Isiyaasi 61:11 - Kafa Linguistics Project

¹¹ Showee maayoon bi colliyoommon, bechee budo arooch shookkeeton bi kophiiyoommon, Nuggishoo Doono Yeeri cadiqoonaa galletoonon, aageteenaꞌo bulli aafooch colliyemmone.

Isiyaasi 61:11 ပူးပေါင်းရင်းမြစ်များ

Halloo 1:11

Aroochee Yeeri “Mocoo, maayoonaa yaroo bi maac beeti aafoon aafeebeeti mixonon bi shaahi shaahoona showoo colliibe” iye; bi gettitoommonoo tunehe.

Shoddo 72:16

Showoo bulliich maayo oogichi woddebe; gocheti maayo guudinaꞌo toommoochaa yaaddebe. Libanoosi guudeexi maayoochoommon aafebe; katemooch beetoo gaddeexi mocoochoommon hubbimibe.

Shoddo 72:3

Guudinaꞌo gaannoon, geppeenaꞌo cadiqee aafoon ne asheenaꞌoyich daniibeete.

Shoddo 85:11

Gibeneyoo showoochee xuupphemmone; cadiqo shimaayoochaa dugilla ciinnemmone.

Solomooni 4:16

Dambi-waani yongoocho, tibe; deshi waani yongoocho, wobe; gaawe cinno cinnemmoyich, ta buchi toommooch yongebe. Ta shiiqqi bi budooch wobe; gaawe aafoonoo mame.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 45:23

Cadiqe ta noonoochee qaaro kechitone; ebiyoo shaddeyaachemmone; ‘Gutenoo bulli taach goyinnemmone; heciyoo bulli taanna wogemmone’ iyaꞌa, ta qelloona wogeto taane.

Isiyaasi 45:24

“Asheenaꞌo ‘Cadiqoonaa giidoona danemmo Doono Yeer waanaa baachiye’ getiree taachon yibbaatemminaꞌone; ta toommooch tiyitinaꞌo bulli, ta waan waaree yeellemminaꞌone.

Isiyaasi 45:8

“Shimaayeenaꞌote, cadiqoon dambee kindiibote; gumeenaꞌo amiyochoommon dichibeete; showoo qecheebe; wodoonaa cadiqoona collebe; Doono Yeeri ta ebin hallito taane.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Isiyaasi 48:18

Ta geteenaꞌon ne waayeto gaata, ne diggoo tahaani aacoommon, ne cadiqittinoo baharee aachi aayoommon tuneshone.

Isiyaasi 58:11

Doono Yeeri ta, ittoshin bulli aaboon yaabemmo taane; shuuꞌi showoochaa ittoshi qaatoon ceechemmo taane; ittoshi shaawushoon kupphiyemmo taane; aaco ucheeti bechee xaaꞌoommon, tahii ariyaani aachi xuuphoommon tunemmo ittoshine.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 62:1

Bi cadiqittino haree bekkoochoommon, bi wodoo gippee aaxxoochoommon, bi bekkammi wottoon, Tsiyoonichon cikkaache; Yerusaalemichonoo kasheyaache.

Isiyaasi 62:2

Aageteenaꞌo ne cadiqoon, taateenaꞌo bulli ne oogoon, beeggemminaꞌone; Doono Yeeri neen shigiyemmi, andire shigoona ceekkemmi neene.

Isiyaasi 62:7

Yerusaalemin bi manjii neechimmi wottoon, showoo bulliich galleteeti bi tuniimmi wottoon, biin kashiyaahote.

Maatiyoosi 13:23

Qeemi showooch holliti yaroon shaahii beetinaꞌo, Yeerichi qaaroon waayeꞌi shalligii beetinaꞌone. Boonoshiyoo aafoon aafemminaꞌone; ikkoo balle aafoon, ikkoo shiche aafoon, ikkoo shaashe aafoon aafemmone” iye.

Maatiyoosi 13:3

Asheenaꞌoyich meeti mooyon shaahiyoona gettiye. Gettiibeenoo ishichiye: “Ellebote, yaree shookkecho bi yaroon shookka kechiye.

Maatiyoosi 13:8

Baroo wotta qeemi showooch holliꞌi collehe; diccii kechiꞌinoo aafehe; ikkoo balle aafoon, ikkoo shiche aafoon, ikkoo shaashe aafoon aafehe.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.