Isiyaasi 62:2 - Kafa Linguistics Project

² Aageteenaꞌo ne cadiqoon, taateenaꞌo bulli ne oogoon, beeggemminaꞌone; Doono Yeeri neen shigiyemmi, andire shigoona ceekkemmi neene.

Isiyaasi 62:2 ပူးပေါင်းရင်းမြစ်များ

Halloo 17:15

Yeeri andoo daakkiꞌi Abrahamich ishichiye: “Ne mechee Saarayin ebiyee bekk Saarayi geti ceeggaahine. Ebiyee bekk bi shigo Saari getteebe.

Halloo 17:5

Meeti aageteenaꞌoyich qaabbechi nihoon neen ta tuniitoyich, ebiyee bekk ne shigo Abraami getaa ceekkeyaachemmone; tunebaani Abrahami getaa ceekkemmone.

Halloo 32:28

Uroo “Ebiyee bekk ne shigo Yaaqobi getteyaaye; Yeerinoo ashoonoo qiiccaꞌa ne wochitoyich, ne shigo Israꞌeeli getteebe” iye.

Shoddo 98:2

Doono Yeeri bi wodiyoon arichiitone; bi cadiqittinoonoo aageteenaꞌoyich bekkiitone.

Isiyaasi 1:26

Ne woraaferasheenaꞌon wonneechooch, ne mikkirechinaꞌonoo aafichooch wochemmo taane; aroochee Cadiqee Katemee, Gibeneeti Katemee getaa ceekkemmi neene” iye.

Isiyaasi 26:2

Gibeneeti, cadiqe aageteenaꞌo giyemmoyich, katemee kelleenaꞌon qechibote.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 52:10

Doono Yeeri yaafe bi mochoon, aageteenaꞌo bullich bekkiyemmone; showee tuggeenaꞌo no Nuggishoochi wodiyoon beeggemminaꞌone.

Isiyaasi 56:5

ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Isiyaasi 60:11

Asheenaꞌo aageteenaꞌochi gaannoon, yixiibeeti boonoshi taateenaꞌona tookki deebemminaꞌo boonoshi tunetoyich, ne kelleenaꞌo xumoonaa areddoonon, bulli aabooch hicheyaachemminaꞌone.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 61:11

Showee maayoon bi colliyoommon, bechee budo arooch shookkeeton bi kophiiyoommon, Nuggishoo Doono Yeeri cadiqoonaa galletoonon, aageteenaꞌo bulli aafooch colliyemmone.

Isiyaasi 61:9

Boonoshi shiijjereenaꞌo aageteenaꞌo daggooch, boonoshi yareenaꞌo asheenaꞌo daggooch arichetinaꞌo tunemminaꞌone; boonoshin beeggimmo bulli, Doono Yeeri taanna diireetinaꞌo boonoshi tunoon ariyemmone” iye.

Isiyaasi 62:12

Boonoshiyoo, Yaafeeti Asheenaꞌo, Doono Yeeri Biisheti Asheenaꞌo, getaa ceekkemminaꞌone; newoo, Qaaweyaabeeti, Duppeyaani Katemee, getaa ceekkemmi neene.

Isiyaasi 62:4

Illa ebiyee bekk Duppeti getaa ceekkeyaachemmi neene; ne showoo Shokkaachoo Echeto getteyaachemmone; tunebaani Ta Emiroo Arooch Beeti getteyemmi neene; ne showee kenechi tunemmine; Doono Yeeri neenna bi emiritoyich, ne showeyoo Kenechi getteyemmine.

Isiyaasi 65:15

Ittoshi shigoon ta kaaccetinaꞌo waanaa maxxaaroyich tuniyemmo ittoshine; Nuggishoo Doono Yeeri ta, ittoshin wuxemmo taane; tunebaani ta guuninaꞌon bariti shigoona ceeggemmo taane.

Isiyaasi 66:11

Ebiyoo goggiibeeti bi xanoochee xamiree ittoshi michemmoyich, beshaa beshe bi gaannoochee gaawichi uyiree, ittoshi emiremmoyichiye.

Isiyaasi 66:12

Doono Yeeri ishichiye: “Diggoon woce aacochoommon biich woddiyemmo taane; aageteenaꞌo gaannoonoo ceeni aacochoommon bi waan wochemmo taane; aroochee xammemmo ittoshine; bi sheenooch tiqqeyemmo ittoshine; bi doshee toommoochaa capphemmo ittoshine.

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Mikiyaasi 5:8

Aageteenaꞌo daggooch curo tuneꞌi echeti ebi Israꞌeeleenaꞌo, kubbi cooxinaꞌo daggooch giyiti daaheroommon, bageenaꞌo daggooch giyiꞌi neexxii yangixxiibeeti, bi kishoochee koniyoona dichoon hakkaani more daaheroommon tunemminaꞌone.

Mishiraachechinaꞌo 11:26

qaawii daneꞌi Antsooka deebiye. Gutteenaꞌoo ikke naton arooch beeti kittinnee guuphi asheenaꞌona tookkii kiceebee, meeti asheenaꞌoyich Yeerichi qaaroon dojjiyeete. Arooba batti batt Yesuusichi dabbeenaꞌo Antsookaa kittinneenaꞌo getaa ceekkeheete.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.