Isiyaasi 63:1 - Kafa Linguistics Project

¹ Edoomee showooch beeti Botsiri katemoochee ceelle tahoon taheꞌi ebi waabeeto konine? Oogoon taheto, bi giidoona shaaddeebee waabeeto ebi konine? “Cadiqo, giidechi Wodiyecho tuneti, taane.”

Isiyaasi 63:1 ပူးပေါင်းရင်းမြစ်များ

Halloo 36:33

Belaahi qititoyee gubb, Botsiree asho Zaarichi bushoo Yobaabi bi xaaꞌooch kereeꞌi taatehe.

Halloo 49:11

Bi kuroon woyinee indooch tippemmone; kuree bushoonoo gaawe woyinee qombooch tippemmone; bi tahoon woyinee uyoona, bi gaaboonoo woyinee aafee hiicoona, machemmone.

1 Kiinoo 1:44

Belaahi qititoyee gubb, Botsiree asho, Zaari bushoo Yobaabi bi xaaꞌooch kereeꞌi taatehe.

Shoddo 108:13

Yeerina wudoon danemmo noone; biyoo no etteenaꞌon dech kotemmone.

Shoddo 137:7

Doono Yeero, Yerusaalemi yechehooba, Edoomee asheenaꞌo “Happibote, happibote!” boonoshi iton batteyaahine!

Shoddo 65:6

Ne giidoona guudinaꞌon manjiito neene; hakkoonoo ginee qiicoochoommon cuyeto neene.

Solomooni 3:6

Hareboonaa ixaanoona, giixechinaꞌochi cinnechi qimaamo bullina qanniti shittoona cinneebee, cufee duulloochoommon duulliibee, barahoochee waabeeto amoone?

Solomooni 6:10

Ebi maaddee bekkoochoommon koojjaabeeti, ageneyoommi phixxaashe, aabee aaxxoommon aaxxaabeeti, baanderoon yechiti ginee naayochoommon bi oogee yiiroo shattiiti, ebi aree konine?

Solomooni 8:5

Bi shiiqqi toommooch teeqqaꞌa barahoochee waabeeti, ebi konine? Appilee michi baatooch ne tokketetoochee neen tiijjiyoye; ne indee neen bi xifeto, maaxoona neen bi shiyeto, ebi aroochaane.

Isiyaasi 11:14

Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.

Isiyaasi 34:1

Aageteenaꞌote, hach gidderee waayebote; asheenaꞌote, ellebote; showoonaa showee toommooch beeto bullina, alemoonaa aroochee daneto bullina waayebeete.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 42:3

Kopheeti shombeqoon tiishaachemmone; taha bedditi ceechoonoo takkaachemmone; tunebaani gibeneeton tuneree ashi yaroo bullich dayinnetoon daniyemmone.

Isiyaasi 45:19

Ta, mandere showoochaa aashoona yibbaateyaano taane; Yaaqobichi yareenaꞌoyich, ‘Duuboon taan qaawibote’ getaano taane; Doono Yeeri ta, iberoon yibbaateho; tate mooyon awaajjiyo.

Isiyaasi 45:23

Cadiqe ta noonoochee qaaro kechitone; ebiyoo shaddeyaachemmone; ‘Gutenoo bulli taach goyinnemmone; heciyoo bulli taanna wogemmone’ iyaꞌa, ta qelloona wogeto taane.

Isiyaasi 9:5

Neexxiibeeti, ginee naayinaꞌochi caammoo bulli, damoona muureeti qoreddoo bulli, qaaqqooch miccemmone; gokkeshoo gettemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 48:24

Qiriyootinaa Botsirinochi toommooch, wohonaa katinoonooch beeti Moꞌabee katemoo bulli toommoochoo nalloo waatone.

Erimiyaasi 49:13

Botsiri wuche getteyemmo, naaggeyemmo, qixeyemmonaa ufo tunemmona bi tunoon taanna wogehoye, iye Doono Yeeri. Bi katemeenaꞌoo bulli aaboon shokkoon echemminaꞌone” iye.

Hiziqeeli 25:12

“Nuggishoo Doono Yeeri ishichiye: ‘Edoomi Yihudee macceenaꞌochi toommooch nichoon bi gaaccitoyich, ebina xuꞌechon tunetone.

Hiziqeeli 35:1

Doono Yeeri taach ishichiye:

Hiziqeeli 38:17

“ ‘Nuggishoo Doono Yeeri ishichiye: Boonoshin kocha neen deebemmo ta tunoon wonnee yemeenooch ta guuninaꞌo tuneti Israꞌeelee keemechinaꞌo wodde naton keemmiti asho ne toono neene?’ itone gete” iye.

Abidiyi 1:1

Edoomee asheenaꞌochon Nuggishoo Doono Yeeri Abidiyich bekkiiti yaaꞌoo: Wochoon Doono Yeer waanee waayeto noone. Aageteenaꞌo waan wocheyechon bi daachiitaa, “Tibote, Edoomeenaꞌon keyi koyone” itone.

Abidiyi 1:9

Temaani katemeexi ginee anaaminaꞌo keqqemminaꞌone; asho bulli Esayichi guudi toommoochee wuxaa aallemmone.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Milikiyaasi 1:2

Doono Yeeri bi asheenaꞌoyich ishichiye: “Ta ittoshin shunnaabeeto taane” iye. Tunebaani boonoshi “Noon ne shuno aaye?” iyeete. Doono Yeeri ishichiꞌi wochiye: “Esayi Yaaqobichi manoo toone? Tunebaani Yaaqobin shunnaachaa,

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Maatiyoosi 21:10

Aroochee Yesuusi Yerusaalem bi shaggimmona katemeexi asheenaꞌo bulli “Ebi konine?” iꞌi shuuriyeete.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.

1 Pheexiroosi 1:5

Ittoshi mulloon Kiristoosi toommooch ittoshi tooꞌii beetoyich, yemeenee ciirooba bekkeya qanniti wodoyich Yeerichi giidoona quyeeꞌi beeto ittoshine.

Yaaꞌoo 19:13

Damoona muureeti tahoon tahetone; bi shigoo Yeerichi Qaaro getteehe.