Isiyaasi 60:7 - Kafa Linguistics Project

⁷ Qedaaree bageenaꞌo ne waan kiceyemminaꞌone; Nebayootee bagee baaddeenaꞌo deejjoyich neech gaaccemminaꞌone; ta deejjee gudooch giddoyich bedditinaꞌo tunemminaꞌone; oogechi ta yaafee kexon oogiyemmo taane.

Isiyaasi 60:7 ပူးပေါင်းရင်းမြစ်များ

Halloo 25:13

Ishmaꞌeeli bushiishoo boonoshi shiijjee yaaroona eboshine: Bi gutenee bushoo Nebayooti, Qedaari, Adibeeli, Mibisaami,

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Shoddo 120:5

Mesheek ta beetoyich, Qedaari duukkaanee daggooch ta kotetoyich, taach woowo!

Solomooni 1:5

Yerusaalemi gidiideenaꞌote, ta aaꞌi taane; tunebaani malletechi taane; ta aaꞌo Qedaari duukkaanoommo, ta malletoo Solomooni kechi maccillaatoommone.

Isiyaasi 19:19

Arooba Gibitsee showee daggooch, Doono Yeerich deejjee gudo shuuneyemmone; bi danoochoo Doono Yeerich malletee giimboo neexemmone.

Isiyaasi 19:21

Doono Yeeri Gibitseenaꞌoyich, koni bi gaata arichiyemmone; boonoshiyoo arooba Doono Yeerin ariyemminaꞌone; deejjoonaa maayi buuroonon giddiyoona biich goyinnemminaꞌone; Doono Yeerich mookkoon mookkemminaꞌone; boonoshi mookketonoo ceechemminaꞌone.

Isiyaasi 21:16

Ebich Doono Yeeri taach ishichiye: “Shuunooch giyiti asho shuunee aaboon bi haddoommon, Qedaarichi oogo ikke nati daggooch ciyemmone;

Isiyaasi 42:11

Barahoonaa arooch beeti katemeenaꞌona, Qedaari asheenaꞌo koteti gafeenaꞌoo cookibeete; Seela kotetinaꞌoo ililibeete; guudi toommoochaanoo cookibeete.

Isiyaasi 56:7

“Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Isiyaasi 60:13

“Ta yaafee kechi xaaꞌoon macecikkoyich, Libanoosichi oogee yiiroo tuneti yigoo, naddee mixonaa ciidoona, ne waan woyemmone; ta baatoo neexxiti xaaꞌoon oogiyemmo taane.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 27:21

“ ‘Arabeenaꞌonaa Qedaaree iraasheenaꞌo bullina bagee bushiishoon, bagee baaddoonaa emmishee baaddoonon deebona neenna tookkii giixee beeheete.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Sofoniyaasi 3:10

Wohi showooch shaceꞌi beeti ta asheenaꞌo, Topphiyee aacinaꞌoyee beqachee, buuroon taach deebiree ta waan corootemminaꞌone.

Zakaariyaasi 2:8

Ittoshi achooch shaggimmo ta aafee aachoon kochite getone” iye. Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye:

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Hibireena'o 13:10

Duukkaanoochaa maddee beetinaꞌo aroochee boonoshi maayemmoyich daaggeyaani deejjee gudo nooch beetone.