Isiyaasi 61:10 - Kafa Linguistics Project

¹⁰ Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 61:10 ပူးပေါင်းရင်းမြစ်များ

Halloo 24:53

Aroochee birewoonaa aachoonoochee shuuneeti shasheenaꞌon, tahoonoo kichii Ribiqich immiye; wotta aaxxe gatiyechi qiiceenaꞌon bi manoonaa bi indeenoyich immiye.

2 Kiinoo 6:41

Nuggishoo Doono Yeero, and tibe; ne giidee malletoo tuneti ne taabootoona tookki ne kashee xaaꞌooch gibe; Nuggishoo Doono Yeero, ne qeesheenaꞌo ne wodiyoon tahebeete; ne yaafeenaꞌo ne deꞌittinoona emiribeete.

Nehimi 8:10

Nehimiyoo boonoshich, “Hambote; gaawe maayoon mamote; shaawi uyoonoo uyote; qanniti mooyo amolla boonoshich aalli asheenaꞌoyich ittoshich beetoochee daachiibote. Hanaachi aabo no Doonoyich yaafeetone. Doono Yeerichi emiroo ittoshich giidoo bi tunetoyich, ayiniyaahote” iye.

Iyoobi 29:14

Cadiqoon tahoochoommon tahehoye; dayinnetoonoo qoreddoochoommon xappaa ukoochoommon ukehoye.

Shoddo 132:16

Bi qeesheenaꞌoyichoo wodoon tajjemmo taane; yaafeeti bi asheenaꞌoo ililemminaꞌone.

Shoddo 132:9

Ne qeesheenaꞌo cadiqoon tahebeete; yaafeeti ne asheenaꞌo ililibeete.

Shoddo 28:7

Doono Yeeri ta hakkoonaa ta gaachoonane; ta mullo biin gibenehe; biinna gaacheehoye; ta mullo emiriye; shoddoona biin galletehoye.

Shoddo 35:9

Aroochee, ta kashe Doono Yeerina emiremmine; bi wodiyoonoo emiri wucwuccemmine.

Solomooni 1:10

Ne gaakkoo shashoona macecikkeetone; aaxxe qalibeto ne qettooch tippetone.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 17:10

Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

Isiyaasi 25:1

Doono Yeero, ne ta Nuggishoo neene; wonna wonna yameeti, worganikkiti mooyinaꞌon, gibeneyoona ne tuniitoyich, neen oogiihoye; ne shigoonoo galletehoye.

Isiyaasi 25:9

Ebi ceeniyooba, asheenaꞌo bulli, “Ebi no Nuggishoone; biin no gibenetoyich, noon wodiitone; ebi Doono Yeerine; biin gibeneto noone; bi wodiyoona emiribone; emiroonoo wucwucone” gettemminaꞌone.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 41:16

Shimaayooch shakkemmo neene; yongo boonoshin hidi daammemmone; yuboo boonoshin shaccemmone; newoo Doono Yeerina emiremmo neene; Israꞌeelee Yaafoona yebenemmo neene.

Isiyaasi 48:18

Ta geteenaꞌon ne waayeto gaata, ne diggoo tahaani aacoommon, ne cadiqittinoo baharee aachi aayoommon tuneshone.

Isiyaasi 49:18

Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Isiyaasi 49:4

Tunebaani ta “Duuboon aajjoye; gaacaalli duuboyich ta giidoon ciichiyoye; tunetaa, ta mooyo Doono Yeer waaniye; ta aayi gatiyoo ta Nuggishoo waaniye” iyoye.

Isiyaasi 51:11

Doono Yeeri biishetinaꞌo wottemminaꞌone; shoddebee Tsiyoon woyemminaꞌone; bulli aabee emiroon gubbichoo ukoommon ukemminaꞌone; emiroonaa wucwucona boonoshich tunemmone; ayinoonaa eefona boonoshiyee wokkemmone.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 56:7

“Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Isiyaasi 58:14

Doono Yeeri taanna emiremmo ittoshine; showee toommeexi qaalle xaaꞌooch ittoshi beeyemmoyich tuniyemmo taane; ittoshi qaabbechi Yaaqobichi iristoochee daneebeeti mooyona ittoshi michemmoyich tuniyemmo taane; ebin getteto Doono Yeeri taane” iye.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Isiyaasi 65:18

Tunebaani ebi ta hallitona bulli yemeenooch emiribote; emiroonoo wucwucote. Yerusaalemin emiroyich bi asheenaꞌonoo emiroona wucwucoyich hallito taane.

Erimiyaasi 2:32

Gidiidee bi shashoon, woꞌee bi tahoon battehane? Tunebaani meeti aaboon ta asho taan battetone.

Hiziqeeli 42:14

Qeesheenaꞌo yaafee kexooch giyii boonoshi maddetoyee gubb, boonoshi maddee tahoon shaddiꞌi arooch kotiyaanoon maachi addibaabooch keyaachemminaꞌone; ebiyoo taho yaafeeto bi tunetoyichiye; bare tahoon taheree asheenaꞌo beetooch hammemminaꞌone” iye.

Imbaaqoomi 3:18

ebi bulli tunetaanoona ta, Doono Yeerina, taan wodiyechi ta Nuggishoona, emiremmo taane.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Zakaariyaasi 3:5

Tawoo “Xalloo tuneti qelli caacoon bi qellooch caacote” iyo. Doono Yeerichi maraakoo arooch neexeꞌi beetaa, xalle qelli caacoon bi qellooch caacciyeete; tahoonoo tajjiyeete.

Luqaasi 15:22

“Tunebaani nihoo bi aafee bushiisheenaꞌon ishichiye: ‘Kaateree bulliyee beshe gaaweti tahoon deebi biich tajjibote; bi kishoochoo axxaamittoon, bi baatoochoo caammoon deebiree gedote.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

Roomi 5:11

Tunebaani ebi ikkeeto baach toonoone; and no Doono Yesuus Kiristoosichi gommona no shuneti Yeerina wotta geeciyone.

Galaati 3:27

Kiristoosina tookkii ikkotteꞌi afaalleeti ittoshi bulli Kiristoosin taheto ittoshine.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

Yaaꞌoo 21:2

Yaafe katemee, andire Yerusaalemi, kenooch hamma macecikkiti tahoon tahaa qannaa tiyeti woꞌeen shaahaꞌa shimaajj beeti Yeer waanee bi kindaa beetaa beeggeho.

Yaaꞌoo 21:9

Aree hillooch ciireexi shabaatte naxo ceenniti shabaatte xoofeenaꞌon yechiti shabaatte maraakeenaꞌoochee ikkoo waaꞌi taan “Hach ta waan wobe! Bagoochi mechee tunemmi woꞌeen neech bekkiibona” iꞌi gettiye.

Yaaꞌoo 4:4

Ebi are taatee qeechi guudoona bare hiyaa awudde taatee qeeninaꞌo beeheete; ebi qeeninaꞌo toommooch nacce tahoon taheꞌi boonoshi qellooch aachee gubbichoon uketi hiyaa awudde geeneenaꞌo koteꞌi beeheete.

1 Saameeli 2:1

Haanni ishichaꞌa corootiyan: “Ta mullo Doono Yeerina oogichii emiritone; Doono Yeerina kaama ciixeti taane. Taan bi wodiyoona oogichaa ta emiritoyich, ta etteenaꞌo toommooch miicceti taane.