Isiyaasi 61:2 - Kafa Linguistics Project

² Shucheti Doono Yeerichi natonaa no Nuggishoochi nichoo kichee aaboonon ta awaajjemmoyich, eeppii beetinaꞌo bullin ta goggiyemmoyich

Isiyaasi 61:2 ပူးပေါင်းရင်းမြစ်များ

Isiyaasi 1:24

Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.

Isiyaasi 13:6

Doono Yeerichi aabo katinnitoyich, eefebote; Beshe Hakkechi Yeer waanee aallo woyemmone.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 34:2

Doono Yeeri aagetoo bullin kaaretone; kupphe bi kaaro boonoshi ginee naayinaꞌo bulli toommooch kinditone; ciroona boonoshin aalliyemmone; boonoshin guureyoyich beshiiree immemmone.

Isiyaasi 34:8

Doono Yeeri, Tsiyooni toommooch bi tuniitoommon tuniiree, Edoomi toommooch nichoon bi gaaccemmi aabo beetone.

Isiyaasi 35:4

Boonoshi mullo shattii beetinaꞌon “Kupphebote; shattaahote; ittoshi Nuggishoo nichoon kichiya, boonoshi shuuneton boonoshich shuuneree, ittoshin wodiiya, woyemmone” getote.

Isiyaasi 40:1

“Goggiibote; ta asheenaꞌon goggiibote” iye ittoshi Nuggishoo Yeeri.

Isiyaasi 49:8

Doono Yeeri ishichiye: “Shucheti aabooba neech wochemmo taane; wodiyee aabooba neen gaachemmo taane; neenoo quyemmo taane; showoon wochi ne shuunemmoyich, ashaalli shokkoo echeti showoon ne qoodemmoyich, wogoon neen tuniiya asheenaꞌoyich immeto taane.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 57:18

Bi gommon beeggeto taane; tunebaani biin wodiyemmo taane; biin yaabemmo taane; biinnaa biich eeppii beetinaꞌonon goggiyemmo taane.

Isiyaasi 58:5

Ta qaawaabeeti coomoo ebine? Asho bi qelloon bi giishiyemmo ebiyooba baachiye? Qiximmoochoommon bi yittemmoyich, dookoon tahe, tulloon bi toommooch bi shakkemmoyichiye? Coomoo ne iyaabeeto ebiniye? Doono Yeeri taan emirikkiibeeti aabo ebine?

Isiyaasi 60:10

“Dallaaweenaꞌo ne uxeroon wochi uxeremminaꞌone; boonoshi taateenaꞌo neech maddemminaꞌone. Ta kaaroona neen yexxeto taane; tunebaani and neech ariqqemmo taane.

Isiyaasi 66:14

Ebin ittoshi beegiyooba ittoshi mullo emiremmone; ittoshi shaawusho mocoochoommon nollemmone; Doono Yeerichi kishoo bi guuninaꞌona tookkii tuno arichemmone; bi kaaro bi etteenaꞌo toommooch tunemmone.

Erimiyaasi 31:13

Aroochee gidiideenaꞌo emiroona duuttemminaꞌone; gurimaasheenaꞌo, geeneenaꞌoo boonoshichoommon emiremminaꞌone; boonoshi eefon emirooch wochemmo taane; boonoshin goggiyemmo taane; boonoshi ayinoon emiroona shaddemmo taane.

Erimiyaasi 46:10

Ebi aabo Beshe Mawe Nuggishoo Doono Yeeri aaboone; bi etteenaꞌo toommooch nichoon bi gaaccemmi aaboone. Bi goraado bi michimmi wottoon maayemmone; bi shachewoo tooqqimmi wottoon damoon uchemmone. Ebiyoo Beshe Mawe Nuggishoo Doono Yeeri dambi-waan, Efiraaxisee aachi gashooch deejjoon deejjemmo bi tunetoyichiye.

Mikiyaasi 3:8

Tunebaani ta, Israꞌeeleenaꞌoyich boonoshi xuꞌoonaa axaaxoonon ta gettemmoyich, Doono Yeeri bi Ayaanoon, giidoon, dayinnetoonaa hakkoonon taach immitone.

Maatiyoosi 5:4

Tuummii beetinaꞌo diireetinaꞌone; Yeeri boonoshin goggiyemmone.

Luqaasi 6:21

And shaacee beetinaꞌote, diireeto ittoshine; michemmo ittoshine. And eeppii beetinaꞌote, diireeto ittoshine; miiccemmo ittoshine.

2 Qorontoosi 6:2

Yeeri ishichiye: “Ta wojjoon neech ta bekkiyemmi saato shagaa, neechon waayehoye; neen ta wodiyemmi aabo shagaa, neen gaachehoye” iye. Ebiyoche, Yeerichi wojjoon ne danemmi saato hanaachiye; ne wodemmi aaboo andiye.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.