Isiyaasi 62:4 - Kafa Linguistics Project

⁴ Illa ebiyee bekk Duppeti getaa ceekkeyaachemmi neene; ne showoo Shokkaachoo Echeto getteyaachemmone; tunebaani Ta Emiroo Arooch Beeti getteyemmi neene; ne showee kenechi tunemmine; Doono Yeeri neenna bi emiritoyich, ne showeyoo Kenechi getteyemmine.

Isiyaasi 62:4 ပူးပေါင်းရင်းမြစ်များ

Shoddo 149:4

Ebiyoo Doono Yeeri bi asheenaꞌona bi emiritoyich, qelloon giishii beetinaꞌoyich wudoon imona oogiibeeto bi tunetoyichiye.

Shoddo 16:3

Showee toommeexi yaafeenaꞌo moogeetinaꞌone; tawoo boonoshina emiraabeeto taane.

Isiyaasi 49:14

Tunebaani Tsiyooni asheenaꞌo, “Doono Yeeri noon duppitone; no Doono noon battetone” iyeete.

Isiyaasi 54:1

“Hini shiyaani xaafeene, shoddebe! Haane maaxoo manjaa ariyaaneene, ne qaaroon oogichiree ililibe! Kenechi ureechi bushiishoyee beshoon, kenaallechi bushiishoo meettitone” iye Doono Yeeri.

Isiyaasi 60:15

“Ebiyee aaf duppeti, shicheti, koniyoona aroona besheyaane, ne tunetaanoona, ta bulli yemeenoon yebeneeti, bushaa bushich emiree, neen tuniyemmo taane.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 62:12

Boonoshiyoo, Yaafeeti Asheenaꞌo, Doono Yeeri Biisheti Asheenaꞌo, getaa ceekkemminaꞌone; newoo, Qaaweyaabeeti, Duppeyaani Katemee, getaa ceekkemmi neene.

Isiyaasi 62:2

Aageteenaꞌo ne cadiqoon, taateenaꞌo bulli ne oogoon, beeggemminaꞌone; Doono Yeeri neen shigiyemmi, andire shigoona ceekkemmi neene.

Isiyaasi 62:5

Gurimaashoo gidiideen shaaggiꞌi bi daamoommon, ne bushiisheenaꞌo ne showoon hajjemminaꞌone; woꞌee keno woꞌeena bi emiroommon ne Nuggishoo neenna emiremmone.

Isiyaasi 65:19

Tawoo ta qelloona Yerusaaleminaa ta asheenaꞌona oogeton emiremmo taane; ebiyee bekk eefo tuneba bunnee qaaroo aroochee waayeyaachemmone.

Erimiyaasi 3:14

“ ‘Hini gibeneyaani bushiisheenaꞌote, ta ittoshi Doono ta tunetoyich ta waan wottebote; ikke katemoochee ikkoon, ikke yaroochee guttoon Tsiyooni guudooch deebemmo taane’ iye Doono Yeeri.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Hiziqeeli 36:35

Asheenaꞌoo ‘Shokkoon echeti showoo Eden bechee xaaꞌoommon tunetone; happeeti, shokkoon echeti, aalleti katemeenaꞌo mishigechi beeyi xaaꞌoon tunetinaꞌone’ gettemminaꞌone.

Hosee'i 2:21

Arooba ta, shimaayoyich wochemmo taane; shimaayoo showoyich wochemmone; showoo maayoyich, woyinee uyoonaa zayitoonoyich wochemmone; boonoshiyoo Yezireelich wochemminaꞌone. Ta asheenaꞌon showee toommooch bechemmo taane; ‘Ariqqeeyaaneenaꞌo’ getteetinaꞌon ariqqemmo taane; ‘Ta asheenaꞌo toono ittoshine’ getteetinaꞌon, ‘Ta asheenaꞌote’ gettemmo taane. Boonoshiyoo ‘Ne, no Nuggishoo neene’ getteminaꞌone” iye Doono Yeeri.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Milikiyaasi 3:12

Ebiyee bekk ittoshi showoo emiree showoo tunemmo bi tunetoyich, aageteenaꞌo bulli ittoshin diireetinaꞌo geti ceeggemminaꞌone” iye Beshe Mawe Doono Yeeri.

Yowannisi 3:29

Woꞌee bi kenoochine; neexeꞌi waayeebeeti miyaatoo woꞌee kenoochi qaaroona oogichii emirii beetone. Illa ebina ta emiroo ceennitone.

2 Qorontoosi 11:2

Yeeri ittoshin bi qanaatee beetoommon, ebiyoommon ta wotta ittoshin qanaataabeeto taane. Ebiyoo shaakkeyaani gidiidechoommon ikke anaamoyich ittoshin ta immetoyichiye; aroo Kiristoosine.

Yibbaatoo 30:9

Ne Nuggishoo Doono Yeeri ne shuunaabeeti shuunoo bullina, meeti bushiishoona, gijjee shiijjoona, ne gochaabeeti goyoonoo oogichi ne gaannemmoyich tuniyemmone. Doono Yeeri ne qaabbechinaꞌon gaanniyoona bi emiroommon neen gaanniyoona emiremmone.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

1 Pheexiroosi 2:10

Ebiyee aaf Yeerichi yoodo toono ittoshine; tunebaani and Yeerichi yoodo tuneto ittoshine; ebiyee aaf Yeerichi ariqqittinoon ariyaano ittoshine; tunebaani and bi ariqqittinoon ariito ittoshine.

Yaaꞌoo 21:2

Yaafe katemee, andire Yerusaalemi, kenooch hamma macecikkiti tahoon tahaa qannaa tiyeti woꞌeen shaahaꞌa shimaajj beeti Yeer waanee bi kindaa beetaa beeggeho.