Isiyaasi 61:1 - Kafa Linguistics Project

¹ Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Isiyaasi 61:1 ပူးပေါင်းရင်းမြစ်များ

Shoddo 102:20

Ebiyoo, qoppeenaꞌochi gaashiron waayoyich, qitooch nalleetinaꞌon biichii gawukkoyichiye.

Shoddo 147:3

Boonoshi mullo tiishetinaꞌon goggiihe; boonoshi mayon kaappii wodiihe.

Shoddo 149:4

Ebiyoo Doono Yeeri bi asheenaꞌona bi emiritoyich, qelloon giishii beetinaꞌoyich wudoon imona oogiibeeto bi tunetoyichiye.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 22:26

Girechinaꞌo maaree michemminaꞌone; Doono Yeerin qaawii beetinaꞌo biin galletemminaꞌone; ittoshi mullo bulli yemeenoon emiroona beebe.

Shoddo 25:9

Boonoshi qelloon giishii beetinaꞌon kaame gommona yaabiye; boonoshichoo bi gommon dojjiye.

Shoddo 34:18

Boonoshi mullo tiishetinaꞌoyich Doono Yeeri katinoone; gibeno kuxxitinaꞌon wodiyemmone.

Shoddo 45:7

Cadiqoon shunnehine; gonde mooyon shixxehine; ebich ne Nuggishoo Yeeri ne nuucheenaꞌoyee ne beshemmoyich, neen oogiiꞌi emiree zayitoona huuttiye.

Shoddo 51:17

Yeeri deqqemmi deejjoo tiisheti ayaanoone; Yeero, ne, tiishee giisheti mulloon hoxeyaachine.

Shoddo 68:7

Yeero, ne asheenaꞌo aafooch ne shiichiyooba, barahoona ne qaxiriyooba,

Shoddo 69:32

Xukketinaꞌo ebin beegiree emiremminaꞌone; Yeerich qeyitinaꞌote, ittoshi mullo goggebe.

Keyo 28:41

Ebi taheenaꞌon ne manoo Harooninaa bi anaami bushiisheenaꞌonoyich ne tajjitoyee gubb, zayitoon boonoshi shimbooch huutiree, qeesheenaꞌon tuniibe. Qeesheenaꞌo tuneree taach boonoshi maddemmoyich, yaafibe.

Keyo 29:7

Huutee zayitoon daamiree, ta shuunoyich bi baremmoyich bi shimbooch ukkiree huute.

Isiyaasi 29:19

Girechinaꞌonaa boonoshi qelloon giishii beetinaꞌona, Israꞌeelee Yaafoo tuneti Doono Yeeri immiibeeti emiroon wochinnoon danemminaꞌone.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 32:7

Xumme ashi gaboo gondoone; girechochi cookoo tato bi tunetaanoona koote yibbaatoona girechon aalliyoyich gondoon gabiye.

Isiyaasi 40:9

Mishiraachoon gettaabeeti Tsiyoone, guudi cullullooch keye; mishiraachoon gettaabeeti Yerusaaleme, ne qaaroon oogichi cookibe; shattaahine; Yihudee katemeenaꞌoyich, “Ebiyoche ittoshi Nuggishoo” gete.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 42:7

Ebina aaf doogeenaꞌochi aafoon gaxxemmo neene; qoppeenaꞌon cuyee kexoochee, manderooch kotetinaꞌon aroochee, kichemmo neene.

Isiyaasi 48:16

“Ta waan katiniree ebin waayebote: Wonnee tiijjaꞌa aashoona yibbaateyaano taane; bi tuneti aaboochee tiijjaꞌa ta arooch beeto taane” iye. Andoo Nuggishoo Doono Yeerinaa bi Ayaanoona taan wochee deejjitone.

Isiyaasi 49:9

Qoppeenaꞌon ‘Keyi hambote,’ manderee daggooch beetinaꞌonoo ‘Bekkooch keyote’ gettemmo neene; gommona hamibee, maayoon dane maayemminaꞌone; geppee toommeexi shokke xaaꞌoo, boonoshich mocechi gaddo tunemmone.

Isiyaasi 52:7

Diggee mishiraachoon deebiibeeti, wodeechon awaajjiibeeti, “Ne Nuggishoo taatemmone” iꞌi Tsiyoonich gettiibeeti, wocheyechinaꞌochi baateenaꞌo guudi toommoochaa am shaahoon gaaweheete!

Isiyaasi 52:9

Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 57:18

Bi gommon beeggeto taane; tunebaani biin wodiyemmo taane; biin yaabemmo taane; biinnaa biich eeppii beetinaꞌonon goggiyemmo taane.

Isiyaasi 59:21

Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Erimiyaasi 34:8

Taatoo Sedeqiyaasi guuninaꞌon guuchittinoochee kichoyich Yerusaalemi katemee asho bullina tookkii wogoon bi giyitoyee gubb, Doono Yeeri bi qaaroona Erimiyaasich gettiye;

Erimiyaasi 52:33

Yoyakiini cuyee kechi tahoon shaddiye. Aroochee Yoyakiini bi kashee yemeeno bulliich taatoochi madoochee maa beehe.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Leweenaꞌo 7:35

“ ‘Doono Yeeri taach maddeya qeesheenaꞌo tuneꞌi boonoshi ukkireti aaboochee tiijjiree, qaaqqooch michaa Doono Yeeri taach giddeebeeti deejjoochee Harooninaa bi anaami bushiisheenaꞌonoyich icheti boonoshi qoodoo ebine.

Mikiyaasi 3:8

Tunebaani ta, Israꞌeeleenaꞌoyich boonoshi xuꞌoonaa axaaxoonon ta gettemmoyich, Doono Yeeri bi Ayaanoon, giidoon, dayinnetoonaa hakkoonon taach immitone.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 3:16

Yesuusi aacona bi afaalleetoyee gubb, bekkech aacoochee kechiye; areegaata shimaayoo [biichoo] qecheehe; aroochee Yeerichi Ayaano bi ashittinee halloo uggechoommon tuneꞌi, bi toommooch kindii kotoon beeggiye.

Luqaasi 7:22

Yesuusi are wocheetinaꞌoyich wochiꞌi, “Hamiree ittoshi beeggiton, ittoshi waayetonoo Yowannisich getote. Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Yowannisi 1:41

Biyoo Yesuus waanee kechii hammii shiichii bi hajjee manoo Simoon waan shaggii, “Masihin daneto noone” iye. Masihi geto “Kiristoosi” getone.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Mishiraachechinaꞌo 4:27

“Iberoone, ne huutteti yaafe ne Bushoo Yesuusi toommooch gondoon koceya, Heroodisinaa Fantoosechi Phelaaxoosina Israꞌeeleenaꞌonaa Aageteenaꞌona tookkii hini katemooch kiceeheete.

2 Qorontoosi 3:17

Illa Doono Ayaanoone; Doonochi Ayaano beeti are xaaꞌooch guuchittinoochee keyo beetone.

2 Qorontoosi 7:6

Tunebaani ayinii beetinaꞌon goggiibeeti Nuggishoo Titoosin no waan bi deejjoona noon goggiitone.

Hibireena'o 1:9

Cadiqoon shunnehine; hukkoon shixxehine; ebich Yeeri ne Nuggishoo, ne nuucheenaꞌoyee ne beshemmoyich, neen oogiiꞌi emiree zayitoona huuttiye” iye.