Isiyaasi 60:6 - Kafa Linguistics Project

⁶ Miidiyaminaa Efaahinoochee waati, bushe dofee gaaleenaꞌo ne showooch ceennemminaꞌone; bulliyona Sheebee woyemminaꞌone; aachoonaa ixaanoonon deebemminaꞌone; Doono Yeerichi galletoon awaajjemminaꞌone.

Isiyaasi 60:6 ပူးပေါင်းရင်းမြစ်များ

Halloo 10:7

Kushi bushiishoo: Seebi, Hawili, Sabiti, Raꞌiiminaa Sabitekinane. Raꞌiimi bushiishoo: Sheebinaa Dedaaninane.

Halloo 25:13

Ishmaꞌeeli bushiishoo boonoshi shiijjee yaaroona eboshine: Bi gutenee bushoo Nebayooti, Qedaari, Adibeeli, Mibisaami,

1 Taateenaꞌo 10:2

Meeti deennechon dabbiyaꞌa, qimaamoon, wodde aachoonaa aaxxe xaqqoonon gaaleenaꞌooch xaaniyaꞌa, Yerusaalem waahan. Solomoon waan giyaꞌa, bi mullooch beeti echo bullin biin echahan.

2 Taateenaꞌo 8:9

Ebich Hazaheeliyoo Elisayina danoyich hammiye. Damaasiqee daneti gaawe mooyo bullin aabbe gaaleenaꞌona xaaniꞌi, wojjoon daammiye. Hammii bi aafooch neexeechii, “Sooriyee taatoo tuneti ne bushoo Been Hadaadi, ‘Hini biiyoochee wodehote?’ iꞌi neen ta echemmoyich, taan wochetone” iye.

1 Kiinoo 1:33

Miidiyamichi anaami bushiisheenaꞌo: Efaahi, Efeeri, Hanooki, Abidinaa Elidaahinane. Eboshi bulli Qexuuri bushiisheenaꞌone.

2 Kiinoo 9:1

Sheebee taatee worganikkiti Solomoonichi shalligoon waayaꞌa, turitoona biin phireya waahan. Meeti deennechon dabbiyaꞌa, qimaamoon, wodde aachoonaa aaxxe xaqqoonon gaaleenaꞌooch xaaniyaꞌa, Yerusaalem waahan. Solomoon waan giyaꞌa, bi mullooch beeti echo bullin biin echahan.

Shoddo 67:4

Macceenaꞌoyich kaachaa ne nallaa beetonaa aageteenaꞌon showee toommoochaa ne yaabaa beetonoyich, aageteenaꞌo emiribeete; ililishoo geteete.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Shoddo 72:15

Taatoo meeti yemeenoon beebe; Sheebee aachoo biich ichebe. Bulli aaboon corooto biich corooteebe; heeyo bullin Yeerichi diiroo biich tunebe.

Isiyaasi 30:6

Negeeb beeti cooxinaꞌochon Doono Yeer waanee getteeti wocho ebine: “Daahereenaa daaheroona, xekereenaa awureebeeti dingeroona beeti iritee showoonaa xuuxee showoonon besheree, boonoshi gaannoon kuree toommooch, boonoshi yaaphoon gaalee toommooch xaaniree boonoshich gaacaani asheenaꞌo waan hammemminaꞌone.

Isiyaasi 42:10

Doono Yeerich andire shoddoon shoddebote; bi galletoon showee toommo bulliichaa shoddebote. Baharee toommona shaꞌee beetinaꞌo bulli, baharee daggooch beeti halleenaꞌo bulli, galletebote. Baharee gashooch, buure showoonaa arooch beetinaꞌonote, shoddebote.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 60:9

Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.

Isiyaasi 61:6

Ittoshiyoo, Doono Yeerichi qeesheenaꞌonaa no Nuggishoochi maddechinaꞌona getaa ceekkemmo ittoshine; aageteenaꞌo gaannoon maayemmo ittoshine; boonoshi yaaphoona geecemmo ittoshine.

Erimiyaasi 6:20

Amoyich ixaano Sheebee showoochee, gaawe cinnechi shitto wohi showoochee, taach waahe? Micciibeeti ittoshi deejjoon deꞌaachemmo taane; bare ittoshi deejjoo taan emirikkaanoone” iye.

Hiziqeeli 27:22

“ ‘Sheebi giixechinaꞌonaa Raꞌiimi giixechinaꞌona neenna tookkii giixee beetinaꞌone; gaawe qimaamo bullin, aaxxe xaqqo bullinaa aachoonon neenna tookkii giixee beeheete.

Sofoniyaasi 3:10

Wohi showooch shaceꞌi beeti ta asheenaꞌo, Topphiyee aacinaꞌoyee beqachee, buuroon taach deebiree ta waan corootemminaꞌone.

Zakaariyaasi 14:16

Aroyee gubb, Yerusaalemin waa kochiti aageteenaꞌo daggoochee, qitoochee muriccitinaꞌo bulli Taatoo, Beshe Mawe Doono Yeerich goyinnoonaa Bashee (Yambaaree) Baaroon baaroonoyich, nati natooch woyemminaꞌone.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 2:11

Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.

Roomi 15:9

wotta Aageteenaꞌo Yeerin bi maaroyich boonoshi oogiyemmoyichiye iyo. Ebiyoo, “Ebich Aageteenaꞌochi daggoochaa neen galletemmo taane; ne shigoyichoo shoddemmo taane” getaa bi kooreetoommoniye.

Yibbaatoo 32:43

“Aageteenaꞌote, Doono Yeerichi asheenaꞌona tookki emiroona cookibote. Bi guuninaꞌochi damee nichoon kichii beetone; bi etteenaꞌo toommoochoo nichoon kichii beetone; boonoshi axaaxee naboona duubeti bi asheenaꞌo showoon xallii beetone” iye.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

Woraaferasheenaꞌo 6:5

Boonoshi gijjeenaꞌon gashee, boonoshi duukkaanoon yechiꞌi boonoshi waa beegaata, boonoshi haddoo gechoommone. Ebi asheenaꞌonaa boonoshi gaaleenaꞌona haddaa ciyaani dofeenaꞌone. Boonoshiyoo waaꞌi showoon aallii beeheete.

Woraaferasheenaꞌo 7:12

Gechoommon dofeenaꞌo tuneti Miidiyameenaꞌo, Amaleeqeenaꞌonaa aabi-keyo waani asheenaꞌo bullina are bambooch beetinaꞌone. Boonoshi gaaleenaꞌochi haddoo baharee gasheexi qacoochoommon haddaa ciyaanoone.