, oogichii emiriibee boonoshi kexi kexooch wotteheete.

1 Ximootiyoosi 1:14

No Doono Yeerichi wojjoo, Kiristoos Yesuusina noocho tuneti mullee tooꞌiyoonaa shunoona tookkii beshaa besho tuneꞌi taach ichehe.

Roomi 5:20

Wotta xuꞌo woddemmoyich Muusichi Sheeroo daakkeeꞌi ichehe; tunebaani axaaxoo woddehooba, Yeerichi wojjoo beshaa beshoon woddehe.

Zakaariyaasi 9:17

Am shaahoon malletee gaaweheete! Arooch beeti maayoonaa woyinee uyoona, gurimaashe anaaminaꞌonaa maacheenaꞌonon uummiyemmone.

Hosee'i 2:19

“Bulli yemeenoon taach ne tunemmoyich, neen tippemmo taane; cadiqoonaa dayinnetoona, shoodoonaa ariqqoona, neen tippemmo taane.

Shoosho 3:32

bi ayinikkiteenona beshaa beshe bi shoodoona ariqqemmone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 54:8

Oogichii kaaroona giisheche aaboon, ne waanee ta aafoon bara wochito taane; tunebaani bulli yemeenee shunoona neech ariqqemmo taane” iye neen Biishechi Doono Yeeri.

Isiyaasi 51:2

Ittoshi nihoo Abrahamin, ittoshin shiyeti Saarinoo ciinote. Abrahamin ta ceeggiyooba bi ikkeetone; biin diiriyoye; bi yaroonoo meechiyoye.

Shoddo 107:31

Doono Yeerin bi shoodoyich ashi bushiishoyich bi tuniiti worganikkiti mooyoyich, galletebeete.

Shoddo 107:21

Doono Yeerin bi shoodoyich, ashi bushiishoyich bi tuniiti worganikkiti mooyoyich, galletebeete.

Shoddo 107:15

Doono Yeerin bi shoodoyich, ashi bushiishoyich bi tuniiti worganikkiti mooyoyich, galletebeete.

Shoddo 107:8

Doono Yeerin bi shoodoyich, ashi bushiishoyich bi tuniiti worganikkiti mooyoyich, galletebeete.

Shoddo 63:3

Ne shoodo, kashoyee besho bi tunetoyich, ta noonoo neen galletemmone.

Nehimi 9:35

Boonoshi hajjee taatittinoochaa, boonoshich ne deeti deꞌoona boonoshi aafooch ne qanniiti, gamini, qeemi showoochaanolla neech maddeyaaneenaꞌone; gonde boonoshi shuunoochee ne waan wotteyaaneenaꞌone.

Nehimi 9:31

Tunebaani ne, shoodechonaa ariqqechona tuneti Nuggishoo ne tunetoyich, ne ariqqee woddoochee tiyitona boonoshin ciroona aalliyaano neene; boonoshin qayaano neene.

Nehimi 9:27

Ebich boonoshi etteenaꞌo kishooch boonoshin beshiyaꞌa immehine; boonoshi etteenaꞌo boonoshin iritiiheete. Boonoshi iritee aabooba, ne waan cookiyeete. Shimaayoochaa boonoshi cookoon waayehine; ne ariqqee woddoommona boonoshi etteenaꞌo kishoochee boonoshin wodiyemmi wodiyechinaꞌon tiijjihine.

Nehimi 9:25

Xaqqee uxerechi katemeenaꞌonaa qeemi showoonon kochii yechiyeete; gaawe qiicoona ceenniti kexinaꞌon, iicheti aachi oppeenaꞌon, woyinee goyoonaa zayitee mixonon, wotta aafeebeeti wodde mixon deqqiyeete; boonoshi michimmi wottoon maaheete; aangiyeete; oogeti ne deꞌittinoona emiriyeete.

2 Kiinoo 7:10

Shabaattinnee agenee hiyaa keejjinnee qemooba, taatoo asheenaꞌon boonoshi kexi kexooch daachiihe. Doono Yeeri Daawitich, Solomooninaa bi asheenaꞌo tuneti Israꞌeeleenaꞌonoyich bi tuniiti deꞌe mooyoyich oogichii emiriibee hammiyeete.

Maatiyoosi 7:11

Gondo ittoshi tunetaanoona ittoshi bushiisheenaꞌoyich deꞌe mooyon imon ariibeeto ittoshine. Illa shimaayooch beeti ittoshi Nihoo Yeeri biin qollee beetinaꞌoyich deꞌe mooyon am shaahoon beshaa beshiiree immehe!

Keyo 18:9

Yotooriyoo Doono Yeeri Gibitseenaꞌo kishoochee boonoshin wodiyoona, Israꞌeeleenaꞌoyich bi tuniiti gaawe mooyo bullin bi waayetoyich emiriye.

Shoddo 25:6

Doono Yeero, wonna beddaahaa nooch bekkiyaabee ne echeti, ne ariqqoonaa ne shoodoonon gabibe.

Shoddo 92:2

Ne shoodoon maaddoona, ne gibeneyoonoo xumoona awaajjoo gaawetone.

Shoddo 145:7

Beshaa beshe ne deꞌittino getteyemmone; ne cadiqitinoyichoo ooge qaaroona shoddeyemmone.

Isiyaasi 26:13

No Nuggishoo Doono Yeero, neyee bare dooninaꞌo noon hajjitinaꞌone; tunebaani no, ne shigoon baach oogiihone.

Isiyaasi 54:7

“Giisheche aaboon neen duppeto taane; tunebaani oogeti ariqqoona neen wochi deebemmo taane.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Isiyaasi 64:5

Ne gommon gabii beetinaꞌon, emiroona tate mooyon tunii beetinaꞌonoo gaachaabeeto neene; tunebaani no axaaxoon shuunoon kuxaache iyone; newoo ebich noon kaarehine; ishigaata no wodemmo aabichireeshiye?

Shoddo 103:2

Ta kasheene, Doono Yeerin diiribe! Bi gaacoonoo batteyaahine.